JOSHUA 10:20 - Kemethajüh (N) (Re-editing) Bible (BSI)

²⁰ Joshua nu Israel nyithu na mathu süthi, isala pahan na bvü sen wa mathu nyunuti khweti ndukuwa du nu mathu pathi meyala.

JOSHUA 10:20 Iomraidhean Croise

2 SAMUEL 20:6

Tsalina kadimiwa na Abishai wi khi, “Sheba na Absalon miwi agükeccü pi ikhang cüben. Inyithu ssiya nu ma jügü walo, nyelethu, ma ikhang wina bvü wa anyuti khweti sa ketheng pahan nkaya ben na.”

1 KADIMITHU 20:21

Kadimi Ahab na wala goruthu nu gorugarithu ghanya, nu Siriya nyithu chaya.

2 KHENICÜKI 13:17

Abijah nu ma süpahizi na Israel nyithu pacha nu khangya — Israel süpahithu kemehai ntsa hazar meza manga pathia.

JEREMIYA 4:5

Ayyi tsüdi wi tutuwa khou chilo! Misikhhali nu methasi khou chilo! Judah nu Jerusalem nyithu kiza khweti vüketheng nyunutithu wi bvülo.

JEREMIYA 8:14

Anyiza nyithu na keü, “Ithu mangkesa na ccen donkiben nu? Ghalo, ithu khweti ketheng nyunutithu wi bvüdu nu ciwi shüa na. Apvüwa ithu Nyiza na ithu meshensa pi shülo sadha; ma ithu na jjülo aji pi ithu cüdha, ithu na sami pi ma shun kesalina.

AYENZHÜNENG 20:16

“Isala khathansha wi Apvüwa nthu Nyiza na ayyi pi nthu kecü witsü nthu na anyunutithu nkaya khe kahangli keben tsüdi pathilo.

JOSHUA 10:10

Apvüwa na Amor nyithu sapi Israel süpahizi tuwi aghigheya wa thsüa. Israel nyithu na Gibeon wi mathu süthi nu Beth Horon yyikaghagu len wina mathu jügü sen wa acülawa Azekah nu Makkeda kecu mathu ssikaghashen.

JOSHUA 10:19

isala nthu ciwi n-nganla. Aghinyithu jügü wa asengwa na mathu ssikaghashen; mathu ya mathu nyunuti wi ndu thsüla. Apvüwa nthu Nyiza na mathu miwi khangkeya pi nthu cüdha. ”

JOSHUA 10:21

Tsaseng wi Joshua nyi tsüdila mehaitsü kheneng sen kemnanpen Makkeda wi ma wi ghoa. Ayyi ciwi anyi kesüla ajühkhi pi Israel nyithu shun messia.

JOSHUA 11:12

Joshua na anyunuti hathu nu kadimithu yaya, nu Apvüwa maghawa Mosa na kekhi ti anyi tsüdi pi shü thsüa.

JOSHUA 11:8

Apvüwa na mathu miwi khangkeya pi Israel nyithu cüa, Israel nyithu na mathu ssikaghashen nu mathu jügü wa aghawa Misrefoth Maim nu Sidon, nu nishuwa Mizpah yyiketijü kecu wi chia. Aghinyithu kesüla hangkeben chu ssikesali.

JOSHUA 8:24

Israel nyithu na ayyikeshü wi aghinyithu jügü wa mathu tsüdi pathi khia. Tsaseng wi mathu na kheneng Ai wi wa anyi tsüdila pathi khia.