JOHAN 8:32 - Kemethajüh (N) (Re-editing) Bible (BSI)

³² Nthu na atsentsawa chüyaben, nu atsentsawa na nthu lisha chi cüaben.”

JOHAN 8:32 Iomraidhean Croise

ZAKECI 119:45

Hi kekhenkeghe nmitha kesa wi hang den, kepaghenanye hi no kesansi jühthu tsü niele kiden ben.

ZAKECI 25:5

Hi sansi pi no ketsatan nie nu hangya thsülo, kepaghenanye no hi hangsha kecüwa, iNyiza. Hi keshüthangla na nondi den.

KEMETSAJÜH 1:23

Hi no kha kechi wi kina yalo; hi kesansi kemehai pi no cü nu palakechü pi no ssinu gishüya den.

KEMETSAJÜH 1:29

No khiela palakechü sen nu nkuli nu keshüthangla Apvüwa jüh n-nie mvu.

KEMETSAJÜH 4:18

Ketsatanthu na wa keten len tsüna aghani keshhugho ti, aghanan npi kesa chu wegü kayi ben den.

ISAYA 2:3

tsüthu na khiben, “Ithu na Apvüwa yyishiphon miwi kina, Israel Nyiza Kekinyijjen witsü. Ma ithu na sa thsü mvu kebenwa tsüpi ithu sansi cüaben; ithu na ma kessikeya lenwa tsü tonden. Kepaghenanye Apvüwa kesansijüh tsüna Jerusalem wina ghoben; ma Zion wina ma nyithu ccüneng den.”

ISAYA 30:21

Keujüla nthu na alen deja sen nu ajewa nyelela tevüwa wa lela nthu sengwi ahhai hati khi keben zayaben, “Alen hewi benle. Hawa nielo.”

ISAYA 35:8

Alentonti na ciwi benben, nu tsüpi “Kemetha Lenwa” isa ciben. Kesami nyi kesüla tsü tonya nben; kejüphonthu na tsü ton ketenthu lentsütson deja nben.

ISAYA 54:13

‘Hi ketanla n-nyithu sansiyaden, nu mehai kayi kesa nu kecca pi mathu cüden.

ISAYA 61:1

Kemisintsawa Apvüwa na ma ghamu pi hi pong cüdha. Ma hi kessiya nu hi kesun pi ajühkemehaiwa sengho ketha-uthu cü thsü, leben gükeccüthu sapi mehai cü, nyu kekhu wi kebenthu kekhen nkemi, nu atssüzüthu lishü kecü jüh pi thangchilo kesalina.

JEREMIYA 6:16

Anyiza na ma nyithu wi khi, “Alen nonpeghe wi ngan nu ghanglo. Kheni lenthu nu alen kemehai ntsathu na khiewi ben khe keülo. Ciwi lentsenlo, isathu nthu na kecca wi hang yaben.” Isala nthu na khi, “Nmale, ithu tsüti sa ntenle!”

HOSEYA 6:3

Ithu Apvüwa chüyale sa nalo! Tsantheghi shagha metsi nu pathsü tsangho pi ayyi tencü metsi keten ti ma ithu wi ghoaben .”

LEVIYEN 25:41

Tsü tsüwi ma nu ma tsangathu na nthu teshi nu ma theghi wi whaneng nu ma bamyi keben tsü ghongya ben.

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

MATHI 11:29

Nthu ikhhi tsü pvüya, nu hi wina chüyalo, kepaghenanye hi ayencüki mehai nu ccatssü; nu nthu na kecca muyaben.

JOHAN 1:14

Ajühwa tsüna asajjü ceng shagha nu nanketizen nu atsentsawa pi pong pvünu ithu jawi hang. Ithu na ma nyankethang muyadha, nyankethangwa tsüna Atsawa ketan Abawa wina mukeya.

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

JOHAN 14:6

Jisu na ma luneng, “Hi alenwa, atsentsawa, nu kahangwa; anyi thola hi wina nkenye tsü Abawa wi waya nben.

JOHAN 16:13

Khathansha wi Aghamu tsüna gho khe ma Anyiza cüki atsentsa pi ccücaben, ma nthu ssi wa atsentsawa wi chi cüben. Kepaghenanye ma ma kekhang wina khi nben, isala ma za keyathu tsü khi nu haseng wi gho keten cüki pi nthu kizaben.

JOHAN 17:17

Atsentsawa pi mathu satemetha pi no wi chiyalo; njüh na atsentsawa.

JOHAN 6:45

Atusenjüh-kechüthu na zhütheng, ‘Anyiza na mathu tsüdi sansi cüben.’ Abawa jüh kina nu ma wi chükeyathu tsüdila hi wi ghoben.

JOHAN 7:17

Keujüla anyi kesü le kesü lela Anyiza kenenwa tsü sa mvu ten lethu, ma hi kesansi jühwa hana Anyiza wina ghola hi ketanla hi kekhang wina khiben khe chüya ben.

JOHAN 8:36

Keujüla Atsawa na nthu lisha chi cü lethu, nthu na ntsakhiwa lishakeya nyi sayaden.

ROMNYI 6:22

Isala khili kesami wina nthu lisha chi cüdha, nu nthu na Anyiza nssümaghathu sayadha. Nthu ghena kekiyiwa tsüna nthu kahang maben satemetha pi ma wi chi nu anuphan kahang mukeyawa tsü.

ROMNYI 8:15

Kepaghenanye Anyiza na Aghamu pi nthu kecü tsüna nthu sa pi nssümaghathu sa nu nthu ya messi thsüa nben; isala Aghamu tsüna nthu pi Anyiza tsangathu sa, nu ithu na Aghamu kekhang wina Anyiza wi “Aba, iBa!” isa ci thsüden.

ROMNYI 8:2

Kepaghenanye Aghamu yenwa na Jisu Khrista wina kahang sengho ithu kecüwa tsüna kesami nu keshü yenwa wina ithu lisha chi cüdha.

1 KORINTHNYI 7:22

Kepaghenanye Apvüwa na nssümagha kesü cikeya tsüna Apvüwa wi kekhenkeghe nkemi nyi; tsü makesü Khrista na kekhenkeghe nkemi nyi kesü cikeya wi ma Khrista magha sadha.

GALATIANYI 5:1

Ithu na kekhenkeghe mangla nmi, kepaghenanye Khrista na ithu lisha chicüdha le! Tsalina kekhenkeghe nkemi nyi ti zükeqhe nganya, nu wala amagha tsü nsa neng layi.

GALATIANYI 5:13

Icünyuthu, nthu ghena tsü, nthu ci pi kekhenkeghe nkemithu sayadha. Isala kekhenkeghe nkemi ha yala nthu miwi asajjü kenmvuwa tsü nsa thsüla. Tsüti kesawa nye, ketizen ya nthu sa pi khokho kekuli sa thsülo.

2 TIMOTHI 3:7

nza tsüthu na keshüthangla chüyale bhaten lela mathu khiela gho atsentsawa tsü chüya nketenthu.

JAMES 1:25

Isala thowa na anyi lisha chicü keten yen kecencuwa tsü ghang nu ma za keyathu tsü nmalila keshüthangla saten khe ma katsüha sa kewa tsüdi wi Anyiza na kemihhi pi ma cüben.

JAMES 2:12

Ithu lisha chicü keten yenwa tsü pi ghan-nan keten nyithu tsüti ajühkhi nu kulilo.

1 PITOR 2:16

Kekhen nkemi nyi sala hanglo; isala nthu mangla kekhen nkemi tsü sen nu nkemehai pabhon kesawa nyela Anyiza nssümagha sa hanglo.

2 JOHAN 1:1

Keshenpfüwa wina pi— Nzawa nu ma tsangathu hi atsentsa wina tizen ketenthu kecü. Hi ketan nyela atsentsawa chü nu nthu tizen ketenthu tsüdila,