JOSHUA 15:39 - Kemethajüh (N) (Re-editing) Bible (BSI)

³⁹ Lakhish, Bozkath, Eglon,

JOSHUA 15:39 Iomraidhean Croise

2 KADIMITHU 14:19

Jerusalem wi acho kesü sa nu Amaziya pathia le sa, tsalina ma bvüsen Lakhish nyunutiwa wi wa, isala ma ghinyithu na ma nie wa ciwi ma pathia.

2 KADIMITHU 18:14

Hezekiya na ketsijüh kesü kesun pi Sennakherib na Lakhish wi keben ciwi chi: “Hi sazzidhale; no nchala hi ssi nkaghashenla yilo, hi no mangwa khie khe pi no cüaben na.” Kadimiwa na luneng kechi na Hezekiya na rükatssü kilogram hazar tagha nu suna kilogram hazar kesü kesun pi ma wi chilo khi.

2 KADIMITHU 18:17

Assiriya nyi kadimiwa na Lakhish wina ma süpahizi keti kesun chipi Jerusalem wi Hezekiya ssikaghashen thsü; tsüna ma benchüthu kedi ntsa kecheng na ssigho. Mathu na gho Jerusalem cukeya wi mathu na wa acüceng meiwa na atssü hhisen gho keben wi athsü ghasü ketenthu lenwa tsü khenya.

2 KADIMITHU 19:8

Assiriya nyi kediwa na Kadimiwa na Lakhish teshi nu wa Libnah nyunuti kete wi kesali benle kesa chüya; tsalina ma ciwi wa kadimiwa wi kecenkinali.

2 KADIMITHU 22:1

Josiya na ma kahang mapi tazen wi Judah kadimi saya, nu ma amapi changha nu kesü Jerusalem wi kekhang sen. Ma jja na Bozkath nyuti wina keghowa Adaiya nga Jedida.

JOSHUA 10:3

Tsalina Adonizedek na ketsijüh ha kesun pi Hebron wi Hoham kadimiwa, Jarmuth wi Piram kadimiwa, Lakhish wi Jafia kadimiwa, nu Eglon wi Debir kadimiwa wi chi:

JOSHUA 10:34

Tsashi, Joshua nu ma süpahizi na Lakhish wina Eglon wi wa tsü vüya nu ssikaghashen.

JOSHUA 15:38

Dilean, Mizpah, Joktheel,

JOSHUA 15:40

Kabbon, Laman, Khitlish,