JOHAN 8:29 - Kemethajüh (N) (Re-editing) Bible (BSI)

²⁹ Nu hi kesun kechiwa na hi teshi nsala hi ssi benden, kepaghenanye hi keshüthangla ma kenenwa tsü ketan saden.”

JOHAN 8:29 Iomraidhean Croise

ISAYA 42:1

Apvüwa na khiben, “Hi ma satezü cü keten imaghawa na hewi ben, hi ma kessi keyawa, nu ma miwi hi kenen ben ketenwa tsüle. Hi ighamu pi ma pong cüdha, nu ma ajühtsentsa sen nu mizzatenti tsüdi miwi ghoaben .

ISAYA 42:21

Apvüwa tsüna nyu hangsha cü mvuthi ketenwa Nyiza, tsalina ma khukechi yenwa, nu kesansijüh tsü sapi misi, nu ma nyithu na tsü nyuwakü thsü mvuden.

ISAYA 42:6

“Hi Apvüwa, hi no ciya nu kekhang pi cüdha, atsentsa saben kesa ghang thsüle kesalina. Nmiwi na hi anyi tsüdi ssinu cenkethenjüh kesü saaden; nmiwi na hi kewegü sengho mizzatentithu cüden.

MATHI 17:5

Ma ha khitu keben wi akulukeshü kemiki na mathu miwi gho nu ciwi ahhai kesü kekhi na, “Hawa ha hi kaghaliwa itsa, hi kenen ntsawa, ma jühkinalo.”

MATHI 3:15

Isala Jisu na ma luneng, “Khili ghena tsüti sa thsülo. Kepaghenanye ishinyi na hatinu Anyiza kenenwa tsüdi sayaben.” Tsalina Johan la anlo sa.

MATHI 3:17

Isanu tang wi ahhai kesü na khi, “Hawa ha hi ghali keten itsawa, hi ma ghali ntsa saden.”

JOHAN 14:31

isala ayyi nyi na hi Abawa tizenghaliden kesa chü meyathu yishü, tsalina hi ma kekhi tsüdila saden. “Ghalo, ikhang he wina bvüa na.

JOHAN 15:10

Hi iBa yenkhukechithu nieya nu ma tizenghali wi ben keten tsüti keujüla nthu na iyenkhukechithu tsü nieten lethu, hi tizenghali wi benya ben.

JOHAN 16:32

Matsü na ghoden, nu tsüna khili ghodha, nthu tsüdila bvüzighe nu papa jjen wi wa, nu hi ketan saaben. Isala hi ketan nye, kepaghenanye Abawa na hi ssi benden.

JOHAN 17:4

No hi ya salo kesa pi hi kecü tsü sacen kechi wina hi n-nyankethang pi ayyi nyi ccüca chidha.

JOHAN 4:34

Jisu na mathu wi khi, “Hi kedsakejjü tsüna hi kesun kechiwa kenen nu ma kekuli sacen chile kesawa tsü.

JOHAN 5:30

“Hi ketanla hi kekhang wina mangla sa nten, Anyiza na hi kekiza wi ketan hi nyu ghan-nan den. Tsalina hi ghankenan tsüna meshon, kepaghenanye hi hi kenenwa tsü sa nten, isala hi kesun kechiwa kenen tsü saden.”

JOHAN 6:38

kepaghenanye hi tang wina dugho hi kenenwa sale kesa nyela hi kesun kechiwa kenen sale kesa ghena gho.

JOHAN 8:16

Isala keujüla hi nyu ghan-nan lethu hi ghan-nan ketenwa tsüna atsentsa, kepaghenanye hi ketan nyela iBa hi kesun kechiwa na hi ssiden.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.

2 TIMOTHI 4:22

Apvüwa na nthu ghamu ssiben den. Anyiza nanketizen ya nthu tsüdi ssiben tenlo.

IBRINYI 4:15

Ithu Keqhaikedi Kemisintsa tsüna ithu nkekhang tsü nanchi meyala kesawa tsü nye. Isala ithu na Keqhaikedi Kemisintsa kesü ben tsüna ithu tu wi kesa ti alentagha pi ma mechu lela nkesamiwa tsü.

IBRINYI 7:26

Jisu na Keqhaikedi Kemisintsa ithu nsenthu keyishüthu sa cü ketenwa tsü. Ma metha; ma wi kesazzi nu kesami mangla nmi. Kesamithu jawi ma pi makepa sa nu ma zanki pi tang miwi chiyadha.

1 JOHAN 2:1

Itsangathu, nthu ya nsami thsüle kesalina hi ha zhü pi nthu cüben; isala keujüla anyi kesü na sami lethu, ithu na meshu kesü Abawa wi ithu sheikepiwa na ben, tsüna ketsatanwa Jisu Khrista.

1 JOHAN 3:22

Ithu na ma wi mangwa khie khe muyaben, kepaghenanye ithu na ma ayenkhukechi tsü nie nu ma kenen saden.