JOSHUA 11:17 - Kemethajüh (N) (Re-editing) Bible (BSI)

^17-18 Ayyi tsüna acülawa Edom kete Halak Yikha wina wala aghawa Hermon Yikha na acülawa Lebanon yyiketijü wi Baalgad kecu. Joshua na matsü kesiela hewi kadimithu ssinu aghisa, isala ma mathu tsüdi ghanya nu pi shü thsüa.

JOSHUA 11:17 Iomraidhean Croise

ADECHHÜ 32:3

Jakob na ma tu wina nyilothu kesun pi Edom diyyiwa wi ma cünyuwa Esau wi chi.

ZAKECI 89:12

No acülawa nu aghawa la sachi; Tabor nu Hermon Yikhathu na anonghe, nu akhwi sapi no wi chi.

AYENZHÜNENG 1:7

Kemnanpenwa tsü pheghe nu apen ketsen walo. Amor nyi yyishiphon diyyiwa nu tsü kevü yegu tsüdi wi walo — Jordan yyiketijü, yyiketijü nu yyishiphon diyyiwa, acülawa yegu, nu Mediterranean tssükaten kecu. Kanaan yyi nu Lebanon Yikhathu tsü thenkeghe sen nu Eufrat Ghaku ketiwa kecu wi walo.

AYENZHÜNENG 2:1

Ithu na kheneng sen Apvüwa na kekhi ti Aqaba yyitssüvü wi kewa len yyikeshü non wi du, nu ithu na matsü kesiela Edom yyishiphon diyyiwa wi keqoedeja wa.

AYENZHÜNENG 3:9

(Hermon Yikha tsüna Sidon nyi na pi Sirion, nu Amor nyi na pi Senir le khiden.)

AYENZHÜNENG 33:2

Apvüwa na Sinai Yikha wina gho; ma Edom miwi aghani ti shhugho nu Paran Yikha miwi na ma nyithu wegü cü. Tangnyilo hazar tagha na ma gwegheden, ma kwen ajewa anni keqhe kesü senden.

AYENZHÜNENG 7:24

Ma mathu kadimithu pi nthu kekhang kekhu wi chiaben. Nthu na mathu pathi nu nyu na mathu maliaben. Anyi thola nthu khenya nben, nthu na tsüdi yasaben.

JOSHUA 1:4

Nthu ggü na acülawa yyikeshü na wala aghawa Lebanon Yikhathu kecu; nishuwa Eufrat Ghaku keti tsüna wala niduwa Hitti diyyiwa pvüdhi sen wa Mediterranean Tssükedone kecu saben.

JOSHUA 11:3

Ma ajüh kesun pi Jordan ghapeli wi kebenthu Kanaan, Amor, Hitti, Periz, nu yyishiphon diyyiwa wi Jebus, Mizpah yyi wi Hermon Yikha ccü wi hang keten Hivi nyithu wi la chi.

JOSHUA 13:5

Gebal nyithu yyi Lebanon tsüdi wa nishuwa, Hermon Yikha na acülawa Baalgad wina wa Hamath Pass kecu.