JOHAN 8:52 - Kemethajüh (N) (Re-editing) Bible (BSI)

⁵² Mathu na ma wi khi, “Ikhang na khili atsaghang kesü no wi ben kesa chüti yadha! Abraham nu atusenjüh-kechüthu la shüdha, isala no anyi thowa na no kesansi jüh kina ten khe khiela shüya nbenle khiben.

JOHAN 8:52 Iomraidhean Croise

MATHI 11:18

Johan na gho zi nu kisengtssü la njjü nan tsüdila khi, ‘Ma atsaghang ssi tenle!’

JOHAN 1:19

Hana Johan sheikepi kekhi: Jerusalem wi Judah nyithu na keqhaikedithu nu Levi nyithu pahan kesun pi Johan wi “No thowa nu?” isa keü thsü.

JOHAN 14:23

Jisu na ma luneng, “Thowa na hi tizenghali ten khe hi kesansijüh nie ben. IBa na ma tizenghali ben, nu iBa ishinyi na ma wi gho ma ssinu hangben.

JOHAN 15:20

Hi pi nthu kekiza tsü meshen yalo, ‘Amagha kesü tsüna ma pvüwa miwi ndiki.’ Keujüla mathu na hi metenmesha lethu, nthu la meten- mesha ben; nu hi kesansijüh kina lethu, nthu jüh la kina ben.

JOHAN 17:6

“Hi n-nyan pi no ayyi wi anyithu pi hi kecüthu wi chüya thsüdha. Mathu na nji, nu no mathu pi hi cü. Mathu na njüh kinayadha,

JOHAN 7:20

Anyitenti tsüna khi, “No wi atsaghang kesü ben man ha! Thowa na no pathiale bhaten nu?”

JOHAN 8:22

Tsalina Judah nyi kekhang kesenthu na khi, “Ma ikhang na ma wa keten pen wi waya nbenle khiben. Ha mangwa jjügi nu, ma ketanla ma pathia ten la?”

JOHAN 8:48

Judah nyithu na Jisu keü, “Ikhang na no Samaria nyi nu atsaghang kesü no wi benle kekhi tsüna sazzidha kwe?”

JOHAN 8:51

Hi atsentsawa nthu kizaden: thowa na ijüh kina ten khe ma khiela shü meyacha.”

JOHAN 8:55

Nthu na khiela ma npi chü, isala hi ma chüben. Keujüla hi ma nchüle khithu hi la nthu ti milikemesa nyi saben, isala hi ma chüben nu ma jüh kinaden.

JOHAN 9:24

Keni tughuwa la mathu na anyi ma nyon nkemu pvüghakeyawa tsü cichi nu ma wi khi, “Anyiza tuwi no atsentsawa khiben kesa kishenlo! Anyi no sa pi mehai kecüwa tsüna kesami nyi kesü kesa ikhang na chüben”

IBRINYI 11:13

Hathu ha tsüdila kenondi sen nu shüdha. Mathu na Anyiza jühkhukechithu tsü mu meyala, isala mathu na alen kesie wina tsü muya nu anonkeghe sa, nu mathu na ayyi ha wi asangthu nu kijünyi thu saben le kesa tsü chü.

IBRINYI 2:9

Isala matsü keujü Jisu sa pi tangnyilothu mi meniki, isanu ma Anyiza nanketizen wina anyi tsüdi ghena shü thsü; nu ma keshü wi ketizen kesa ghena khili anyankethang nu kekü liwen pvüben kesa ithu na muben.