JOHAN 8:51 - Kemethajüh (N) (Re-editing) Bible (BSI)

⁵¹ Hi atsentsawa nthu kizaden: thowa na ijüh kina ten khe ma khiela shü meyacha.”

JOHAN 8:51 Iomraidhean Croise

ZAKECI 89:48

Thowa na hang nu nshüla benya mehai nu? Thowa na ashüjjen ghüya mehai nu?

MATHI 16:28

Hi nthu kizaden, hewi ngan kebenthu pahan na Anyi Tsawa na Kadimi sa kegho npi kemu chu shü nben.”

Luk Zhükechi Jühtheü Kemehaiwa 2:26

nu ma Apvüwa na khishi ketheng Messiya tsü npi kemu chu shü nbenle kesa Kemetha Ghamu na ma kiza theng.

JOHAN 14:23

Jisu na ma luneng, “Thowa na hi tizenghali ten khe hi kesansijüh nie ben. IBa na ma tizenghali ben, nu iBa ishinyi na ma wi gho ma ssinu hangben.

JOHAN 15:20

Hi pi nthu kekiza tsü meshen yalo, ‘Amagha kesü tsüna ma pvüwa miwi ndiki.’ Keujüla mathu na hi metenmesha lethu, nthu la meten- mesha ben; nu hi kesansijüh kina lethu, nthu jüh la kina ben.

JOHAN 17:6

“Hi n-nyan pi no ayyi wi anyithu pi hi kecüthu wi chüya thsüdha. Mathu na nji, nu no mathu pi hi cü. Mathu na njüh kinayadha,

JOHAN 5:24

“Hi atsentsawa nthu kizaden: thowa na ijüh kina nu hi kesun kechiwa nondiya khe anuphan kahang bendha. Ma ghan-nan nbendha, isala keshü wina kahang wi shhugho yadha.

JOHAN 6:50

Isala amesa hawa ha tang wina kedugho anyi na dsa nu shü nketenwa tsü.

JOHAN 8:12

Jisu na Farisithu wi khineng, “Hi ayyi kewegüwa. Anyi thowa na hi nie ten khe ma kahang kewegüwa wi tsü bendha, nu khiela kejang wi lentsen meyacha.”

JOHAN 8:52

Mathu na ma wi khi, “Ikhang na khili atsaghang kesü no wi ben kesa chüti yadha! Abraham nu atusenjüh-kechüthu la shüdha, isala no anyi thowa na no kesansi jüh kina ten khe khiela shüya nbenle khiben.

JOHAN 8:55

Nthu na khiela ma npi chü, isala hi ma chüben. Keujüla hi ma nchüle khithu hi la nthu ti milikemesa nyi saben, isala hi ma chüben nu ma jüh kinaden.

IBRINYI 11:5

Kenondi ghena Enok na nshü, isala ma zanki pi Anyiza wi chiya nu thola ma mu meya, kepaghenanye Anyiza na ma zankiya. Ntsawajüh na Enok npi zanki keya wi ma Anyiza kenen sa yale khiben.

IBRINYI 2:9

Isala matsü keujü Jisu sa pi tangnyilothu mi meniki, isanu ma Anyiza nanketizen wina anyi tsüdi ghena shü thsü; nu ma keshü wi ketizen kesa ghena khili anyankethang nu kekü liwen pvüben kesa ithu na muben.