JOSHUA 16:10 - Kemethajüh (N) (Re-editing) Bible (BSI)

¹⁰ Isala mathu na Gezer wi Kanaan nyithu tsü njügüshila, tsalina Kanaan nyithu nansü kecu Efraim nyithu jawi hangben, isala mathu meten pi nssümagha kekuli sa thsüden.

JOSHUA 16:10 Iomraidhean Croise

1 KADIMITHU 9:15

Kadimi Solomon na meten pi kekuli sa kebenthu ssinu Kekinyijjen nu ma kadijjen sa, anyunutiwa khweti tsü zhüyale kesalina ayyi pvüpi anyunuti na nishuwa tsü pongya. Ma tsüthu ssinu anyunuti hathu la sapfüneng Hazor, Megiddo, nu Gezer.

1 KADIMITHU 9:16

(Ejipt kadimiwa na Gezer ssikaghashen nu tsü nkaya, ciwi kahangthu pathia nu anni pi anyunutiwa tsü mecang chia. Tsaseng wi ma nga na Solomon wi n-nukewa wi ma tsüpi keshanyi ju sa cüa,

JOSHUA 10:33

Gezer wi Horam kadimiwa na Lakhish kiqale gho, isala Joshua nu ma süpahizi na ma chaya nu mathu kesüla nhang thsüla pathia.

JOSHUA 15:63

Isala Judah nyithu na Jebus nyithu Jerusalem wi hang keben tsü jügüshi meyala. Tsalina Jebus nyithu na khili la ciwi Judah nyi gweghe hangben.

JOSHUA 16:9

Manasseh ggü non wi anyuti nu anyu pahan lela pi Efraim nyithu cüa.

JOSHUA 17:12

Isala Manasseh nyithu na anyi anyuti tsüthu wi hang kebenthu jügüshi meyala, tsalina Kanaan nyithu na ciwi hang wa.

JOSHUA 17:13

Israel nyithu na zü kayi keya seng wi lela mathu na Kanaan nyithu tsüdi njügüshila, isala mathu meten pi mathu kekuli sa thsü.

PENDHENYI 1:29

Efraim mizza na Kanaan nyi Gezer nyunuti wi hang kebenthu jügüshi meyala, tsalina Kanaan nyithu na ciwi mathu gweghe hang ben wa.