JOSHUA 11:6 - Kemethajüh (N) (Re-editing) Bible (BSI)

⁶ Apvüwa na Joshua wi khi, “Mathu nmessila. Dhitsü wi hathansha wi hi Israel ghena mathu tsüdi pathi cüben. Nthu na mathu goruthu ccü pashü nu anni pi mathu gorugarithu tsü mecang cülo.”

JOSHUA 11:6 Iomraidhean Croise

2 SAMUEL 8:4

David na ma goru kessinyi meza tagha nu tagü nu süpahithu hazar ngwe ghanya. Ma gorugari meza ghena goruthu pi thengya nu kepa wi tsüdi ccü pashüa.

2 KADIMITHU 6:16

Elisha na luneng, “Nmessila. Mathu wiwa kesawa nyela ikhang wiwa kesawa na jiben.”

2 KHENICÜKI 20:16

Dhitsü wi mathu na Ziz wi keshhugho wi wa mathu ssikaghashenlo. Nthu na yyiketijü kenten wi Jeruel ghansha wi kewalen kete witsü mathu metu yaben.

ZAKECI 46:10

“Aghi nsa layi,” ma isakhi, “Nu hi Anyiza le kesa chü yalo, mizzatentithu miwi kedi ntsawa, ayyi wi kemisi ntsawa.”

ZAKECI 46:11

Kekhang ntsawa Apvüwa na ithu ssiden; Jacob Nyiza tsüna ithu ken-nie penwa.

ZAKECI 46:9

Ma ayyi tsüdi wi aghikesa khen; ma alamugho pashü, apiethu yasa, nu anni pi atsonhithu la mecang.

KEMETSAJÜH 20:7

Keujüla atsangathu na ketsatan nu kemeshon kuli keten ba kesü ben lethu mathu na acenpvü kemehai ntsa.

ISAYA 30:16

Tsüti kesawa nye nthu na goru kembhi ntsa miwi ben nu nthu ghinyi tubvüale saden. Nu nthu na nyu tubvüale kesa tsüna nthu na kesau ntsa! Nthu na nthu goruthu na mbhi ntsale meshenden, isala nthu jügü ketenthu na tsü miwi mbhiki!

ISAYA 31:1

Ejipt wi kekiqa bha wa ketenthu na dedi tendha! Mathu na Ejipt süpahi, goru, nu gorugari kezü tsü nondiden. Isala mathu na Israel Nyiza Kemethawa tsü n-nondi nyelela ma wi kekiqa khie nten.

EZEKIEL 39:9

Israel nyunutithu wi hang kebenthu na amei wi shhu aghitsanqai teshi kesathu tsü saghu pi kecan chan saaden. Mathu na atsonhi, alamugho, alakusü, apie nu achanghonthu pi anni sa nu mathu na amapi tagha tsü senden.

HOSEYA 14:3

Assiriya na khiela ithu hangshaya nu aghi goruthu na ithu khweya nben. Ithu na khiela ithu tsikezhüthu wi mathu na ithu Nyiza le nkhi nengdha. O Apvüwa, no nanketizen pi tho wila nkewathu tsü ccücalo.”

NAHUM 2:13

Kemisintsa Apvüwa na khiben, “Hi nghinyiwa! Hi ngorugarithu mecang cüaden. Aghi wi nsüpahithu yathi, nu hi no nyu kepa wi khu keyathu tsüdi sennu bvüaden . N-nyilothu na kekhie hhai tsü khiela nza nengdha.”

AYENZHÜNENG 7:16

Apvüwa nthu Nyiza na pi nthu kekhang kekhu wi chikesa mizzatentithu tsüdi yasa nu mathu nantizenchi nsala. Mathu cenpvüthu tsü nkinyila, kepaghenanye tsüna nthu ghena aca kesü saben.

JOSHUA 10:8

Apvüwa na Joshua wi khi, “Mathu nmessila. Hi khangkeya pi no cüdha. Mathu kesüla no shunya nben.”

JOSHUA 11:5

Kadimi hathu tsüdila mathu süpahithu saghuya nu ghola Israel ssikaghashen le Merom kuza wi kemnanpen saben.

JOSHUA 11:7

Tsalina Joshua nu ma nyithu tsüdi wa Merom kuza wi zulila mathu ssikaghashen.

JOSHUA 11:9

Apvüwa na kekhi ti Joshua na mathu miwi sachia. Ma mathu goruthu ccü pashü nu anni pi mathu gorugarithu mecang.

JOSHUA 3:5

Joshua na anyithu wi kiza, “Nthu samethayalo, kepaghenanye dhitsü wi Apvüwa na nthu jawi amankesa kulichiden.”

PENDHENYI 7:9

Tsü ghaja Apvüwa na Gideon kiza, “Shagha nu wala kemnanpen witsü ssikaghashenlo; hi tsü miwi khangkeya pi no cüden.

1 SAMUEL 11:9

Mathu na Jabesh wi nyilothu kiza, “Nthu nyithu wi dhitsü ghanan lapvü npi kesa wi mathu kekashaya benle kizalo.” Jebesh wi anyithu na ketsijüh ha mukeya wi mathu nonghe ntsa saya,