JOSHUA 11:15 - Kemethajüh (N) (Re-editing) Bible (BSI)

¹⁵ Apvüwa na ma yenkhukechithu pi ma maghawa Mosa cü, Mosa na tsüthu pi Joshua cü, nu Joshua na tsüthu nieya. Ma Apvüwa na Mosa kekiza tsüdila sa.

JOSHUA 11:15 Iomraidhean Croise

2 KHENICÜKI 30:12

Anyiza la Judah wi kulichi nu kadimiwa nu ma kekhu wi kedithu na ahza khukechi tsü kenie wina anyithu na mathu kemeshen keyali nu Apvüwa jüh kinale saya.

SHICÜSI 33:50

Jerikho wina Jordan khhaka hewa Moab deshentijü wi Apvüwa na pi Mosa cü.

SHICÜSI 33:52

nthu na ayyi ciwi kahangthu tsüdila jügüshilo. Mathu na alon nu amighe pi tsikezhüthu nu mathu kekinyipenthu sa ketheng tsüdila yasa lo.

MATHI 23:23

“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na aghang wwenja hathu, ccügüshi, aghantsa, chülakhwen lela gishü tagha wi kesü pi Anyiza cüden, isala nthu na Ayenwa wi kesansijüh aghutiwa, kemeshon, nanketizen, nu atsentsa hathu teshiden. Nthu na hathu ha nu kepa wi la nteshila kesau.

Luk Zhükechi Jühtheü Kemehaiwa 11:42

“Farisithu, nthu ghena khatila qhethiketen saten nu! Nthu na aghang wwenja, ccügüshi, aghantsa, nu kepathu lela gishü tagha wi kesü pi Anyiza cüden, isala nthu na hang kemeshon nu Anyiza ketizenwa tsü teshiden. Nthu na hathu ha nu kepathu la nteshila nsathu yishü.”

KEKULI 20:20

Hi nthu ghena kemehaiwa tsü mangla nkekhenengla pi anyithu jawi nu ajjen wi la nthu sansi.

KEKULI 20:27

Kepaghenanye hi mangla nkekhenengla Anyiza kemeshen tsüdi pi nthu kiza chidha.

AYENZHÜNENG 12:32

Hi nthu kekiza tsüdila salo; ciwi gilli nyelela nkecen mangla nsala.

AYENZHÜNENG 31:3

Apvüwa nthu Nyiza na ma ketanla nthu tuwi wa nu ciwi hang keben mizzatentithu yasa cü lethu nthu na mathu yyi yaya mehai; nu Apvüwa na kekhi ti Joshua na nthu ccüliwa saben.

AYENZHÜNENG 31:5

Apvüwa na nthu ya mathu miwi khangya thsü lethu nthu na mathu miwi hi nthu na salo kekiza ti salo.

AYENZHÜNENG 31:7

Tsaseng wi Mosa na Joshua cichi nu Israel nyi tsüdi tuwi na ma wi khi, “Lebenzü nu kempvüza sayalo; no anyi hathu ssi wa Apvüwa na mathu bamyithu wi khishiketheng yyiwa tsü yaya thsüaben.

AYENZHÜNENG 4:2

Hi ahza pi nthu kecü tsü miwi mangla pi nwwala, nu mangla senbvü nsala. Apvüwa nthu Nyiza na ahza khukechi hi pi nthu kecüthu tsü nie yalo.

AYENZHÜNENG 4:5

“Apvüwa iNyiza na hi salo kekiza ti hi ayenthu tsüdi pi nthu sansi cüdha. Nthu na wala ayyi nkaya nu benya keten witsü tsüthu tsüdi nie yalo.

AYENZHÜNENG 7:2

Apvüwa nthu Nyiza na anyi hathu pi nthu kekhu wi chi nu nthu na mathu miwi khangya lethu, nthu na mathu tsüdi pi shü thsü nsathu yishü. Mathu ssinu apfüwa sa nyelela mathu nantizenchi nsala.

JOSHUA 1:7

Lebenzü nu kempvüza sayalo; nu imaghawa Mosa na Ayen pi no kecü tsü mabenla nie metsilo. Tsü kesüla n-niela nsala isathu no khiewa wa khe mehai yaben.

JOSHUA 11:12

Joshua na anyunuti hathu nu kadimithu yaya, nu Apvüwa maghawa Mosa na kekhi ti anyi tsüdi pi shü thsüa.

JOSHUA 11:14

Israel nyithu na anyunuti hathu wi atsanqai menkedhu nu asahangthu khuya nu pi mathu ghena thengya. Isala mathu na anyi tsüdi pi shü thsüa; anyi kesüla pi nhang thsüla.

JOSHUA 11:16

Joshua na ayyi aghawa nu acülawa wi lela yyishiphon diyyi, nu Jordan yyiketijü tsüdila yaya.

1 SAMUEL 15:11

“Hi Saul pi kadimiwa sa thsü kesalina aleben naa ben; ma hi wina bvü nu iyenkhukechiwa tsü n-nieladha.” Samuel na ma ghepvü, nu ma aghaja thangthang Apvüwa wi khie.