JOHAN 8:34 - Kemethajüh (N) (Re-editing) Bible (BSI)

³⁴ Jisu na mathu kiza, “Hi atsentsawa nthu kizaden: anyi kesü le kesü lela kesami kesawa ma kesami magha saben.

JOHAN 8:34 Iomraidhean Croise

1 KADIMITHU 21:25

(Ciwi anyi kesüla Ahab ti ma wubvü Jezebel na ma kesun pi ma ketanla ma pi Apvüwa tuwi kesazziwa tsü satha wakesa nmi.

KEMETSAJÜH 5:22

Gheshighena nyiwa kesamithu tsüna aca kesü. Ma ketanla ma kesami wi ma yayaden.

MATHI 5:18

Chüyalo, atssan nu ayyi na keben chu nu pala tsüdila asakhenwa npi kesa tsü Ayenwa wi ajjügi kizza ntsawa nu keshenki kesü lela nmila saya nben.

JOHAN 3:3

Jisu na ma wi kiza, “Hi atsentsawa no kizaden: anyi kesütanla pvügha neng nkesa tsü ma Anyiza Kadiyyi mu meyacha.”

KEKULI 8:23

Kepaghenanye no nkemehai anyonghokepvü pi no pong pvü nu kesami tssüzü sa keben hi muben.”

ROMNYI 6:12

Nthu sajjü wi kenmvuwa tsü nsala le kesalina kesami ya nthu keshü gwo tsü miwi kekhang sen thsü yishü.

ROMNYI 6:16

Nthu na ha chübenla metsi: keujüla nthu na nssümagha kesü ti nyu jühkina lethu, nthu na ma jühkina ketenwa tsü nssümagha sadha —keshü sengho ketenwa kesami, nyelethu Anyiza tuwi meshonya ketenwa ajühkeya.

ROMNYI 6:6

Ithu na ha chüben, kesami gwowa tsü yasa pi nu ithu kesami magha nsa nengle kesalina ithu gwo kaghawenwa tsü pi Khrista gweghe kross miwi jendha.

ROMNYI 7:14

Ayenwa tsüna aghamulen wi ghena kesa ithu na chüben; isala hi keshü nyi kesü ha pi kesami nssümagha sala jeü chidha.

ROMNYI 7:25

Apvüwa Jisu Khrista wina ha kuli kechiwa Anyiza sengle! Tsalina isalethu, hi hati saden: hi isajjü wi kesami yenwa tsü nssümagha saben lela hi hi kemeshen pi Anyiza yenwa tsü kekuli saden.

ROMNYI 8:21

sahangkechithu tsü ghanan kesü bighea keten tssüzü sa keben wina lishachi nu Anyiza tsangathu nyankethang kekhenkeghe nkemi wi tsü gweghe yaben.

EFESANYI 2:2

Tsü tsüwi nthu na ayyi wi nkemehai len tsü nie, nthu na atssan wi kekhang kedi jüh tsü kina, aghamu tsüwa tsüna khili anyi Anyiza jüh nkekinathu jawi kuliben.

TITA 3:3

Kepaghenanye ithu la kuti tsü wi kejüphon sa, nyu jüh nkina, sazzi, kesa mvu nu kenen kepapa kesathu tssüzü sagho. Ithu na nyu nankemeghü nu anyonkisa, ithu na nyu n-nanmvu nu nyu na ithu n-nanmvu kesa wi hang ghodha.

2 PITOR 2:19

Mathu na keyasa yencüki tssüzü sa ben lela mathu nyu kepa wi lisha chicü ben le khishi den, kepaghenanye anyi kesü pala mangwa na ma miwi khangya khe ma tsü tssüzü sa waden.