JOHAN 8:44 - Kemethajüh (N) (Re-editing) Bible (BSI)

⁴⁴ Nthu na nthu ba atsaghang tsangathu, nu nthu na nthu ba kenenwa tsü sa mvuden. Ma adechhü wina nyu kepathi nyi nu ma khiela atsentsawa tsü sa nten, kepaghenanye atsentsawa tsüna ma miwi nmi. Ma milimesa lethu tsüna ma yen kenie wi ghena khiben, kepaghenanye ma milikemesawa nu milikemesa tsüdi bawa.

JOHAN 8:44 Iomraidhean Croise

ADECHHÜ 3:15

Hi no sapi nzawa nshinyi nankemeghüli thsüaden; nshinyi shicübvügha na keshüthangla nankemeghüli den. Ma shicübvügha na nli cücha cüben, nu no mathu ccümeccen mcüben.”

1 KADIMITHU 22:22

Apvüwa na keü, ‘No khati sa ben?’ Aghamu na khi, ‘Hi wala Ahab tusenjüh-kechüthu tsüdila milikemesa khi thsüben.’ Apvüwa na khi, ‘Wala ma mechulo. No haicenya ben na.’ ”

1 KHENICÜKI 21:1

Satan na agükeccü sengho Israel miwi chimvu sa, tsalina ma David sapi nyanzhüghu thsüle südheya.

Job Lesüshen 1:11

Isala keujüla no ma keben tsüdi khuya lethu, ma no kishen cüaben!”

MATHI 12:34

Amaghangthu, nthu na nmehai lethu khati nu pala kemehai khiya mehai nu? Kepaghenanye aleben wi mangwa na pong ben khe apang wi tsü khishü shhugho den.

MATHI 13:15

kepaghenanye mathu leben na jengdha, mathu akhuna tecu nu mathu nyon na jangdha. nyelethu, mathu nyon na mu, mathu khuna na za, nu mathu leben na chüshiya kesa; isanu mathu na hi wi gho nu hi mathu sa pi mehai cüa kesale, Anyiza na khi.’

MATHI 13:38

alli tsüna ayyi; amacü kemehai tsüna anyi Kadiyyi ji saya kesathu; adeghesuthu tsüna anyi atsaghang ji sa kesathu;

JOHAN 6:70

Jisu na luneng, “Hi nthu Taghakeni ha kessi meya kwe? Isala nthu jawi meshu kesü na atsaghang le!”

JOHAN 7:17

Keujüla anyi kesü le kesü lela Anyiza kenenwa tsü sa mvu ten lethu, ma hi kesansi jühwa hana Anyiza wina ghola hi ketanla hi kekhang wina khiben khe chüya ben.

JOHAN 8:38

Hi iBa pi hi keccücathu tsü khiden, isala nthu na nthu ba na pi nthu kekiza tsü khiden.

JOHAN 8:41

Nthu na nthu ba kekuli ti saben.” Mathu na luneng, “Ikhang na Aba kesütan Anyiza ketan ben, nu ikhang na ma tsa ntsathu.”

JOHAN 8:55

Nthu na khiela ma npi chü, isala hi ma chüben. Keujüla hi ma nchüle khithu hi la nthu ti milikemesa nyi saben, isala hi ma chüben nu ma jüh kinaden.

KEKULI 13:10

“No atsaghang tsawa! No acho nkemehai tsüdi pi no pong pvüden. No pala kemehai tsüdi ghinyiwa, nu keshüthangla Apvüwa cüki atsentsawa tsü pi milikemesa sale saden!

KEKULI 24:9

Judah nyithu la mathu gwegheya nu kekimenni jüh ha tsüdila ntsakhiwa le khi.

KEKULI 5:3

Pitor na ma wi khi, “Ananiya, no mangkesa na Satan yala nmiwi khang thsü nu Kemetha Ghamu tuwi milimesa nu no keben pi jeü keya pisa pahan pi thengya nu?

2 KORINTHNYI 11:3

Amaghang cho nkemehaiwa na Eve mechu kesa tsüti nthu kahang yasa nu nthu na Khrista wi leben kechi nu kemetha tsü teshi nashe kesa hi messiben.

1 PITOR 5:8

Meghe-metsa nu kiden-kesha benlo! Nthu ghinyiwa, atsaghang na ssensitemi ti ghamo sen nu anyi pahan ghandsale cüshuden.

2 PITOR 2:4

Anyiza na tangnyilo sami kesathu la ntepaghala pi annighajü wi khalachia nu mathu bhen pi kejang wi ajühkekaghaten tsathangwa tsü hieben.

1 JOHAN 1:8

Keujüla ithu na kesami nmi le khithu, ithu ketanla ithu mechuben, nu atsentsawa tsüna ithu miwi nmi.

1 JOHAN 2:21

Hi zhü pi nthu cü kebenwa ha nthu na atsentsawa nchüle kesa ghena nye, isala nthu na tsü chüben, nu nthu na khiela atsentsawa wi milikemesa gho nten kesa tsü la chüben.

1 JOHAN 2:4

Keujüla anyi kesü ma Anyiza chüben le khi, isala ma jühkhukechi tsü n-nie lethu, ma milikemesa nyi nu atsentsawa na ma miwi nmi.

1 JOHAN 3:12

12 Ithu na Kain ti sa yishü; ma Atsaghang ji sa nu ma cünyuwa Abel pathia. Ma mangkesa na ma cünyuwa pathi nu? Kepaghenanye ma kekulithu tsüna sazzi, isala ma cünyuwa kekulithu na meshon.

1 JOHAN 3:15

Thowa na ma cünyuwa nanmeghü ten khe ma nyu kepathi nyi, nu nyu pathi ketenwa miwi anuphan kahang nmi kesa nthu na chüben.

JUDE 1:6

Tangnyilothu na mathu cü ketheng pen wi nbenla, isala mathu penwa tsü teshi kesa tsü meshen chilo: amighe ssüli pi mathu bhen pvü nu anuphan kejang wi ben, ciwi Anyiza na mathu meshensa keten tsathang ketiwa tsü ghena theng.

CCÜCAKECHI 12:9

Kemanthisa ketiwa tsü jügüshi pia — tsüna alamyi maghang pi Atsaghang, nyelela Satan le ci, ayyi maben mechu kesawa tsü. Ma pi ma nyilothu gweghe jügüsha pi ayyi wi chia.

CCÜCAKECHI 13:14

Aghangsa atuwa tu wi na amankesa kekuli saya kemehai kekhang tsüwa ghena ayyi wi anyi hang kebenthu tsüdila mechuya. Tsüna anyithu kizala aghangsa nyu na njünnu pi ma mesa-mena lela hang kebenwa tsü kinyikü wina tsü tsizhü yalo khi.

CCÜCAKECHI 2:10

No ketizen sa keten tsü katsüha mangla nmessila. Kinalo! Atsaghang na nthu pahan pi atssüzüjjen wi chi nu nthu ghan-nan ben, nu nthu gükeccü na ghanan tagha ketan saben. Keshü kecu wi lela hi wi jühtsentsa sa yalo, isathu hi kahang pi no khangkeya kutimen sa cüben.

CCÜCAKECHI 21:8

Isala ashukukenengthu, nyu kematsathu, nyu yasa ketenthu, nyu kepathithu, keqhezathu, dema ketenthu, atsikezhü kinyi ketenthu, nu milikemesathu tsüdi — mathu pen tsüna anni lon mecang keben annighajü tsü, tsüna keshü keniwa.”

CCÜCAKECHI 22:15

Isala anyunuti na ameiwa kebenthu na khapeghe-khajathu, kedemathu, keqhezathu, nyu kepathithu, atsikezhü kekinyithu, nu ajüh wi le kekuli wi lela milikemesathu.

CCÜCAKECHI 9:11

Ayyiku kedhu wi kediwa nyilo tsüna mathu kadimiwa sa nu kekhang senben. Ma nyan na Ibri jüh wi Abaddon; Grik jüh wi Apollion (majjügi “Keyasawa”).