JOSHUA 11:14 - Kemethajüh (N) (Re-editing) Bible (BSI)

¹⁴ Israel nyithu na anyunuti hathu wi atsanqai menkedhu nu asahangthu khuya nu pi mathu ghena thengya. Isala mathu na anyi tsüdi pi shü thsüa; anyi kesüla pi nhang thsüla.

JOSHUA 11:14 Iomraidhean Croise

2 KHENICÜKI 20:25

Jehoshafat nu ma süpahithu na wa atsanqai shuya, nu mathu na amesüsi, kedsakejjü, athsümeni, nu atsanqai menkedhu kejonla muya. Mathu na ghanan kecheng atsanqaithu shu, isala tsüna sha ntsa sa nu mathu na tsüdila shukhi meyala.

SHICÜSI 31:9

Israel nyithu na Midia nyi nzathu nu ghanyithu ghanya, mathu mesüsi nu sahangthu kuya, mathu keben-keyeng tsüdila yasa,

AYENZHÜNENG 20:14

Isala nthu na nzathu, ghanyithu, asahangthu, nu ciwi pala tsüdila khuya mehai. Nthu na ghinyithu ji tsüdila senya mehai. Apvüwa na tsüpi nthu cüdha.

AYENZHÜNENG 20:16

“Isala khathansha wi Apvüwa nthu Nyiza na ayyi pi nthu kecü witsü nthu na anyunutithu nkaya khe kahangli keben tsüdi pathilo.

JOSHUA 10:40

Joshua na ayyi mabenla nkaya. Ma yyishiphon diyyiwa, nishuwa yyi-kesüphi, niduwa yyishiphon ccü, nu acülawa diyyithu wi kadimithu tsüdila chaya. Ma thola nheila anyi tsüdi pathia. Hawa ha Apvüwa Israel Nyizawa na khichi ketheng.

JOSHUA 11:11

Mathu ciwi anyi tsüdi pi shü thsüa; anyi kesüla pi nhang thsüla nu anyunutiwa tsü la mecang.

JOSHUA 11:13

Isala Joshua na Hazor mecang kesa tsü ketan khe Israel nyithu na ayyishiphon miwi anyunuti sa kethengthu kesütanla nmecang.

JOSHUA 11:15

Apvüwa na ma yenkhukechithu pi ma maghawa Mosa cü, Mosa na tsüthu pi Joshua cü, nu Joshua na tsüthu nieya. Ma Apvüwa na Mosa kekiza tsüdila sa.

JOSHUA 8:2

No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:27

Apvüwa na Joshua kekiza ti Israel nyithu na anyunutiwa wi asahangthu nu atsanqaithu shukeya tsüpi mathu ghena thengya.