JOHAN 8:54 - Kemethajüh (N) (Re-editing) Bible (BSI)

⁵⁴ Jisu na luneng, “Keujüla hi ketanla inyanthang lethu, tsüna mangla nye. isala inyanthang chi ketenwa tsüna Anyiza, nthu na pi nthu ba le khi ketenwa tsüle!

JOHAN 8:54 Iomraidhean Croise

KEMETSAJÜH 25:27

Anikholi ji mtsü kesa tsüna nghena nmehai, nu keseng ji mtsü yaya le kesa tsü la tsüti kesa.

ISAYA 66:5

Apvüwa na mangwa le khiben khe kinalo, nthu ma messi nu ma jühkina ketenthu: “Nthu na hi wi lebentsentsa sa keten ghena nthu nyi pahan na nthu nanmeghü nu nthu ssinu mangla sa nben. Mathu na nthu nankeqhe nu khiben, ‘Ithu na nthu nonkeghe tsü muya thsüle kesalina Apvüwa yala ma kekhang ketiwa tsüpi ccüca nu nthu hangshaya thsülo.’ Isala mathu ketanla mathu kimenni yaben le!

HOSEYA 1:9

Apvüwa na Hoseya wi kiza, “Ma nyan pi ‘Inyi nye’ ci yalo, kepaghenanye Israel nyithu na inyi nye nu hi mathu Nyiza nye.”

JOHAN 17:1

Jisu na ajüh ha kekhi cen seng wi ma tang wi ghang nu khi, “IBa, matsü na ghodha. Atsawa ya n-nyanthangya thsüle kesalina anyankethang pi Atsawa cülo.

JOHAN 17:5

O, iBa, kheni ayyi npi sakechi wi hi no gweghe keben wi nyankethang tsü makesü khili no inyanthang chi cülo.

JOHAN 2:11

Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 5:41

“Hi anyithu wi anyankethang pvü mvu nben.

JOHAN 7:18

Anyi thowa na ma ketanla ma kekhang wina khiten khe tsüna ma ketanla ma nyankethang tsü bhaden, isala thowa na ma kesun kechiwa nyankethang bhaten khe tsüna atsentsa, nu ma wi milikemesa mangla nmi.

JOHAN 7:39

Jisu na ha ma nondi keyathu na aghamu muya keten cüki khichi. Tsü tsüwi aghamu tsü npi khuchicü, kepaghenanye Jisu na ma nyankethang npi sachi.

JOHAN 8:41

Nthu na nthu ba kekuli ti saben.” Mathu na luneng, “Ikhang na Aba kesütan Anyiza ketan ben, nu ikhang na ma tsa ntsathu.”

JOHAN 8:50

Hi ketanla inyankethang bha nten. Isala ciwi anyi kesü na tsü bhaden, nu ma isheikhi nu nyu ghan-nan den.

KEKULI 3:13

Abraham, Isak, nu Jakob Nyiza, nu ithu baqhaithu Nyiza na ma maghawa Jisu nyankethang sa kechi. Nthu na ma ghan pi kekhang kesenthu kwen wi chia, nu Pilat na ma teshi chiale sa lela nthu na Pilat tuwi na ma meya mvula.

2 KORINTHNYI 10:18

Kepaghenanye Apvüwa na anyi kesü khi pi mehai lethu, ma ntsakhiwa mehaiben khe anyi ma ketanla ma khi pi mehai ketenwa tsüna mangla nye.

1 PITOR 1:12

Atusenjüh-kechüthu kekuli tsüna mathu ghena kekiyi nyela nthu ghena le kesa Anyiza na pi mathu ccüca, mathu na tsüthu cüki kekhi ti nthu na khili nyilothu na tang wi kesun kechi Kemetha Ghamu kekhang wina Jühtheü Kemehaiwa kekhi wi zayadha. Tangnyilothu lela pala hathu ha chüshiya mvuthi saden.

1 PITOR 1:21

Ma wina nthu na Anyiza keshü wina ma sa pi hang cü nu anyankethang pi ma kecüwa tsü nondiben; tsalina nthu kenondi nu kaghang tsüdi Anyiza miwi ben.

2 PITOR 1:17

Ma Abawa Anyiza wi kinyikü nu anyankethang mukeya, anyankethang kekhang kemisi ntsa wi ahhai kesü hati ma wi kegho wi ikhang na ciwi ben, “Hawa ha hi kaghaliwa iTsa, hi ma nenden!”