JOSHUA 1:9 - Kemethajüh (N) (Re-editing) Bible (BSI)

⁹ Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 1:9 Iomraidhean Croise

ADECHHÜ 28:15

Meshenyalo, no khiewa wa khe hi no ssiden nu no khweden, nu hi no ssinu ayyi hawi gho nengden. Hi no wi khichi ketheng tsüdi npi kesacen chu hi no teshi nben.”

ADECHHÜ 39:2

Apvüwa na Josef ssiden nu ma sapi haicenya thsüden. Ma Ejipt nyi pvüwa jjen wi hang.

ADECHHÜ 39:3

Apvüwa na Josef ssiden nu kekuli alentagha wila ma sapi haicenya thsüden kesa ma pvüwa na muya.

2 SAMUEL 13:28

nu ma maghathu wi kecükegwe chi: “Amnon na kisengtssü kejon jjü pi adinaya kesa ghanglo, nu hi ahza khuchi lethu, ma pathilo. Nmessila. Hi akhhiwa tsü pvüyaben. Kempvüza sa nu nkesütu lalo!”

1 KHENICÜKI 28:20

Kadimi David na ma tsa Solomon wi khi, “Kempvüza sa nu leben zükeqhe sayalo. Kekuliwa tsü sashhu yilo, nu mangla no nkhen thsüla. Apvüwa Anyiza hi ma kekuli sa ketenwa na no ssiden. Ma no teshi nben, isala no ma Kekinyijjen wi kekuli npi kesacen chu ma no gweghe benben.

2 KHENICÜKI 15:7

Isala nthu tsü accükwen nshüla zükeqhe benyalo. Nthu kekuli kutimen sapi nthu cüben na.”

ZAKECI 46:7

Kekhang ntsawa Apvüwa na ithu ssiden; Jacob Nyiza tsüna ithu ken-nie penwa.

ISAYA 41:10

Nmessi lalo, hi nthu ssiden! Hi nthu Nyiza, mangla nthu npateqhe thsüla! Hi nthu sapi zü cü nu nthu kiqaden; Hi nthu khwe nu nthu hangsha yaden.

ISAYA 43:1

Israel, nthu sahangkechi Apvüwa na khiben, “Nmessila, hi nthu hangsha yaden. Hi nthu nyan teng nu nthu ciya, nthu na iji.

ISAYA 43:5

Nmessila, hi nthu ssiden! ‘Nishu len temeja nu nidu len kesie ntsa wina, hi n-nyithu ssinu ghoaden.

ISAYA 8:12

“Anyithu na acho kiden keben witsü nsaghula, nu mathu na messi keten tsü nmessi lalo.

DANIEL 10:19

Ma khi, “Anyiza na no ghaliben, tsalina mangla no sapi leben ketizensa nyelela no pateqhe thsü nsa lalo.” Ma ha khi kechi wi hi zünengya nu khi, “Kediwa, no mangwa khile ben khe hi kizalo, no hi sapi mehai nengya thsüdha.”

HAGGAI 2:4

Isala nthu kesüla accükwen nshü lalo. Kepaghenanye hi nthu ssi benten na kekuli salo.

HAGGAI 2:5

Khathansha nthu na Egipt wina shhugho khe hi keshüthangla nthu ssiten le kesa nthu wi khishitheng. Hi khili lela nthu ssitenna nthu nmessi lalo.

KEKULI 4:19

Isala Pitor nu Johan manyi na luneng, “Nthu ketanla Anyiza tuwi khawa meshon khe meshen nanlo— nthu jüh kekina-u la Anyiza jüh kekina-u khe.

AYENZHÜNENG 20:1

“Khathansha wi nthu na nthu ghinyithu ssikesali wa khe mathu gorugarithu, goruthu, nu süpahizi na nthu miwi ji kayi lela mathu nmessila. Apvüwa nthu Nyiza Ejipt wina nthu kekasha keyawa na nthu ssiden.

AYENZHÜNENG 31:23

Tsaseng wi Apvüwa na Nun tsawa Joshua ccüneng nu ma wi khi, “Lebenzü nu kempvüza sayalo. No Israel nyithu ssinu hi ayyi pi mathu cüle khishiketheng witsü waden, nu hi no ssibenden.”

AYENZHÜNENG 31:28

Nthu mizza wi ccülikesa nu kedithu tsüdi cipi ituwi saghu thsülo. isanu hi pala hathu pi mathu kizale kesalina, hi atssan ayyi cipi mathu keshun hi chüza sa thsüden.

JOSHUA 1:10

Tsaseng wi Joshua na ahza pi accülikesathu cü,

JOSHUA 1:17

Ithu na keshüthangla Mosa jüh kekina tsüti njüh kinaben, nu Apvüwa n-Nyiza Mosa ssi keghowa na no ssiben ketenwa salo!

JOSHUA 1:18

Anyi thowa na no kekhangjüh kekhi nyelela no ahza khukechi tsü n-niela khe pi shü thsüaben. Lebenzü nu kempvüza sayalo!”

JOSHUA 10:25

Joshua na ma kedithu wi khi, “Messi nyelela accükwenshü nsala. Lebenzü nu kempvüza sayalo, kepaghenanye Apvüwa na nthu ghinyithu tsüdi miwi hati saden.”

JOSHUA 10:8

Apvüwa na Joshua wi khi, “Mathu nmessila. Hi khangkeya pi no cüdha. Mathu kesüla no shunya nben.”

JOSHUA 3:7

Apvüwa na Joshua wi khi, “Hi nansü sa kebenwa ha no pi kedi nyi kesü ti sa nu Israel nyithu tsüdi no kinyikü wa thsüaben, nu hi Mosa ssi kegho ti no ssitenle kesa mathu na chüyaben.

JOSHUA 6:27

Tsalina Apvüwa na Joshua ssiden, nu ma nyankemehai na diyyi maben wi la ben.

JOSHUA 8:1

Apvüwa na Joshua wi khi, “Süpahithu tsüdi ssiya nu Ai wi shulo. Messi nyelela accükwenshü nsala. Hi no ya Ai wi kadimiwa miwi khangya thsüaden; ma nyunuti, anyi, nu ayyi tsüdila pi nji saben.

PENDHENYI 6:14

Apvüwa na ahza pi ma cü, “No kekhang tsüdi sen wa Midia nyithu kwen wi Israel kekasha yalo. Hi no kesun chiben.”

1 SAMUEL 10:7

Khathansha nmiwi hathu ha sa khe, Anyiza na no ssinu mangwa sale ben khe tsü salo.