JOSHUA 1:1 - Kemethajüh (N) (Re-editing) Bible (BSI)

¹ Apvüwa maghawa Mosa na keshü seng wi Apvüwa na Mosa kekiqawa Nun tsa Joshua wi kiza.

JOSHUA 1:1 Iomraidhean Croise

1 KADIMITHU 19:16

Nimshi tsa Jehu pi Israel kadimi sa thsü, nu Abel Mehola wina keghowa Shafat tsa Elisha pi nshiwa sa atusen- jühkechüwa sa thsülo.

2 KADIMITHU 3:11

Kadimi Jehoshafat na keü, “Hewi ithu na atusenjüh-kechüwa wina Apvüwa ccüneng ya kemehai kesüla benla nu?” Kadimi Joram kedi kesü na luneng, “Shafat tsa Elisha na hewi ben. Ma Elijah kekiqawa sale!”

NEHEMIYA 8:17

Anyi kushiyyi wina kheneng keghothu tsüdi wa aponthu wi hang. Kheni Nun tsa Joshua tsü wi kesa sengwi hawa ha atuwa saben, nu anyi tsüdila nong nu anonghe ntsa sa.

BVÜKESHHU 24:13

Mosa nu ma kekiqawa Joshua manyi kidenya, nu Mosa na kemetha yikha wi tsü ki.

SHICÜSI 11:28

Nun tsa Joshua, ma kepvüza tsü wina Mosa kiqa ketenwa na Mosa wi khi, “Manyi khenlo, kediwa!”

SHICÜSI 12:7

Hi imaghawa Mosa keccüneng tsü tsüti nyele; hi ma pi Israel nyithu tsüdi miwi kediwa sa thsü.

SHICÜSI 13:16

Mosa na wahhai hathu kesun pi ayyi hhainan wathsü. Ma Nun tsa Hoshea nyan tsü kemili pi Joshua sa.

Luk Zhükechi Jühtheü Kemehaiwa 16:10

Anyi kesü le kesü lela pala kezeng-u wi noncca pi mehai meya lethu, kejon wi la noncca pi mehaiya nben.

KEKULI 7:45

Tsashi seng wi ithu bamyithu na mathu bathu wi nithsüjjen tsü muya nu tsü pvü wa Joshua gweghe mathu na atujügüwa lethu Anyiza na amizza kepathu jügüshi kesa wi ayyi tsü nkaya. Nu tsüna David tsü kecu chu ciwi ben.

ROMNYI 1:1

Anyiza na ma Jühtheü Kemehaiwa pi nyu sansilo kesa ghena ciya nu kessi pi apostel kesü saya kesawa, Jisu Khrista maghawa Paul wina sa kechi.

AYENZHÜNENG 1:38

Isala no kekiqawa Nun tsa Joshua tsü satezü cülo. Ma Israel ssi wala ayyi tsü nkaya thsüden.’

AYENZHÜNENG 31:23

Tsaseng wi Apvüwa na Nun tsawa Joshua ccüneng nu ma wi khi, “Lebenzü nu kempvüza sayalo. No Israel nyithu ssinu hi ayyi pi mathu cüle khishiketheng witsü waden, nu hi no ssibenden.”

AYENZHÜNENG 31:3

Apvüwa nthu Nyiza na ma ketanla nthu tuwi wa nu ciwi hang keben mizzatentithu yasa cü lethu nthu na mathu yyi yaya mehai; nu Apvüwa na kekhi ti Joshua na nthu ccüliwa saben.

AYENZHÜNENG 33:1

Kesawegü hathu hana Anyiza nyiwa Mosa na ma npi keshü tuwi sawegü pi Israel nyithu miwi khie kechi.

AYENZHÜNENG 34:12

Atusenjüh-kechü kesüla Mosa na Israel tsüdi tuwi kedi nu qhethiketen kekuli tsüti npi saya.

AYENZHÜNENG 34:5

Tsalina Apvüwa maghawa Mosa, Apvüwa na ma shüaben le khi ketheng ti ma Moab yyiwi shüa.

AYENZHÜNENG 34:9

Nun tsa Joshua na kemetsa pi pong pvüden, kepaghenanye Mosa na Joshua pi ma kuti kesawa sa thsüdha. Israel nyithu na Joshua jühkina nu Apvüwa na Mosa wina ayenkhukechithu pi mathu kecü tsü nieya.

TITA 1:1

Anyiza maghawa nu Jisu Khrista apostelwa Paul na zhükechi. Anyiza na kessikeya nyithu kenondi satezü nu ithu keccüna pi kesansi wi mathu ssinu atsentsawa wi walo kesalina hi kessiya nu kesunchi,

JAMES 1:1

Anyiza nu Apvüwa Jisu Khrista maghawa James wina pi ayyi maben wi bvüzighe keben Anyiza nyithu tsüdi shalom saben.

JOSHUA 1:15

nu mathu Jordan na niduwa Apvüwa nthu Nyiza na ayyi pi mathu cü ketheng tsü npi yakeya chu mathu kiqale kesalina. Khathansha wi Israel mizzathu tsüdi yazishu benya thsü khe, nthu na kheneng gho Jordan na nishuwa Apvüwa maghawa Mosa na pi nthu cü kethengwa nthu yyi wi ha hang waya mehai.”

JOSHUA 1:2

Ma khi, “Imaghawa Mosa na shüdha. Khili, no nu Israel nyi tsüdila kidenya nu Jordan Ghaku pvüdhi sen nu hi ayyi pi mathu cü keben witsü walo.

JOSHUA 12:6

Mosa nu Israel nyithu na kadimi ha keni chaya. Apvüwa maghawa Mosa na mathu yyi pi Reuben, Gad mizzathu, nu Manasseh mizza kegishü pahanthu ji saya thsüa.

CCÜCAKECHI 1:18

Hi hangben ketenwa tsü le! Hi shü, isala ghangchilo, hi anuphan nu anuphanla hangben. Hi keshü nu keshü yyi miwi kekhangben.