JOHAN 8:53 - Kemethajüh (N) (Re-editing) Bible (BSI)

⁵³ No ithu ba Abraham shü kesawa miwi diki ben kwe? Atusenjüh-kechüthu la shüdha. No thowa le meshen ben nu?”

JOHAN 8:53 Iomraidhean Croise

ISAYA 9:6

Ghanyi kesü pvügha pi ithu cüdha! atsa kesü pi ithu cüdha! nu ma ithu miwi kekhang kesenwa saaden. Ma pi “Amankesa Kesansichüwa,” “Kekhang ntsawa Anyiza,” “Anuphan Bawa.” “Kecca Kaditsawa.” le ciden.

MATHI 12:6

Hi nthu kizaden, pala pahan Kekinyijjen miwi kediki na he wi benle.

MATHI 3:9

Nu Abraham tsüna nthu baqhai le kekhi wina nthu kemeten tsü ghüya benle nmeshen lalo. Hi nthu kizaden, Anyiza na alon hathu ha pi Abraham tsangathu sa cüya mehai le!

JOHAN 10:33

Mathu na luneng, “No kekuli kemehai ghena ikhang na alon pi no kecenthiale sa nben, isala no kethenjüh kekhi ghena le! No anyi mele kesü, isala no ketanla no sa pi Anyiza saden.”

JOHAN 12:34

Anyitenti na luneng, “Khrista tsüna anuphanla hang benle kesa Ayenwa na ithu kizaben. Isathu, no khati nu Anyi Tsawa tsü zankiya nsathu yishü le khiya mehai nu? Anyi Tsawa tsüna thowa nu?”

JOHAN 19:7

Mathu na ma luneng, “Ikhang na ayen kesü ben, nu tsü kenie wina ma keshü-u sadha, kepaghenanye ma ketanla ma pi Anyiza Tsawa le saden.”

JOHAN 4:12

Ithu baqhai Jakob na atssükhang ha pi ithu cü, ma nu ma tsathu, nu ma mesüsithu tsüdila atssükhang hawi jjü gho. No Jakob miwi dikiben kwe?”

JOHAN 5:18

Ha kekhi ghena Judah nyi kekhang kesenthu na ma pathiale bha, kepaghenanye Jisu na Sabbath tsathang yen kepakhhi ketan nye, isala ma Anyiza pi ma Ba le khinu ma ketanla ma pi Anyiza meceqe satenle khi.

JOHAN 8:58

Jisu na luneng, “Hi atsentsawa nthu kizaden: ‘Hi’ Abraham npi kepvügha wina ben ghodha.”

ROMNYI 9:5

mathu na Ibri bamyi kemechan shicübvüghathu; nu Khrista na asajjü wi tsü mathu mizza wina gho. Anuphanla tsüdi miwi kekhang sen ketenwa Anyiza kesengwa salo! Amen.