JOSHUA 11:12 - Kemethajüh (N) (Re-editing) Bible (BSI)

¹² Joshua na anyunuti hathu nu kadimithu yaya, nu Apvüwa maghawa Mosa na kekhi ti anyi tsüdi pi shü thsüa.

JOSHUA 11:12 Iomraidhean Croise

AYENZHÜNENG 7:2

Apvüwa nthu Nyiza na anyi hathu pi nthu kekhu wi chi nu nthu na mathu miwi khangya lethu, nthu na mathu tsüdi pi shü thsü nsathu yishü. Mathu ssinu apfüwa sa nyelela mathu nantizenchi nsala.

AYENZHÜNENG 9:3

Isala nthu khili Apvüwa nthu Nyiza na annikeqhe kesü ti nthu tuwi wa keten muyaden. Nthu na atujügüwathu ma mathu miwi khangya, isanu ma khishiketheng ti wan mathu jügüshi nu yasa cüle kesalina.

JOSHUA 10:20

Joshua nu Israel nyithu na mathu süthi, isala pahan na bvü sen wa mathu nyunuti khweti ndukuwa du nu mathu pathi meyala.

JOSHUA 10:28

Joshua na tsü ghanan Makkeda nu ma kadimiwa ssikaghashen nu ma ghanya. Ma anyunuti wi anyi tsüdi pi shü thsüa; anyi kesüla pi nhang thsüla.

JOSHUA 10:30

Apvüwa na Israel nyithu ya anyunuti ha nu ma kadimi miwi la khangya thsüa. Mathu na ciwi anyi kesüla nheila tsüdi pathia. Mathu na Jerikho wi kadimiwa miwi sakechi ti kadimiwa ha miwi la sachi.

JOSHUA 10:32

Apvüwa na aghikesa keni ghanan wi Israel nyithu yala Lakhish miwi khangya thsüa. Mathu na Libnah wi kekuli ti anyunuti wi anyi kesüla nheila tsüdi pathia.

JOSHUA 10:35

Mathu na tsü ghanan tsü nkaya nu mathu na Lakhish wi kesa ti anyi tsüdi pi shü thsüa.

JOSHUA 10:37

nu tsü nkaya. Mathu na kadimiwa nu anyunuti nu tsü kevü anyunutithu wi anyi tsüdila pathia. Joshua na ma Eglon wi kesa ti anyunutiwa tsü yasatha sa. Ciwi anyi kesüla pi nhang thsüla.

JOSHUA 11:13

Isala Joshua na Hazor mecang kesa tsü ketan khe Israel nyithu na ayyishiphon miwi anyunuti sa kethengthu kesütanla nmecang.

JOSHUA 11:15

Apvüwa na ma yenkhukechithu pi ma maghawa Mosa cü, Mosa na tsüthu pi Joshua cü, nu Joshua na tsüthu nieya. Ma Apvüwa na Mosa kekiza tsüdila sa.

JOSHUA 13:6

Ha na Lebanon Yikhathu nu Misrefoth Maim jüwi hang keten Sidon nyithu yyi tsüdila saghuben. Israel nyithu na atujügüwathu hi anyi hathu tsüdi jügüshi cüden. Hi no kekiza ti no ayyi tsüpi Israel nyithu jawi gishü cü nsathu yishü.

JOSHUA 21:44

Apvüwa na mathu bamyithu wi kishenketheng ti ayyi maben wi kecca pi mathu cüa. Mathu ghinyithu kesütanla mathu shun meya, kepaghenanye Apvüwa na mathu ghinyi tsüdi miwi khangkeya pi Israel nyithu cüdha.

JOSHUA 8:31

Ma Apvüwa maghawa Mosa na kecükegwe pi Israel nyithu kecü, nu Mosa Yenwa na kekhi kenie wina “Amighe pi nkaha lonthu pi kekinyipen kesü” tsü sa. Tsü miwi mathu na mecang pi kekinyi hhanshathu sapi Apvüwa cü, nu mathu na kecca ghena kekinyi la sachi.

JOSHUA 8:8

Nthu na anyutiwa tsü yakeya seng wi Apvüwa na kekhi ti anni pi tsü mecangchilo. Ahza hathu ha nthu ghena.”

JOSHUA 9:24

Mathu na lunneng, “Kediwa, ithu na tsüti sale, kepaghenanye ithu chükeya na Apvüwa nthu Nyiza na ma maghawa Mosa wi ayyi ha maben pi nthu cülo nu nthu atujügüwathu anyi ciwi hang kebenthu tsüdila pathilo kekhi tsüna ntsakhiwa le. Ithu na nthu messi, nu ithu na shükea kemessi ghena tsüti sale.