JOSHUA 11:20 - Kemethajüh (N) (Re-editing) Bible (BSI)

²⁰ Mathu tsüdila nanketizen nmila pathi thsükhi nu yasatha sa thsüale kesalina Apvüwa na mathu ya Israel nyithu ssisa thsü. Hawa ha Apvüwa na Mosa wi kiza theng.

JOSHUA 11:20 Iomraidhean Croise

2 SAMUEL 17:14

Absalon nu Israel nyi tsüdila khi, “Hushai kesansijüh na Ahithofel miwi mehaiki le.” Agükeccü na Absalon miwi ghothu keyishü ghena Ahithofel kesansijüh kemehaiwa tsü n-nie lalo kesa Apvüwa na südheyadha.

1 KADIMITHU 12:15

Hawa ha Apvüwa kemeshen, ma Shilo wina kegho atusenjüh-kechüwa Ahijah wina Nebat tsa Jeroboam wi khi ketheng tsü sacenle kesalina. Tsalina kadimiwa na anyithu jüh nkinala.

2 KHENICÜKI 22:7

Anyiza na Joram hhainan kegho ha ghena Ahaziya qanca thsüa. Ahaziya na ciwi keben wi anyi kesü Nimshi tsa ma nyan Jehu, Apvüwa na ma wina Ahab kadishi tsü yasale kessiya kesawa na gho Joram manyi metu.

2 KHENICÜKI 25:16

Amaziya na khi, “Ithu na kusi no pi kadimiwa kesansiwa sa thsü nu? Ajüh nkhila, nyelethu no pathi cü benle!” Atusenjüh-kechüwa na hati khi nu ngan wa, “Hi khili Anyiza na no yasale südheyadha kesa chüben, kepaghenanye no ha tsüdi sadha nu hi kesansijüh tsü koghobvüdha.”

BVÜKESHHU 10:1

Tsaseng wi Apvüwa na Mosa kiza, “Wala kadimiwa ghangchilo. Hi mathu jawi amankesa hathu ha sa chile kesalina kadimiwa nu ma kekhu wi kedithu sapi leben dhu thsüdha,

BVÜKESHHU 11:10

Mosa nu Aaron manyi na kadimiwa tuwi amankesa hathu ha tsüdi kulichi, isala Apvüwa na ma sapi leben dhu thsüa, nu ma Israel nyithu yala diyyiwa tsü nteshi thsü la.

BVÜKESHHU 14:17

Hi Ejipt nyithu sapi leben dhu thsü nu mathu na Israel nyithu jügü ghaten. Hi kadimiwa, ma süpahizi, ma gorugari, nu goru kessithu miwi khangkeya ghena inyankethang muyaden.

BVÜKESHHU 14:4

Hi ma sapi leben dhu thsü, nu ma nthu jügü ghaben, nu hi kadimiwa nu ma süpahizi miwi khangkeyawa tsüna inyankethang senghoben. Tsaseng wi Ejipt nyithu na hi Apvüwa le kesa chüyaben.” Israel nyithu na mathu salo kekiza ti sa.

BVÜKESHHU 14:8

Apvüwa na kadimiwa sapi leben dhu thsüa, nu ma Israel nyithu na khang ntsa bvüketen tsü jügü wa.

BVÜKESHHU 4:21

Kheneng Apvüwa na Mosa wi kiza, “No khili Ejipt wi wha neng tendha, hi saya kemehai kekhang pi no cü ketheng tsüti kadimiwa tuwi amankesa tsüdi kuli chilo. Isala hi kadimiwa leben sapi dhu thsüaben nu ma anyithu ya bvü thsü nben.

BVÜKESHHU 9:12

Isala Apvüwa na kadimiwa sapi ma leben dhu wa thsü, nu Apvüwa na khi ketheng ti kadimiwa na Mosa nu Aaron manyi jüh nkinala.

BVÜKESHHU 9:16

Isala hi kekhang pi no ccücale kesalina no ya hang thsüben, isanu inyan kemechan ya ayyi tsüdi wila wa thsüden.

ISAYA 14:24

Apvüwa Kekhang ntsawa na kekishen kesü satheng: “Hi kiden kethengwa tsü saaden. Hi saale meshen keyawa tsü sa yaden.

ISAYA 34:2

Apvüwa na mizzatenti nu mathu süpahizi tsüdi miwi ma ghepvüben. Ma mathu dedi thsüale meshensadha.

ROMNYI 9:18

Tsalina Anyiza na ma thowa nantizen chi mvu khe nantizenden, nu thowa leben sa pi dhu mvu khe dhuden.

AYENZHÜNENG 2:30

“Isala kadimi Sihon na ithu ya ma yyi pvüdhi nwa thsü mvula sa. Apvüwa nthu Nyiza na ma leben sapi dhu thsü nu matang, isanu ithu na ma miwi khangya nu ithu khili hang keben ma yyi ha nkaya thsüale kesalina.

AYENZHÜNENG 7:16

Apvüwa nthu Nyiza na pi nthu kekhang kekhu wi chikesa mizzatentithu tsüdi yasa nu mathu nantizenchi nsala. Mathu cenpvüthu tsü nkinyila, kepaghenanye tsüna nthu ghena aca kesü saben.

PENDHENYI 14:4

Ma bajja na Apvüwa na Samson ssi wa hati sa thsü keben tsü nchü, kepaghenanye Apvüwa na Filistin nyithu ssisa thsüle kesa matsüwa tsü ghangben. Tsü tsüwi Filistin nyithu na Israel miwi kekhang senben.

1 SAMUEL 2:25

Keujüla anyi kesü na kepawa tuwi sami lethu, Anyiza na ma sheipiya mehai; isala anyi kesü na Apvüwa tuwi sami lethu, thowa na ma sheipiya mehai nu?” Isala manyi na manyi ba jüh tsü nkina, kepaghenanye Apvüwa na manyi pathiale südheyadha.