JOSHUA 12:1 - Kemethajüh (N) (Re-editing) Bible (BSI)

¹ Israel nyithu na ayyi Jordan na nishuwa nkaya nu benyadha, tsüna Arnon Yyiketijü wina wa Jordan Yyiketijü nu wa Hermon Yikha kecu. Mathu na kadimi keni chaya.

JOSHUA 12:1 Iomraidhean Croise

1 KADIMITHU 4:19

Uri tsa Geber: Gilead yeguwa kheni Amor nyi Kadimi Sihon nu Bashan wi Kadimi Og na kekhangsen kegho tsü Taghakeni hathu miwi anyi maben ghena ahng kesü na ben.

ZAKECI 133:3

Tsüna Hermon yikha wina akejan na Zion yyishiphon thu miwi ca dugho keben ti kesa. Tsüti kesa wi ha Apvüwa na ma kesawegü pi cüle khishi ketheng — tsüna kahang ha khiela asakhen sa nten.

ZAKECI 136:21

Ma mathu yyi pi ma nyithu cüa; ma kaghali na anuphan ben den.

ZAKECI 89:12

No acülawa nu aghawa la sachi; Tabor nu Hermon Yikhathu na anonghe, nu akhwi sapi no wi chi.

ISAYA 16:2

Mathu na Arnon Ghaku ghüsa wi hie nu kemtsü mangla nmila awa na ma ghacen wina jügüshi kechi ti bvü wa nu bvü gho saben.

SHICÜSI 21:13

Ciwi mathu na kheneng apen ketsen sen wa Arnon Ghaku na aghawa kemnanpen sa, tsüna aghansha sa sen wa Amor yyi cuben. (Arnon na Moab nyithu nu Amor nyithu jüwi manyi kemeggü saben.)

SHICÜSI 21:21

Israel nyithu na nyilo kesun pi Amor nyi kadimi Sihon wi chi nu khi thsü,

SHICÜSI 21:24

Isala Israel nyithu na aghi wi ghinyithu kejon pathia nu mathu yyi aghawa Arnon Ghaku na wa Ammon nyithu yyi Jabbok kecu nkaya, kepaghenanye Ammon nyithu na mathu ggü khweti mehaitsü satheng.

SHICÜSI 32:19

Ikhang na Jordan khhakawa mathu ja wi keben-keyeng mangla ya nben, kepaghenanye ikhang na Jordan nishuwa hewi ikhang shei muyadha.”

SHICÜSI 32:32

Apvüwa jüh kenie wina ikhang na Kanaan pvüdhi du nu aghi wi waden, isanu ikhang na he Jordan nishuwa ikhang keben benyaden.”

SHICÜSI 32:33

Tsalina Mosa na Amor nyi kadimi Sihon nu Bashan nyi kadimi Og yyi tsüdi pi anyunutithu nu mathu kevü diyyi saghula pi Gad nu Reuben mizzathu nu Manasseh mizza gishü pahanthu cüa.

AYENZHÜNENG 2:24

Ithu na Moab yyi kepvüdhi seng wi Apvüwa na ithu kiza, ‘Khili lentsen sen Arnon Ghaku pvüdhi wayilo. Hi Heshbon wi Amor kadimiwa Sihon nu ma yyi saghu pi nthu kekhu wi chiaben. Ma ssikesali nu ma yyi nkayalo.

AYENZHÜNENG 2:32

Sihon na ma nyithu tsüdi ssinu ithu ssikesali le Jahaz nyuti kete wi shhugho,

AYENZHÜNENG 3:1

“Tsashi ithu na apen ketsen sen aghawa Bashan yegu wi wa, nu kadimi Og na ma nyithu tsüdi ssinu ithu ssikesali le Edrei nyuti kete wi shhugho.

AYENZHÜNENG 4:44

Mosa na Anyiza yenthu khuchi nu pi Israel nyithu sansi.

AYENZHÜNENG 4:48

Ayyi hana Arnon Ghaku katen wi Aroer nyuti wina wala aghawa Sirion Yikha, tsüna Hermon Yikha kecu waben.

JOSHUA 1:15

nu mathu Jordan na niduwa Apvüwa nthu Nyiza na ayyi pi mathu cü ketheng tsü npi yakeya chu mathu kiqale kesalina. Khathansha wi Israel mizzathu tsüdi yazishu benya thsü khe, nthu na kheneng gho Jordan na nishuwa Apvüwa maghawa Mosa na pi nthu cü kethengwa nthu yyi wi ha hang waya mehai.”

JOSHUA 11:17

Ayyi tsüna acülawa Edom kete Halak Yikha wina wala aghawa Hermon Yikha na acülawa Lebanon yyiketijü wi Baalgad kecu. Joshua na matsü kesiela hewi kadimithu ssinu aghisa, isala ma mathu tsüdi ghanya nu pi shü thsüa.

JOSHUA 11:3

Ma ajüh kesun pi Jordan ghapeli wi kebenthu Kanaan, Amor, Hitti, Periz, nu yyishiphon diyyiwa wi Jebus, Mizpah yyi wi Hermon Yikha ccü wi hang keten Hivi nyithu wi la chi.

JOSHUA 13:8

Reuben, Gad, nu Manasseh mizza kegishü pahan mizzathu na Jordan Ghaku na nishuwa Apvüwa maghawa Mosa na pi mathu kecü ayyi tsü muyadha.

JOSHUA 22:4

Khili Apvüwa nthu Nyiza na ma khishiketheng ti kecca pi no Israel nyithu cüdha. Tsalina ayyi nthu jile khi keben Jordan na nishuwa Apvüwa maghawa Mosa na pi nthu cü kethen witsü whanenglo.

PENDHENYI 11:18

Tsaseng wi mathu na ayyikeshüwa tsü pvüdhi sen Edom nu Moab yyi tsü vü sen nu Moab na nishuwa Arnon Ghaku khhaka witsü ghoya. Mathu na ciwi kemnanpen saben, isala mathu na Arnon tsü npvüdhi kepaghenanye tsüna Moab ggü saben.