JOSHUA 1:5 - Kemethajüh (N) (Re-editing) Bible (BSI)

⁵ Joshua, no hang keben chu anyi thola no chaya nben. Hi Mosa ssi kegho ti no la ssi benden. Hi keshüthangla no ssi benden; khiewila hi no teshia nben.

JOSHUA 1:5 Iomraidhean Croise

ADECHHÜ 39:2

Apvüwa na Josef ssiden nu ma sapi haicenya thsüden. Ma Ejipt nyi pvüwa jjen wi hang.

1 KADIMITHU 1:37

Apvüwa na Njenkeben Kadimiwa ssikegho ti ma Solomon la ssiketenwa sa nu ma kadi sapi no kadi miwila mehai kayi kecüwa salo.”

1 KADIMITHU 11:38

Keujüla no ijüh yatha sa, iyenthu nie nu hang, nu imaghawa David na kesa ti iyenkhukechi nie nu ituwi keya qowa tsü sa lethu, hi keshüthangla no ssiben den. Hi no pi Israel kadimiwa sa thsüaden, nu hi David ghena sa kechi ti nshicübvüghathu na nseng wi kekhang sen thsü metsiben.

1 KADIMITHU 6:13

Hi no Kekinyijjen sa ketheng ha wina inyi Israel jawi hangben, nu hi khiela mathu teshia nben.”

1 KADIMITHU 8:57

Apvüwa ithu Nyiza na ithu bamyithu ssikegho ti ithu ssiketenwa sa; ma khiela ithu teshi nyelela yisha nkesawa sa;

1 KHENICÜKI 28:20

Kadimi David na ma tsa Solomon wi khi, “Kempvüza sa nu leben zükeqhe sayalo. Kekuliwa tsü sashhu yilo, nu mangla no nkhen thsüla. Apvüwa Anyiza hi ma kekuli sa ketenwa na no ssiden. Ma no teshi nben, isala no ma Kekinyijjen wi kekuli npi kesacen chu ma no gweghe benben.

ZAKECI 46:11

Kekhang ntsawa Apvüwa na ithu ssiden; Jacob Nyiza tsüna ithu ken-nie penwa.

BVÜKESHHU 3:12

Anyiza na luneng, “Hi no ssiden, nu no Ejipt wina anyithu ssi shhugho lethu nthu na ayikha ha wi hi kinyiben, tsüna hi no kesun chile kesa chüza saben.”

ISAYA 42:16

‘Hi inyi anyon nkemuthu ssinu mathu na kijünyi wa keten len wi waden. Hi mathu kejang sapi wegü thsüaden, nu ayyi ghagu-ghana kesa pi mathu ghena chengche sa thsüaden . Hathu hana hi khishikechithu, nu hi tsüthu tsü nteshila saaden.

JEREMIYA 1:8

Mathu nmessila, kepaghenanye hi no khweyale kesa ghena no ssiden. Hi Apvüwa, hi khidha!”

DANIEL 11:16

Siriya nyi nyu nka keghowa na kematang nmila mathu pi ma kemeshen saaden. Ma Khishiketheng Yyi wi tsü ngan nu tsüpi ma kekhang kekhu wi chitha yaden.

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

ROMNYI 8:31

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

ROMNYI 8:37

Nyele, ithu na ithu nantizen kecüwa wina hathu ha tsüdi miwi khang yadha le!

AYENZHÜNENG 20:1

“Khathansha wi nthu na nthu ghinyithu ssikesali wa khe mathu gorugarithu, goruthu, nu süpahizi na nthu miwi ji kayi lela mathu nmessila. Apvüwa nthu Nyiza Ejipt wina nthu kekasha keyawa na nthu ssiden.

AYENZHÜNENG 20:4

Apvüwa nthu Nyiza na nthu ssi waden, nu ma khangkeya pi nthu cüben.’

AYENZHÜNENG 31:23

Tsaseng wi Apvüwa na Nun tsawa Joshua ccüneng nu ma wi khi, “Lebenzü nu kempvüza sayalo. No Israel nyithu ssinu hi ayyi pi mathu cüle khishiketheng witsü waden, nu hi no ssibenden.”

AYENZHÜNENG 4:31

Ma nanketizen Nyiza. Ma nthu teshi nyelela nthu yasa nben, nu ma ketanla nthu bamyithu ssinu cenkethenjüh tsü malia nben.

AYENZHÜNENG 7:24

Ma mathu kadimithu pi nthu kekhang kekhu wi chiaben. Nthu na mathu pathi nu nyu na mathu maliaben. Anyi thola nthu khenya nben, nthu na tsüdi yasaben.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.

IBRINYI 13:5

Nthu kahang wi apisa ntepaghala, nu nthu kebenwa tsü pi nthu leben-ghashu saben tenlo. Kepaghenanye Anyiza na khiben, “Hi khiela nthu malia nu teshia nben.”

JOSHUA 1:17

Ithu na keshüthangla Mosa jüh kekina tsüti njüh kinaben, nu Apvüwa n-Nyiza Mosa ssi keghowa na no ssiben ketenwa salo!

JOSHUA 1:9

Hi no lebenzü nu kempvüza sayalo kekiza tsü meshenyalo! Messi nu accükwenshü nsala, kepaghenanye hi Apvüwa n-Nyiza, no khiewa wa khe hi no ssiden.”

JOSHUA 10:8

Apvüwa na Joshua wi khi, “Mathu nmessila. Hi khangkeya pi no cüdha. Mathu kesüla no shunya nben.”

JOSHUA 21:44

Apvüwa na mathu bamyithu wi kishenketheng ti ayyi maben wi kecca pi mathu cüa. Mathu ghinyithu kesütanla mathu shun meya, kepaghenanye Apvüwa na mathu ghinyi tsüdi miwi khangkeya pi Israel nyithu cüdha.

JOSHUA 3:7

Apvüwa na Joshua wi khi, “Hi nansü sa kebenwa ha no pi kedi nyi kesü ti sa nu Israel nyithu tsüdi no kinyikü wa thsüaben, nu hi Mosa ssi kegho ti no ssitenle kesa mathu na chüyaben.

JOSHUA 6:27

Tsalina Apvüwa na Joshua ssiden, nu ma nyankemehai na diyyi maben wi la ben.

PENDHENYI 2:18

Khathansha wi Apvüwa na Israel pendhewa kesü kesunchi khe pendhewa tsüna hang keben chu Apvüwa na ma kiqa pi ghinyithu kwen wi anyithu hangshaya thsü thsü isa. Anyithu na ketizenkesa nu agükeccü ghena kiqai ghena Apvüwa na mathu nantizen chicü.

PENDHENYI 6:16

Apvüwa na khineng, “No tsü saya mehai, kepaghenanye hi no kiqaden. No Midia nyithu pi meshu kesütan ti lekete mathu pacha cüben.”

1 SAMUEL 10:7

Khathansha nmiwi hathu ha sa khe, Anyiza na no ssinu mangwa sale ben khe tsü salo.