JOHAN 9:16 - Kemethajüh (N) (Re-editing) Bible (BSI)

¹⁶ Farisithu pahan na khi, “Anyi ha sa pi mehai kecüwa hana Anyiza wina kegho sa nben, kepaghenanye ma Sabbath tsathang yenwa tsü nie nten.” Isala kepathu na khi, “Khati nu kesami nyi kesü amankesa hathu ha saya mehai nu?” Tsalina mathu jawi ajüh kepapa sa.

JOHAN 9:16 Iomraidhean Croise

MATHI 12:10

ciwi anyi kesü ma kwen kecügüshü na ben. Anyi pahan na ciwi ben nu Jisu kesazzi muthu ma kiminni cüle saben, tsalina mathu Jisu wi keü, “Sabbath ghanan wi nyu sa pi mehai kecü Ayen benla nmi nu?”

MATHI 12:2

Farisithu na ha muya theng nu Jisu kiza, “Ghangchilo, no sansikeyathu na Sabbath ghanan wi hati kesa ha ithu Yenwa tsü shun benle!”

Luk Zhükechi Jühtheü Kemehaiwa 13:14

Isala Sinagog wi kediwa na Jisu na Sabbath tsathang wi nyu sa pi mehai kecü ghena ma lebenminu nu anyithu wi khi, “Ciwi ithu kekuli kesa ghena ghanan tugho na ben, tsalina tsü ghanan jüwi gho nu nthu sa pi mehai yathu khe Sabbath tsathang wi ngho lalo.”

JOHAN 10:19

Kheneng anyithu jawi ajüh hathu ghena ajühkepapa sa.

JOHAN 14:11

Hi Abawa wi ben nu Abawa na hi wi ben kesa tsü nondi yalo, nyelela hi amankesa kekulithu wina nondi yalo.

JOHAN 15:24

Keujüla hi mathu jawi thola saya nketen kekulithu nsachi lethu, mathu na kesami ben nkesa; isala mathu khili hi kekuli tsü muya nu iBa ishinyi qho nanmeghü wadha.

JOHAN 2:11

Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 3:2

Ma aghaja wi Jisu wi gho nu ma kiza, “Kesansiwa, no Anyiza wina kegho kesansi le kesa ikhang na chüben. Kepaghenanye anyi thola Anyiza na ma ssi nketen tsü no kuliketen azensuthu ha saya nben.”

JOHAN 5:10

tsalina Judah nyi kekhang kesenthu na anyi mehai keyawa wi kiza, “Hawa ha Sabbath tsathang ghena nwekeshiphi pienu keten ayen nmile.”

JOHAN 5:36

Isala hi asheikepi kesü ben, tsüna Johan sheikepi miwi diki; kepaghenanye Abawa na kekuli salo pi hi kecüthu hi tsü kekuli wina Abawa na hi kesun chile kesa isheipiben.

JOHAN 6:52

Ha ghena Judah nyithu jawi aghepvü nu keccücanli shagha. Mathu khi, “Anyi hawa ha khati nu ma sa pi ithu dsa thsüya mehai nu?”

JOHAN 7:12

Ciwi anyitenti jawi kicennali nu pahan na “Ma anyi kemehai kesü le,” nu kepa na “Nyele, ma anyi ssideja tenle,” isa khi.

JOHAN 7:23

Mosa Yenwa tsü npasa le kesa ghena Sabbath tsathang wi atsa hyuhan den, isalethu, mangkesa na hi Sabbath tsathang wi anyi kesü sa pi mehai cencu kecü ghena nthu na imiwi aghepvü ten nu?

JOHAN 7:43

Tsalina ciwi anyitenti jawi Jisu ghena gishü kepapa sa.

JOHAN 9:24

Keni tughuwa la mathu na anyi ma nyon nkemu pvüghakeyawa tsü cichi nu ma wi khi, “Anyiza tuwi no atsentsawa khiben kesa kishenlo! Anyi no sa pi mehai kecüwa tsüna kesami nyi kesü kesa ikhang na chüben”

KEKULI 14:4

Anyunuti tsüwa wi anyithu gishü pi keni sa; pahan na Judah nyithu wiwa, nu pahan na apostelthu wiwa sa.