JOSHUA 1:6 - Kemethajüh (N) (Re-editing) Bible (BSI)

⁶ Lebenzü nu kempvüza sayalo, kepaghenanye no anyi hathu ccüli sa nu mathu na wala hi mathu bamyithu wi khishiketheng yyiwa tsü yaya ben.

JOSHUA 1:6 Iomraidhean Croise

ADECHHÜ 12:7

Apvüwa na Abram tuwi gho nu ma wi khi, “Diyyi hawa ha hi pi nshicübvüghathu cü ketenwa tsü.” Ciwi Abram na kekinyipen kesü sapi Apvüwa ma tuwi keghowa tsü cü.

ADECHHÜ 26:3

Hewi hanglo, hi no ssiden nu sawegü pi no cüden. Hi ayyi ha tsüdi pi no nu nshicüthu cüaden, nu hi nba Abraham tuwi khishi ketheng tsü sacen cüden.

2 SAMUEL 10:12

Kempvüza sa nu lebenzüyalo! Ithu nyithu nu Anyiza nyunutithu ghena apiketsü sala ssikesalina. Apvüwa kemeshen ti sakeyawa salo!”

1 KADIMITHU 2:2

“Hi keshü tsüna gho cudha. Kempvüza sa nu lebenzü benyalo,

1 KHENICÜKI 22:13

Keujüla no Apvüwa na Israel ghena ayen pi Mosa kecüthu tsüdi nieya lethu, no haicen yaben. Lebenzü nu kempvüza saya, nu mangla ya no patemessi nsa thsüla.

1 KHENICÜKI 28:10

Apvüwa na no ya ma Kekinyijjen kemethawa tsü sa thsüle kesalina no kessiyadha kesa chüyalo. Khili nleben zükeqhe nu tsü sashhu yilo.”

1 KHENICÜKI 28:20

Kadimi David na ma tsa Solomon wi khi, “Kempvüza sa nu leben zükeqhe sayalo. Kekuliwa tsü sashhu yilo, nu mangla no nkhen thsüla. Apvüwa Anyiza hi ma kekuli sa ketenwa na no ssiden. Ma no teshi nben, isala no ma Kekinyijjen wi kekuli npi kesacen chu ma no gweghe benben.

2 KHENICÜKI 15:7

Isala nthu tsü accükwen nshüla zükeqhe benyalo. Nthu kekuli kutimen sapi nthu cüben na.”

2 KHENICÜKI 20:11

Mathu na hatinu ithu kutimen sa neng ben — mathu na no ayyi pi ithu kecü witsü ithu jügüshia le ghoben.

2 KHENICÜKI 20:7

No ithu Nyiza. Khathansha wi n-nyi Israel na ayyi hawi dugho khe, no anyi hewi hang kebenthu jügüshia nu ayyi hapi npvüshangwa Abraham shicübvüghathu ya pi anuphanla mathu ji sayalo cüa.

ZAKECI 27:14

Apvüwa nondi benlo. Kenondi benya, accükwen nshüla. Apvüwa nondi benlo.

DANIEL 10:19

Ma khi, “Anyiza na no ghaliben, tsalina mangla no sapi leben ketizensa nyelela no pateqhe thsü nsa lalo.” Ma ha khi kechi wi hi zünengya nu khi, “Kediwa, no mangwa khile ben khe hi kizalo, no hi sapi mehai nengya thsüdha.”

HAGGAI 2:4

Isala nthu kesüla accükwen nshü lalo. Kepaghenanye hi nthu ssi benten na kekuli salo.

ZEKHARIYA 8:9

Lebenzüyalo! No kheni hi Kekinyijjen ha saneng le kesa giketegü tsü wi atusenjüh-kechüthu na kekhi jüh tsü makesü za yaben.

SHICÜSI 26:53

“Amizza keti kizza kenie wina ayyi tsüpi mathu gishü cülo.

SHICÜSI 33:53

Mathu yyi nkaya nu ciwi hang wa, kepaghenanye hi tsüpi nthu cüben.

1 KORINTHNYI 16:13

Meghe-metsa ben, kenondi wi zükeqhe nganya, kempvüza sa nu zükeqhe benya.

EFESANYI 6:10

Asakhenwa, Apvüwa kezü nu ma kekhang wina zükeqhe ngan benlo.

AYENZHÜNENG 1:8

Ayyi hathu ha tsüdi hi Apvüwa na pi nthu bamyithu Abraham, Isak, nu Jakob, nu mathu tsangathu cüle khishiketheng tsüle. Wa ciwi benyalo.’ ”

AYENZHÜNENG 11:8

“Hi nansü pi nthu kekiza ha tsüdila nieyalo. Isalethu nthu na aghaku pvüdhi wa nthu na duyale kebenwa ayyi tsü yaya mehai.

AYENZHÜNENG 31:23

Tsaseng wi Apvüwa na Nun tsawa Joshua ccüneng nu ma wi khi, “Lebenzü nu kempvüza sayalo. No Israel nyithu ssinu hi ayyi pi mathu cüle khishiketheng witsü waden, nu hi no ssibenden.”

2 TIMOTHI 2:1

Tsalina itsawa, Khrista Jisu wi nanketizen ithu ji wi tsü no züben yalo.

JOSHUA 1:18

Anyi thowa na no kekhangjüh kekhi nyelela no ahza khukechi tsü n-niela khe pi shü thsüaben. Lebenzü nu kempvüza sayalo!”

JOSHUA 1:7

Lebenzü nu kempvüza sayalo; nu imaghawa Mosa na Ayen pi no kecü tsü mabenla nie metsilo. Tsü kesüla n-niela nsala isathu no khiewa wa khe mehai yaben.

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 10:25

Joshua na ma kedithu wi khi, “Messi nyelela accükwenshü nsala. Lebenzü nu kempvüza sayalo, kepaghenanye Apvüwa na nthu ghinyithu tsüdi miwi hati saden.”

JOSHUA 13:6

Ha na Lebanon Yikhathu nu Misrefoth Maim jüwi hang keten Sidon nyithu yyi tsüdila saghuben. Israel nyithu na atujügüwathu hi anyi hathu tsüdi jügüshi cüden. Hi no kekiza ti no ayyi tsüpi Israel nyithu jawi gishü cü nsathu yishü.

JOSHUA 18:3

Tsalina Joshua na Israel nyithu wi khi, “Nthu na wala Apvüwa nthu bamyithu Nyiza na ayyi pi nthu kecü tsü yayale kesalina matsü khathula nthu hieben nu?

JOSHUA 21:43

Tsalina Apvüwa na ma Israel bamyithu wi ayyi pi mathu cüle kishenketheng ti ayyi tsüdi pi mathu cüa. Mathu na tsü yakeya seng wi ciwi hang wa.

1 SAMUEL 4:9

Lebenzüya, Filistinthu! Npvüza ti aghisalo, nyelethu Ibri nyithu na ithu nssümagha kesa ti ithu na mathu nssümagha sa wa tendha. Tsalina npvüza ti aghisalo!”