JOSHUA 1:4 - Kemethajüh (N) (Re-editing) Bible (BSI)

⁴ Nthu ggü na acülawa yyikeshü na wala aghawa Lebanon Yikhathu kecu; nishuwa Eufrat Ghaku keti tsüna wala niduwa Hitti diyyiwa pvüdhi sen wa Mediterranean Tssükedone kecu saben.

JOSHUA 1:4 Iomraidhean Croise

1 KADIMITHU 10:29

Mathu na Ejipt wi gorugari kesü na rükatssü meza tugho nu goru kesü na rükatssü meza nu deni pi shü pvü gho. Mathu na kheneng tsüthu pi Hitti nu Siriya nyi kadimithu wi jeü chicü.

1 KADIMITHU 4:21

Solomon kadiyyi na Eufrat Ghaku na wala Filistia nu Ejipt ggü kecu wi mizzatenti tsüdi saghuben. Mathu na khajana pi ma cü, nu ma kahang chu ma kekhu wi ben.

1 KHENICÜKI 18:3

Tsashi, David na wala Hamath yyi kete wi Zoba yyiwi Siriya nyi Kadimi Hadadezer ssisa, kepaghenanye Hadadezer na ayyi Eufrat Ghaku na mmiwa miwi kekhang senyale saben.

1 KHENICÜKI 5:9

Mathu na Gilead yyiwi amesüsi kejon ben, tsalina mathu ayyi nishuwa yyikeshü na Eufrat Ghaku kewalen kecu shicha kebenwa witsü benya.

EZRA 4:20

Kadimi kekhang ntsathu na ciwi kadisa nu Eufrat Niduwa diyyi tsüdi miwi kekhang sen nu khajana nu keben saghu ghole.

BVÜKESHHU 23:31

Hi nthu yyi ggü tsü Kenmie Tssükedone na wa Filistin Tssükedone kecu nu ayyikeshü na wa Eufrat Ghaku kecu sapi tisie kayi cüden. Hi ayyi ciwi hang kebenthu miwi kekhang pi nthu cü, nu nthu na mathu jügüshiaben.

AYENZHÜNENG 1:7

Kemnanpenwa tsü pheghe nu apen ketsen walo. Amor nyi yyishiphon diyyiwa nu tsü kevü yegu tsüdi wi walo — Jordan yyiketijü, yyiketijü nu yyishiphon diyyiwa, acülawa yegu, nu Mediterranean tssükaten kecu. Kanaan yyi nu Lebanon Yikhathu tsü thenkeghe sen nu Eufrat Ghaku ketiwa kecu wi walo.

AYENZHÜNENG 11:24

Nthu na nnikeben ayyi tsüdi nthu ji saben. Nthu yyi na acülawa ayyikeshü na wala aghawa Lebanon Yikha kecu, nu nishuwa Eufrat Ghaku na wala niduwa Mediterranean Tssükedone kecu saben.

AYENZHÜNENG 3:25

Apvüwa, hi ya Jordan pvüdhiki khhakawa ayyi kemehai, yyishiphon diyyiwa tsikemehai nu Lebanon Yikhathu tsü muya thsülo.’

CCÜCAKECHI 9:14

Ahhai tsüna tangnyilo tughowa wi khi, “Nyilothu mejü bhen pi Eufrat Ghaku ketiwa wi chi ketheng tsü lishachilo!”