JOHAN 8:47 - Kemethajüh (N) (Re-editing) Bible (BSI)

⁴⁷ Anyiza wina keghowa na Anyiza jüh kinaden. Isala nthu Anyiza wina nkegho ghena nthu na tsü kina nten.”

JOHAN 8:47 Iomraidhean Croise

DANIEL 12:10

Anyi kejon sametha yaden. Gheshighenathu na chüshiya nben, isala gheshighena kekuli tsü saben den; metsa ketenthu ketan na chüshi yaben.”

JOHAN 12:48

Thowa na hi meya mvu nu ijüh kina nten khe ma ghan-nan ketenwa kesü na ben. Hi kekhi jühthu tsüna atsathang sakhen wi ma kaghanwa saben.

JOHAN 18:37

Tsalina Pilat na ma keü, “Isathu, no kadimiwa kwe?” Jisu na luneng, “No hi kadimiwa le khi. Hi atsentsawa sheipi le kesa jjügi ghena ayyi hawi gho. Thowa na atsentsawa wi benten khe ijüh kina den.”

JOHAN 5:25

Hi atsentsawa nthu kizaden: matsü na ghoden, nu khili ha ghodha— keshüthu na Anyiza Tsawa hhai zayaben, nu tsü zakeyathu na kahang wi ghoyaben.

JOHAN 6:65

Nu ma hati khi, “Ha jjügi ghena hi nthu kizadha, meshu kesütanla Abawa na kekhang pi ma nkecü tsü hi wi ghoya nben.”

JOHAN 8:37

Nthu na Abraham shicübvüghathu le kesa hi chüben. Isala nthu na hi pathiale bhaden, kepaghenanye nthu na hi kesansi jüh tsü ya nben.

JOHAN 8:43

Nthu mangkesa na hi kekhi jüh tsü chüshi meya nu? Tsüna nthu hi ketsijüh tsü nkina mvutha kesa ghena.

JOHAN 8:45

Hi atsentsawa pi nthu kekiza ghena nthu na hi n-nondi.

1 JOHAN 3:10

Ha wina Anyiza tsangathu nu Atsaghang tsangathu chü kepapa sa yaben: anyi thowa na ketsatan kuli nten nyelela ma cünyuwa tizen nten khe ma Anyiza tsanga nye.

1 JOHAN 5:1

Anyi thowa na Jisu na Khrista le nondi ten khe ma Anyiza tsanga kesü; nu thowa na aba kesü tizen ten khe ma tsawa la tizenden.

2 JOHAN 1:9

Anyi kesü le kesü lela Khrista kesansijüh wi nbenla ma gilli sa wa lethu, Anyiza na ma wi nmi. Thowa na Khrista kesansijüh wi ben khe ma Abawa nu Atsawa la ben.

3 JOHAN 1:11

Hi ketizenwa, nkemehai nsala nu kemehaiwa salo. Anyi kesü le kesü lela kemehai sa ketenwa na Anyiza ji; isala thowa na nkemehai sa ten khe ma Anyiza npi muya.