JOSHUA 10:1 - Kemethajüh (N) (Re-editing) Bible (BSI)

¹ Jerusalem wi kadimiwa Adonizedek na Joshua na Jerikho nu ma kadimiwa miwi sa kechi ti Ai nkaya nu tsü yasatha sa nu ma kadimiwa la pathile kesa tsü zaya. Ma Gibeon nyithu na Israel nyithu ssinu keponghu sa nu mathu jawi hangbenle kesa la zaya.

JOSHUA 10:1 Iomraidhean Croise

ADECHHÜ 14:18

Salem kadimiwa Melkhizedek Kemisintsa Anyiza ghena keqhaikedi sa kebenwa na amesa nu kisengtssü sengho Abram cü,

IBRINYI 7:1

Melkhizedek hana Salem wi kadimiwa nu Kemisintsa Anyiza wi keqhaikedi kesü. Abraham na aghi wi wa kadimi mejü miwi khangya nu gho neng keten wi Melkhizedek na wala ma metu nu sawegü pi ma cü,

JOSHUA 10:3

Tsalina Adonizedek na ketsijüh ha kesun pi Hebron wi Hoham kadimiwa, Jarmuth wi Piram kadimiwa, Lakhish wi Jafia kadimiwa, nu Eglon wi Debir kadimiwa wi chi:

JOSHUA 6:21

Mathu na njünnu sen nu anyunuti wi anyi nza nu npvüzathu tsüdi, ghanyi nu keqhaithu, tsüdi süthia. Mathu na amesüsi, khaghaneni, nu gadathu la pathia.

JOSHUA 8:2

No Jerikho nu ma kadimiwa miwi mangwa sachi khe tsüti Ai nu ma kadimiwa miwi la sachilo, isala no khili tsü atsanqaithu nu asahangthu tsü pi nji saya yilo. Anyunuti sengwa na wa tsü ssisalo.”

JOSHUA 8:21

Joshua nu ma nyithu na akhang kepathu na anyunutiwa nkaya nu anni pi tsü mecang keben mukeya wi mathu na aseng kheneng wa Ai nyithu pathi shhua.

JOSHUA 9:3

Isala Gibeon wi anyithu tsüna Hivi nyithu, mathu Joshua na Jerikho nu Ai miwi kulikechi tsü zaya,