JOSHUA 1:8 - Kemethajüh (N) (Re-editing) Bible (BSI)

⁸ No kekinyi kesa wi keshüthangla Ayenwa lesüshen ha si metsilo. Ghanan le ghaja lela no tsü si nu ciwi zhüketheng tsüdila nie metsilo. Isalethu no mehai kayi nu mehai cenyaben.

JOSHUA 1:8 Iomraidhean Croise

ADECHHÜ 24:63

Ma minulen wi alli wi kegoe ten nan sunsiesathu ghoketen muya.

2 KHENICÜKI 26:5

Keccüna wi kesansiwa Zekhariya na hang keben chu ma ma leben tsentsa wi Apvüwa kekuli sa nu Anyiza na sawegü pi ma cü.

ZAKECI 119:11

Hi ntuwi nsamile kesalina, hi njühkhukechithu tsüpi ileben wi chi pvüden.

ZAKECI 119:15

Hi no kicükegwe kechithu tsü ccügwencüka si; hi no kesansi jühthu tsü ketsükepha chi.

ZAKECI 119:97

Hi khatila n-yen tsü ghali nu! Hi ghanan thangthang la tsü meshen ben den.

ZAKECI 119:99

Hi kesansithu tsüdi miwi hiwa meshenshi yaden, kepaghenanye hi no kicükegwe kechithu tsü meshendhu ben den.

ZAKECI 19:14

Ijüh nu hi kemeshenthu ya ntuwi keya qo saya thsülo, O Apvüwa, hi ken-niepenwa, nu hi hangshawa!

ZAKECI 40:10

Hi no hangshakeya jüh tsüpi ileben wi kuthi nsa; hi keshüthangla nleben tsentsa kesa, nu kekiqa tsüpi khiden. N-nyithu tsüdi saghu keben witsü hi njühkeya, nu ghaliki kesa ghena ceen ben meyacha.

KEMETSAJÜH 3:1

Hi mangwa pi no sansi cü khe mali nsala, itsa. Hi no ya mangwa salo kiza khe keshüthangla tsü meshenya.

ISAYA 59:21

Nu hi nthu ssinu cenkethenjüh kesü saaden: Hi kekhang nu hi pi nyu kesansijühthu pi anuphanla nthu ji salo kesa pi nthu cüdha, nu nthu na khili nten na ijühkina nu ghaketen wi matsü tsüdi ghena nthu tsangathu nu nthu shicübvüghathu sansi pi ijühkina thsüden.”

MATHI 12:35

Anyi kemehaiwa na ma pala kemehai keben wina kemehai sen shhugho den; nkemehaiwa na ma pala nkemehai keben wina nkemehai sen shhugho den.

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

MATHI 7:21

“ ‘Apvüwa, Apvüwa’ isa hi ci ketenthu tsüdila tang Kadiyyi wi duyakhi nben, isala tang wi kebenwa iBa kenenwa sa ketenthu ketan na duyaben.

MATHI 7:24

“Tsalina anyi kesü le kesü lela ijühthu zaya nu tsüthu nie ketenwa na anyi kemetsa kesü na ma jjen pi alon miwi sakeya tsüti le.

Luk Zhükechi Jühtheü Kemehaiwa 11:28

Isala Jisu na tsü luneng, “Tsü miwi la Anyiza jüh zaya nu nie ketenthu na khatila mihhidha nu!”

JOHAN 13:17

Khili nthu na atsentsawa ha chüyaben, nu nthu na tsü saten lethu nthu na kemihhi ntsa le!

JOHAN 14:21

“Thowa na iyenkhukechithu ha yaya nu tsü nieten khe ma hi tizenghali ketenwa tsü. IBa na thowa hi tizenghali ten khe tsü tizenghali den. Hi la ma tizenghali nu hi pi ma ccüca den.”

EFESANYI 4:29

Nthu pang pi ajüh nkemehai nyela nyu kiqaya kesa ajüh kemehai nsenthu keyishü nyu sa pi mehaiya kesathu khilo, isanu nthu kekhi tsü za keyathu ghena kemehaiwa saya thsüle kesalina.

AYENZHÜNENG 29:8

mathu yyi yaya, nu pi Reuben, Gad mizzathu nu Manasseh mizza gishü pahanthu jawi gishü cüa.

AYENZHÜNENG 29:9

Nthu kekuli tsüdi wi mehai cenyale kesalina cenkethenjüh hawi keben tsüdila nie kaketsü sayalo.”

AYENZHÜNENG 30:14

Nyele, tsüna hewi nthu jawi ben. Nthu na tsü chüben nu tsü khiya mehai, tsalina khili tsü nieyalo.

AYENZHÜNENG 31:11

Israel nyithu na kekinyi pen kesü wi Apvüwa nthu Nyiza kinyile gho lethu mathu wi ha sichilo.

AYENZHÜNENG 31:24

Mosa na Anyiza Yenwa tsü kesüla nteshila tsüdi zhüpi lesüshen kesü saya.

AYENZHÜNENG 5:1

Mosa na Israel nyi tsüdi cighu nu mathu wi khi, “Israel nyithu, hi nansü ayenthu pi nthu cü keben ha tsüdi kinayalo. Tsüthu tsü chüya nu nieya metsilo.

AYENZHÜNENG 5:29

Keujüla mathu na keshüthangla hati ketan meshen lethu, hi kinyikü nu hi ayenkhukechi tsüdila nieya, isalethu pala tsüdi wila mathu nu mathu shicübvüghathu ghena anuphanla mehaiyaben.

AYENZHÜNENG 5:32

“Israel nyithu, Apvüwa nthu Nyiza na nthu kekiza tsüdila sa metsilo. Ma yenthu tsü kesütanla n-niela nsala.

KOLOSSINYI 3:16

Khrista ketsijüh wi kebenwa tsüna nthu leben wi nhangthu yishü. Kemetsa tsüdi sen nu nthu khokho sansi nu kechü-kenong tenlo. Keseng khwi, ntsawa khwi, nu kemetha khwithu salo; nthu leben wi Anyiza keseng khwi salo.

JOSHUA 1:7

Lebenzü nu kempvüza sayalo; nu imaghawa Mosa na Ayen pi no kecü tsü mabenla nie metsilo. Tsü kesüla n-niela nsala isathu no khiewa wa khe mehai yaben.

JOSHUA 8:34

Tsaseng wi Joshua na Ayenwa lesüshen wi zhüketheng ti kesawegü nu kishen-keshithu Yenwa maben la mesikhhali sichi.

CCÜCAKECHI 22:14

Anyi mathu thsümeni satemethaya kesathu na kemihhi ntsa, kepaghenanye mathu na anyunutiwa jenkathu wi dushhuya nu kahang chan bi tsü dsaya kemehai ben.