JOHAN 9:5 - Kemethajüh (N) (Re-editing) Bible (BSI)

⁵ Hi ayyi ha wi keben chu, ‘Hi ayyi kewegüwa.’ ”

JOHAN 9:5 Iomraidhean Croise

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

MATHI 4:16

Anyi kejang wi kahangthu na kewegü keti kesü muyaden. Kewegü tsüna anyi kejang keshü yyi wi kahangthu wegü cüden.”

MATHI 5:14

“Nthu na ayyi maben ghena kewegüwa ti kesa. Ayikha kesü miwi anyunuti sa ketheng tsüna kuthiya nten.

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

JOHAN 12:46

Hi kewegüwa sa nu ayyi wi gho, isanu thowa na hi nondi ten khe kejang wi ben meyacha.

JOHAN 8:12

Jisu na Farisithu wi khineng, “Hi ayyi kewegüwa. Anyi thowa na hi nie ten khe ma kahang kewegüwa wi tsü bendha, nu khiela kejang wi lentsen meyacha.”

KEKULI 13:47

Kepaghenanye Apvüwa na ayenkhukechi ha pi ishinyi cütheng: ‘Hi no pi Judah nyi nkenyethu kewegüwa sa thsüdha, isanu ayyi nyi tsüdila hangshaya thsüle kesalina.’ ”

KEKULI 26:18

No mathu nyon sha chiden nu mathu kejang wina kewegü wi ghoya, nu satan kekhang kekhu wina Anyiza wi gho yaden, isanu mathu na kesami keteshi tsü muya nu Anyiza na kessikeyathu jawi mathu pen muya den.’

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

EFESANYI 5:14

kepaghenanye kewegü tsüna pala tsüdi pi methasi ccüca chiaben. Tsalina hati khiben, “O jen kebenwa shagha yilo, nu keshü wina shaghalo; Khrista na nthu wegü cüben.”

CCÜCAKECHI 21:23

Anyunutiwa tsüna aghani nu asha kewegü nsenla mehai, kepaghenanye Anyiza nyankethang na ciwi wegü, nu Khaghanenizzawa na ahula saben.