JOSHUA 10:40 - Kemethajüh (N) (Re-editing) Bible (BSI)

⁴⁰ Joshua na ayyi mabenla nkaya. Ma yyishiphon diyyiwa, nishuwa yyi-kesüphi, niduwa yyishiphon ccü, nu acülawa diyyithu wi kadimithu tsüdila chaya. Ma thola nheila anyi tsüdi pathia. Hawa ha Apvüwa Israel Nyizawa na khichi ketheng.

JOSHUA 10:40 Iomraidhean Croise

1 KADIMITHU 15:29

Ma wan nu Jeroboam theghi tsüdi pathia. Tsüna Apvüwa na ma magha atusenjüh- kechü Shilo wina keghowa Ahijah wina Jeroboam theghi tsüdi pathiaben khi ketheng tsü sacen; mathu kesüla hang meyala.

NEHEMIYA 9:24

Mathu na Kanaan yyi tsü nkaya; no ciwi anyithu miwi khangya, No kekhang pi n-nyithu cü nu mathu ya Kanaan nyithu, nu kadimithu miwi mathu kemeshen saya thsü.

ZAKECI 9:17

Nketsatan nyi, Anyiza nkeyamvu nyithu tsüdila keshüwa tsüna mathu ji.

BVÜKESHHU 34:12

Nthu na wa keten diyyiwa wi hang kebenthu kesüla ssinu nponghula, kepaghenanye tsüna nthu ghena keshü ca kesü saben.

SHICÜSI 13:17

Mosa na mathu kesunshi kechi wi hati mathu wi khi, “Aghawa wina wa nu sasen Kanaan yyi acülawa cü, nu tsaseng yyishiphon diyyiwa wi tsü walo.

AYENZHÜNENG 1:7

Kemnanpenwa tsü pheghe nu apen ketsen walo. Amor nyi yyishiphon diyyiwa nu tsü kevü yegu tsüdi wi walo — Jordan yyiketijü, yyiketijü nu yyishiphon diyyiwa, acülawa yegu, nu Mediterranean tssükaten kecu. Kanaan yyi nu Lebanon Yikhathu tsü thenkeghe sen nu Eufrat Ghaku ketiwa kecu wi walo.

AYENZHÜNENG 2:34

Tsü tsüwi ithu na anyuti tsüdi yasa, nu nza, npvüza, nu ghanyithu tsüdi yathia. Thola pi nhang thsü.

AYENZHÜNENG 7:24

Ma mathu kadimithu pi nthu kekhang kekhu wi chiaben. Nthu na mathu pathi nu nyu na mathu maliaben. Anyi thola nthu khenya nben, nthu na tsüdi yasaben.

JOSHUA 10:35

Mathu na tsü ghanan tsü nkaya nu mathu na Lakhish wi kesa ti anyi tsüdi pi shü thsüa.

JOSHUA 10:37

nu tsü nkaya. Mathu na kadimiwa nu anyunuti nu tsü kevü anyunutithu wi anyi tsüdila pathia. Joshua na ma Eglon wi kesa ti anyunutiwa tsü yasatha sa. Ciwi anyi kesüla pi nhang thsüla.

JOSHUA 10:39

Ma anyunuti tsüpi ma kadimi nu tsü kevü wi anyunutithu tsüdi wwala yaya. Mathu na anyi tsüdi pi shü thsüa. Joshua na ma Hebron nu Libnah nu ma kadimi miwi sa kechi ti Debir nu ma kadimiwa miwi la sachia.

JOSHUA 11:16

Joshua na ayyi aghawa nu acülawa wi lela yyishiphon diyyi, nu Jordan yyiketijü tsüdila yaya.

JOSHUA 12:8

Ayyi ha na yyishiphon diyyi, niduwa yyishiphon thu ccü, Jordan Yyiketijü nu tsü yyishiphon thu ccü, nishuwa yyi-kesüphi, nu acülawa diyyi tsüdi saghu. Ha na kheni Hitti, Amor, Kanaan, Periz, Hivi, nu Jebus nyithu yyi sagho.

JOSHUA 18:21

Benjamin mizza theghithu ji anyunutithu na: Jerikho, Beth Hogla, Emek Keziz,

JOSHUA 6:17

Anyunuti ciwi keben pala tsüdi yasatha sapi Apvüwa kekinyi sa nsathu yishü. Keqheza menkedsa nza Rahab nu ma jjen wi ma gweghe kebenthu ketan heilo, kepaghenanye ma ithu wahhaithu tsü pi kuthi cüle.

JOSHUA 8:2

No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:27

Apvüwa na Joshua kekiza ti Israel nyithu na anyunutiwa wi asahangthu nu atsanqaithu shukeya tsüpi mathu ghena thengya.

JOSHUA 9:24

Mathu na lunneng, “Kediwa, ithu na tsüti sale, kepaghenanye ithu chükeya na Apvüwa nthu Nyiza na ma maghawa Mosa wi ayyi ha maben pi nthu cülo nu nthu atujügüwathu anyi ciwi hang kebenthu tsüdila pathilo kekhi tsüna ntsakhiwa le. Ithu na nthu messi, nu ithu na shükea kemessi ghena tsüti sale.