JOHAN 8:31 - Kemethajüh (N) (Re-editing) Bible (BSI)

³¹ Tsalina Jisu ma nondi ketenthu wi kiza, “Keujüla nthu na hi kesansi jüh kinaten lethu, nthu na ntsakhiwa hi sansikeyathu.

JOHAN 8:31 Iomraidhean Croise

MATHI 24:13

Isala thowa na kekheneng sen wa asakhen cuya khe ma hangsha yaben.

JOHAN 1:47

Jisu na Nathanael ma wi gho keten muya nu ma ketanla ma cüki khi pi ma kiza, “Ae, Israel nyi ntsawa kesami nkemiwa na he wi ben le!”

JOHAN 2:2

Jisu la ma sansikeyathu ssinu keshanyi kemishu witsü gholo qhechi.

JOHAN 6:55

Kepaghenanye isa na kedsa tsse ntsawa nu ijjü na kejjü tssü ntsawa.

JOHAN 8:36

Keujüla Atsawa na nthu lisha chi cü lethu, nthu na ntsakhiwa lishakeya nyi sayaden.

KEKULI 13:43

Anyithu na zighe bvü kesa seng wi Judah nyi nu Judah nyi nkenye na Judah keccüna senwa kesathu kejonla Paul nu Barnaba manyi nie den. Apostel keni na mathu na Anyiza nanketizen wi hang ben tenlo kesa ajüh pi mathu kechü-kenong ntsa sachi.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

KEKULI 26:22

Isala nansü kecu Anyiza na hi kiqa nu hi he wi ngan nu kizzawa le kediwa tuwi lela tsüdi wi atsentsawa pi khiben. Hi khi kebenwa ha atusenjüh-kechüthu nu Mosa na khi ketheng tsü makesü,

ROMNYI 11:22

Ha wi ithu na Anyiza na khatila ccapeyi nu mayen khang khe muyaben. Ma khuli wa kesathu tuwi mayen khang, isala nthu tuwi tsü ccapeyi — keujüla nthu na ma keccaketssü wi benkiya lethu. Isala keujüla nthu na tsüti nsa lethu, nthu la pashü piaben.

ROMNYI 2:7

Anyi pahan na kemehai kuli, nu anyankethang, kenyuwakü, nu anuphan kahang bha keten tsüti Anyiza na anuphan kahang pi mathu cüben.

KOLOSSINYI 1:23

Nthu na ajühkemehaiwa zakeya wi kekiyi mukeya kaghangwa tsüna apen nketsen thsüla zükeqhe nondiki, nu ghansen khvu nbenthu yishü. Ajühkemehaiwa ha ghena hi, Paul na amagha kesü saben, nu ajühkemehaiwa ha pi ayyi wi anyi tsüdi sansi chidha.

1 TIMOTHI 2:15

Isala keujüla nza kesü na ma kenondi wi ketizen nu kemetha, nu ayencüki mehai noncca sen ten lethu atsanga kepvügha wina hangshakeya muyaben.

1 TIMOTHI 4:16

No ketanla nghena nu no kesansi wi tsü kiden-kesha yalo. Hathu ha kuli bentenlo, kepaghenanye no tsüthu saten lethu, no ketanla no nu njüh kizathu hangsha yaben.

2 TIMOTHI 3:14

Isala nghena tsü, pi no sansi cü nu zükeqhe nondiya kesa wi atsentsa sabenlo. No no kesansithu chüben

IBRINYI 3:14

Kepaghenanye keujüla ithu na aghatsan wina ithu kenondi tsü zükeqhe ghansen wala asakhen cuya lethu, ithu tsüdila Khrista kegweghe nyi sayaden.

IBRINYI 8:9

Tsüna hi mathu bamyithu kwen zan sen nu Ejipt wina keshhu tsü wi mathu ssinu kesawa Cenkethenjüh tsüti nye. Mathu na hi mathu ssinu Cenkethenjüh kesa wi tsü jühtsentsa nsala, tsalina hi la mathu n-ghang chila.

JAMES 1:25

Isala thowa na anyi lisha chicü keten yen kecencuwa tsü ghang nu ma za keyathu tsü nmalila keshüthangla saten khe ma katsüha sa kewa tsüdi wi Anyiza na kemihhi pi ma cüben.

1 JOHAN 2:19

Mathu na ithu zi makesü nkenye ghena ithu ja wina bvüdha, kepaghenanye keujüla mathu na ithu zi makesü lethu, mathu na ithu gweghe ben kesa. Isala mathu na bvü kesa tsüna mathu kesütanla ithu zi wi nyele kesa chüti yadha.

1 JOHAN 2:24

Tsalina nthu aghatsan wina zakeya ketsijühwa tsü pi nthu leben wi chiya metsilo. Keujüla nthu na ketsijühwa tsü yaya lethu, nthu na keshüthangla Atsawa nu Abawa gweghe hang yaben.

2 JOHAN 1:9

Anyi kesü le kesü lela Khrista kesansijüh wi nbenla ma gilli sa wa lethu, Anyiza na ma wi nmi. Thowa na Khrista kesansijüh wi ben khe ma Abawa nu Atsawa la ben.

1 SAMUEL 12:14

Keujüla nthu na Apvüwa nthu Nyiza tsü kinyikü, ma kekuli sa, ma jüh kina, nu ma yenkhukechithu tsü nie, nu nthu le nthu kadimiwa lela ma nie lethu, pala tsüdi wila nthu ghena mehaiben.