JOSHUA 15:17 - Kemethajüh (N) (Re-editing) Bible (BSI)

¹⁷ Kaleb cünyuwa Kenaz tsa Otnniel na anyunutiwa tsü nkaya, tsalina Kaleb na ma nga Akhsa pi ma wubvü saya thsüa.

JOSHUA 15:17 Iomraidhean Croise

1 KHENICÜKI 2:49

Tsaseng wi la ma atsa keni muya; Madmannah nyuti sa kechiwa Shaaf; nu Makhbena nu Gibea nyuti keni sa kechiwa Sheva. Tsümiwi la Kaleb na anga kesü ma nyan Akhsa ben.

1 KHENICÜKI 4:13

Kenaz na atsa keni— Otnniel nu Serahiya ben. Otnniel la atsa keni Hathath nu Meonothai ben.

SHICÜSI 32:12

Hawa ha Keniz nyiwa Jefunne tsa Kaleb nu Nun tsawa Joshua manyi ketan khe tsüdila saghuben; manyi na Apvüwa jühkeya wi ben.

JOSHUA 14:6

Ghanan kesü Judah mizza wi anyi pahan na Gilgal wi Joshua wi gho. Mathu meshu kesü Keniz nyi Jefunne tsawa Kaleb na ma wi khi, “Apvüwa na Kadesh Barnea wi ishinyi ghena Anyiza nyiwa Mosa wi mangwale khi khe no chüben.

JOSHUA 15:16

Kaleb na khi, “Hi inga Akhsa pi anyi thowa na Kiriath Sefer nkaya khe ma wubvü sa thsüaden.”

PENDHENYI 1:13

Kaleb cünyu ghanyiwa Kenaz tsa Otnniel na anyunutiwa tsü nkaya, tsalina Kaleb na ma nga Akhsa pi ma wubvü saya thsüa.

PENDHENYI 3:11

Ayyi ciwi amapi jügha kecca na ben, tsaseng wi Otnniel na shüa.

PENDHENYI 3:9

Tsaseng wi Israel nyithu na Apvüwa wi maghala qai, nu ma anyi kesü kesun pi mathu khushiya thsüa. Hawa ha Kenaz cünyu ghanyiwa Kaleb tsa Otnniel.