JOHAN 8:26 - Kemethajüh (N) (Re-editing) Bible (BSI)

²⁶ Hi nthu cüki kekhi-u nu nthu kemeshensa-u kejon na ben, isala hi kesun kechiwa tsüna atsentsa saden nu hi ma wi zakeya ketan pi ayyi nyi kizaden.”

JOHAN 8:26 Iomraidhean Croise

JOHAN 15:15

Hi nthu pi amaghathu le ncidha, kepaghenanye amaghawa na ma pvüwa na mangwa saten khe chü nten. Hi nthu pi ipvüshangthu isa ciden, kepaghenanye hi iBa wi zakeya tsüdi pi nthu kizadha.

JOHAN 16:12

“Hi pala kejon pi nthu kizale ben, isala nthu na khili tsü chüya nben.

JOHAN 17:8

No ketsijüh pi hi kecüthu hi tsü pi mathu cü nu mathu tsü yayadha; mathu na hi ntsakhiwa no wina ghole kesa chüyadha, nu no hi kesun chile kesa nondiyadha.

JOHAN 18:20

Jisu na luneng, “Hi keshüthangla anyithu jawi tsüdi sansiden; nu anyithu na gho Sinagogthu nu Kekinyijjen wi saghuya lethu, hi mathu sansile. Hi khiela kekuthi wina mathu wi mangla nkhi.

JOHAN 3:11

Hi atsentsawa no kizaden: ikhang na ikhang kechüwa tsü khiden, nu ikhang kemuwa tsü sheipiden; isala nthu na ikhang jüh nkinale!

JOHAN 7:16

Tsalina Jisu na mathu wi khi, “Hi pi nthu kesansi jüh hana ijüh nye, isala hi kesun kechiwa jüh le!

JOHAN 7:28

Jisu na Kekinyijjen wi nyu kesansi wi jisha nu khi, “Nthu na ntsakhiwa hi nu hi khiewa na gho khe chüben kwe? Hi ketanla hi kekhang wina ngho, hi kesun kechiwa tsüna atsentsawa, isala nthu na ma nchü.

JOHAN 8:25

Mathu na ma wi “No thowa nu?” tsüti keü. Jisu na luneng, “Hi aghatsan wina mangwa le nthu kizadha nu?

JOHAN 8:27

Mathu Jisu na Abawa cüki khi pi mathu kiza keben tsü nchü.

JOHAN 8:40

Hi Anyiza wi zakeya atsentsawa tsüdi pi nthu kiza le sa, isala nthu na hi pathiale bhaden. Abraham na hati nsa le!

2 KORINTHNYI 1:18

Anyiza na jühtsentsa khi keten tsüti hi nthu wi “Anle,” nu “Nyele,” npi khichi.