JOSHUA 14:12 - Kemethajüh (N) (Re-editing) Bible (BSI)

¹² Tsalina khili, Apvüwa na hi nu inyithu na khi kiza ghanan wi khishiketheng ti yyishiphon diyyiwa tsüpi hi cülo. Anakim gei kücanyithu na ciwi anyunutithu khweti keti sa nu benle kesa ithu na no kizadha. Apvüwa na hi ssitenla metsi, Apvüwa na kekhi ti hi mathu jügüshiaben.”

JOSHUA 14:12 Iomraidhean Croise

2 KADIMITHU 19:4

Assiriya nyi kadimiwa na ma kekhu wi kedi ntsawa kesun pi Hangkebenwa Nyiza kimenni thsüben. Apvüwa n-Nyiza na kimennijüh zaya nu tsü kekhithu meten kecüwa salo. Tsalina ithu nyi hangkeyathu ghena Anyiza wi kekhie salo.”

2 KHENICÜKI 14:11

Asa na Apvüwa ma Nyiza wi kekhie sa, “O Apvüwa, no lekete nu süpahizi nkekhang kesü kiqa pi kekhang ntsa sa cüya mehai. O Apvüwa ithu Nyiza, khili ithu kiqa cülo, kepaghenanye ithu na no nondi nu n-nyan wina süpahizi keti ha shunla ssisale shhughodha. Apvüwa, no ithu Nyiza; anyi kesüla no chaya nben.”

ZAKECI 44:3

N-nyithu na mathu njünnu sen nu ayyiwa tsü nka meya; mathu kekhang wina khang meya; isala no kekhang nu no kezü, no keten chüti kesa ghena, tsüna no mathu tizen tenle kesa pi ccüca kechi.

ZAKECI 60:12

Anyiza na ithu wi benthu ithu na khangyaden; ma ithu ghinyithu miwi khang yaden.

SHICÜSI 13:28

Isala ciwi kahang anyithu na khangzü ntsa nu mathu nyunutithu na di ntsa nu mehaitsü khwetivü theng le. Tsümiwi ikhang na anyi kücanyi shicüthu la mule.

SHICÜSI 13:33

nu ciwi anyi kücanyi Anak shicüthu la mule. Ithu na mathu tuwi aqaponthu ti kizzakiki, nu mathu na ithu ghang pi tsüti sabenla metsi.”

SHICÜSI 21:34

Apvüwa na Mosa wi khi, “Ma nmessi lalo. Hi no ya ma nu ma nyithu tsüdi, nu ma yyi miwi khangya thsüaden. No Heshbon wi kekhang kesenwa Amor nyi kadimi Sihon miwi kuli kechi ti ma miwi la kuli chilo.”

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

AYENZHÜNENG 1:28

Mangsale ithu ciwi wa nu? Ithu na messiben. Ithu anyi kesun kechithu na ciwi anyithu na ithu miwi züki nu sieki, nu mathu na anyunuti khweti sapi atssan la cukeben non wi hangbenle ithu kiza. Mathu na ciwi kücanyithu la muyale!’

AYENZHÜNENG 9:1

“Israel nyithu kinalo! Nthu na nansü Jordan Ghaku pvüdhi wala nthu miwi ketiki nu kekhangki mizzatenti yyiwa tsü yaya tendha. Mathu nyunutithu na ketiti nu akhweti zhüpi atssan cutheng.

AYENZHÜNENG 9:3

Isala nthu khili Apvüwa nthu Nyiza na annikeqhe kesü ti nthu tuwi wa keten muyaden. Nthu na atujügüwathu ma mathu miwi khangya, isanu ma khishiketheng ti wan mathu jügüshi nu yasa cüle kesalina.

FILIPPINYI 4:13

Khrista na kekhang pi hi kecü wina hi katsüha tsüdila saya kemehai kekhang ben.

IBRINYI 11:33

Kenondi ghena mathu diyyi kepathu ssinu aghisa nu khangya. Mathu na kemeshonwa tsü sa nu Anyiza jühkhukechi muya. Mathu na ssensitemithu pang khen,

JOSHUA 15:14

Kaleb na anyunuti wi Anak shicübvüghathu, Sheshai, Ahiman, nu Talmai geithu tsü jügüshia.

PENDHENYI 1:20

Mosa na kekhi ti Hebron tsü pi anyunuti tsüwa wi Anak shicübvügha agei kecheng jügüshi kesawa Kaleb cüa.

1 SAMUEL 14:6

Jonathan na pvüzawa wi khi, “Ishinyi Anyiza nkechüthu Filistinthu kemnanpen witsü du na. Apvüwa na ishinyi kiqa cüla mechü; ishinyi ketan lela ma mangla khangkeya pi ishinyi nkecü sa nben.”