Apvüwa na khiben, “Israel, hi no pi itsa ti sa nu ssiya, nu ccanonkwen yyi kesü, ayyi tsüdi miwi kemehai ntsa pi no cü mvu sale. No ya hi pi iba isa ci nu hi wina khiela bvü neng nsa thsü mvu sa.
“Israel, no hi kaghali ntsawa itsa, hi ghali ntsa keten ghanyiwa. Hi khathansha wi n-nyan tengchi khe hi kaghali pi no meshen yaden. Hi ileben wi no meshenya; hi nantizen ntsa sa cüden.
Apvüwa na Hoseya miwi na Israel ccüneng tegü wi ma Hoseya wi khi, “No wala awubvü yayalo; nwubvü na leben tsentsa sa nben, nu ntsangathu na ma ti saaben. Tsüti inyithu na hi teshi nu leben- tsentsa nsaladha.”
Kemisintsa Apvüwa na keqhaikedithu wi khiben, “Atsa kesü na ma ba kinyikü den, nu amagha kesü na ma pvüwa kinyikü den. Hi nthu ba — nthu mangkesa na hi nkinyikü nu? Hi nthu Pvüwa — nthu mangkesa na hi nkü nu? Nthu na hi nkhichi sa, isala nthu na keüden, ‘Ithu na khatinu no nkhichi sa nu?’
Judah nyithu na Anyiza wi mathu jühkhishi kechi tsü pakhhi nu Jerusalem nu diyyiwa tsüdi wi nankiqanan kekuli kesü sadha. Mathu na Apvüwa na nenketen Kekinyijjenwa tsü nakhidha. Npvüzathu na nza asang cenpvüthu kinyi ketenthu tsü yayadha.
Nthu na nthu ba atsaghang tsangathu, nu nthu na nthu ba kenenwa tsü sa mvuden. Ma adechhü wina nyu kepathi nyi nu ma khiela atsentsawa tsü sa nten, kepaghenanye atsentsawa tsüna ma miwi nmi. Ma milimesa lethu tsüna ma yen kenie wi ghena khiben, kepaghenanye ma milikemesawa nu milikemesa tsüdi bawa.
“Nthu na Apvüwa nthu Nyiza nyithu. Tsalina nthu na nyu keshü wi anongü lethu, anyi kepathu na sa keten ti, nthu gwo handhi nyelela ali atu wiwa whi tsüti nsala.
12 Ithu na Kain ti sa yishü; ma Atsaghang ji sa nu ma cünyuwa Abel pathia. Ma mangkesa na ma cünyuwa pathi nu? Kepaghenanye ma kekulithu tsüna sazzi, isala ma cünyuwa kekulithu na meshon.