JOSHUA 1:7 - Kemethajüh (N) (Re-editing) Bible (BSI)

⁷ Lebenzü nu kempvüza sayalo; nu imaghawa Mosa na Ayen pi no kecü tsü mabenla nie metsilo. Tsü kesüla n-niela nsala isathu no khiewa wa khe mehai yaben.

JOSHUA 1:7 Iomraidhean Croise

1 KADIMITHU 2:2

“Hi keshü tsüna gho cudha. Kempvüza sa nu lebenzü benyalo,

1 KADIMITHU 2:3

nu Apvüwa n-Nyiza na mangwa salo no kiza khe tsü salo. Mosa yenwa wi zhüketheng ti ma ayenkhukechithu nu ayenthu tsüdi nieyalo, isanu no khiewa wa khe no kekuli tsüdi wi mehai kayi yale kesalina.

2 KADIMITHU 22:2

Josiya na Apvüwa kenenwa tsü sa; nu ma baqhai Kadimi David tsütsonca tsü nienu Anyiza yenthu tsüdila nie kaketsü sa.

1 KHENICÜKI 22:13

Keujüla no Apvüwa na Israel ghena ayen pi Mosa kecüthu tsüdi nieya lethu, no haicen yaben. Lebenzü nu kempvüza saya, nu mangla ya no patemessi nsa thsüla.

2 KHENICÜKI 15:7

Isala nthu tsü accükwen nshüla zükeqhe benyalo. Nthu kekuli kutimen sapi nthu cüben na.”

2 KHENICÜKI 26:5

Keccüna wi kesansiwa Zekhariya na hang keben chu ma ma leben tsentsa wi Apvüwa kekuli sa nu Anyiza na sawegü pi ma cü.

Job Lesüshen 1:8

Apvüwa na ma keü, “No imaghawa Job cüki chüben ma? Ayyi miwi anyi kesütanla ma ti aleben tsentsa kesa kemehai nmi. Ma hi kinyiden, nu nkemehai mangla nsale kesa kiden-kesha tenle.”

ZAKECI 80:19

Ithu ssinu kheneng gholo, Apvüwa, Kekhang ntsawa Anyiza. No nanketizen pi ithu ccüca chi, isathu ithu hangsha yaden.

KEMETSAJÜH 4:27

Nkemehaiwa ghüya nu atu wi meshonqhe walo. Acükha kesüla ketsatan len wina nbvüla.

KEMETSAJÜH 8:20

Hi ketsatan lenwa wi tonden; hi kemeshon len nieden,

DANIEL 10:19

Ma khi, “Anyiza na no ghaliben, tsalina mangla no sapi leben ketizensa nyelela no pateqhe thsü nsa lalo.” Ma ha khi kechi wi hi zünengya nu khi, “Kediwa, no mangwa khile ben khe hi kizalo, no hi sapi mehai nengya thsüdha.”

SHICÜSI 27:23

Apvüwa na kekhi ti Mosa na ma kwen chang pi Joshua miwi chi nu Joshua na ma kuti kesawa le kesa pi thangchia.

AYENZHÜNENG 11:8

“Hi nansü pi nthu kekiza ha tsüdila nieyalo. Isalethu nthu na aghaku pvüdhi wa nthu na duyale kebenwa ayyi tsü yaya mehai.

AYENZHÜNENG 12:32

Hi nthu kekiza tsüdila salo; ciwi gilli nyelela nkecen mangla nsala.

AYENZHÜNENG 28:14

Nthu na katsüha sa lela tsüthu n-niela nsala nyelela acenpvü kepa wi kinyi nu kekuli nsala.

AYENZHÜNENG 29:8

mathu yyi yaya, nu pi Reuben, Gad mizzathu nu Manasseh mizza gishü pahanthu jawi gishü cüa.

AYENZHÜNENG 29:9

Nthu kekuli tsüdi wi mehai cenyale kesalina cenkethenjüh hawi keben tsüdila nie kaketsü sayalo.”

AYENZHÜNENG 31:7

Tsaseng wi Mosa na Joshua cichi nu Israel nyi tsüdi tuwi na ma wi khi, “Lebenzü nu kempvüza sayalo; no anyi hathu ssi wa Apvüwa na mathu bamyithu wi khishiketheng yyiwa tsü yaya thsüaben.

AYENZHÜNENG 4:2

Hi ahza pi nthu kecü tsü miwi mangla pi nwwala, nu mangla senbvü nsala. Apvüwa nthu Nyiza na ahza khukechi hi pi nthu kecüthu tsü nie yalo.

AYENZHÜNENG 5:32

“Israel nyithu, Apvüwa nthu Nyiza na nthu kekiza tsüdila sa metsilo. Ma yenthu tsü kesütanla n-niela nsala.

JOSHUA 1:1

Apvüwa maghawa Mosa na keshü seng wi Apvüwa na Mosa kekiqawa Nun tsa Joshua wi kiza.

JOSHUA 1:8

No kekinyi kesa wi keshüthangla Ayenwa lesüshen ha si metsilo. Ghanan le ghaja lela no tsü si nu ciwi zhüketheng tsüdila nie metsilo. Isalethu no mehai kayi nu mehai cenyaben.

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 11:15

Apvüwa na ma yenkhukechithu pi ma maghawa Mosa cü, Mosa na tsüthu pi Joshua cü, nu Joshua na tsüthu nieya. Ma Apvüwa na Mosa kekiza tsüdila sa.

JOSHUA 23:6

Tsalina kiden-kesha nu Mosa Yenwa lesüshen wi zhüketheng tsüdi nie nu salo. Kesüla nkesa nsala,