JOSHUA 10:8 - Kemethajüh (N) (Re-editing) Bible (BSI)

⁸ Apvüwa na Joshua wi khi, “Mathu nmessila. Hi khangkeya pi no cüdha. Mathu kesüla no shunya nben.”

JOSHUA 10:8 Iomraidhean Croise

1 KADIMITHU 20:13

Tsü tsüwi atusenjüh-kechü kesü na Kadimi Ahab wi wa nu khi, “Apvüwa na khiben, ‘Süpahizi tenti keti tsü nmessila! Hi nansü no tsü miwi khangkeya pi no cüaden, nu no hi Apvüwa le kesa chüyaben.’ ”

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

AYENZHÜNENG 3:2

Isala Apvüwa na hi kiza, ‘Ma nmessi lalo. Hi ma, ma nyithu, nu ma yyi tsüdi pi nthu cüaben. Nthu na Amor nyi kadimi Sihon Heshbon wi kekhang sen kebenwa miwi sa kechi tsü makesü ma miwi la sachi cülo.’

AYENZHÜNENG 7:24

Ma mathu kadimithu pi nthu kekhang kekhu wi chiaben. Nthu na mathu pathi nu nyu na mathu maliaben. Anyi thola nthu khenya nben, nthu na tsüdi yasaben.

JOSHUA 10:25

Joshua na ma kedithu wi khi, “Messi nyelela accükwenshü nsala. Lebenzü nu kempvüza sayalo, kepaghenanye Apvüwa na nthu ghinyithu tsüdi miwi hati saden.”

JOSHUA 10:9

Ghaja thangthang Joshua nu ma süpahizi na Gilgal wina alentsen sen nu Gibeon wi wa nu mathu na zulila Amor nyithu ssikaghashen.

JOSHUA 11:6

Apvüwa na Joshua wi khi, “Mathu nmessila. Dhitsü wi hathansha wi hi Israel ghena mathu tsüdi pathi cüben. Nthu na mathu goruthu ccü pashü nu anni pi mathu gorugarithu tsü mecang cülo.”

JOSHUA 8:1

Apvüwa na Joshua wi khi, “Süpahithu tsüdi ssiya nu Ai wi shulo. Messi nyelela accükwenshü nsala. Hi no ya Ai wi kadimiwa miwi khangya thsüaden; ma nyunuti, anyi, nu ayyi tsüdila pi nji saben.

PENDHENYI 6:16

Apvüwa na khineng, “No tsü saya mehai, kepaghenanye hi no kiqaden. No Midia nyithu pi meshu kesütan ti lekete mathu pacha cüben.”

PENDHENYI 7:9

Tsü ghaja Apvüwa na Gideon kiza, “Shagha nu wala kemnanpen witsü ssikaghashenlo; hi tsü miwi khangkeya pi no cüden.

1 SAMUEL 17:47

nu anyithu tsüdila Apvüwa na ma nyithu hangshayale kesa ghena njünnu nu apiethu nsenla mehaile kesa muyaben. Ma aghi wi khangkeyawa, nu ma nthu tsüdi pi ikhang kekhang kekhu wi chi cüaden.”