JOHAN 8:17 - Kemethajüh (N) (Re-editing) Bible (BSI)

¹⁷ Nthu Yenwa wi hati zhütheng: meshu keni sheikepi jüh tsüna makesü sa lethu, ciwi atsentsa ben.

JOHAN 8:17 Iomraidhean Croise

1 KADIMITHU 21:10

Ketesü nyi meshu keni pi ma tuwi ma Anyiza nu Kadimiwa kekishencü ghena ma kimenni thsülo. Tsaseng wi ssi shula anyunuti na ameiwa alon pi ma kecenthi thsülo.”

SHICÜSI 35:30

“Anyi nyu kepathiwa kesazzi mukeya tsüna chüza keni nyelela tsümiwi jiki ccüla ma pi shü thsüben; chüza kesütan tsüna nyu kepathiwa nmeshensa qo.

MATHI 18:16

Isala keujüla ma njüh nkina mvu lethu, nyu kepa wi meshu kesü keni ssinu no gweghe wa nu Ntsawajüh na kekhi ti ‘kimennijüh tsüdi wi la meshu keni kecheng yala chüza saya thsü’ isale kesalina.

JOHAN 10:34

Jisu na luneng, “Nthu Yenwa wi Anyiza hati kekhi zhütheng: ‘Nthu na acenpvüthu.’

JOHAN 15:25

Isala mathu yenwa wi hati zhüketheng tsü cenya thsüle kesalina, ‘Mathu na ajjügi nkemi wina hi nanmeghü.’

2 KORINTHNYI 13:1

Hi ha khili kecheng tughuwa nthu hhainan gho tendha. Ntsawajüh kekhi ti, “Kaghatenjüh tsüdi wila meshu keni nyelela kecheng na chüza nsathu yishü.”

GALATIANYI 3:24

Tsalina Khrista na npi kegho chu Ayenwa na ithu miwi kekhang ben, isanu kenondi wina ithu yala Anyiza tu wi meshonya thsüle kesalina.

GALATIANYI 4:21

Hi ya nthu Ayenwa kekhu wi ben mvu ketenthu wi keü thsülo: Nthu na Ayenwa na khati khiben khe za meya kwe?

AYENZHÜNENG 17:6

Isala ma keshun jüh chüza keni nyelela kecheng muya ccüla ma pi shü thsülo.

AYENZHÜNENG 19:15

“Chüza kesütan ghena anyi kesü pi kesami sadhale nkhi qo; anyi kesü pi samidha le sale kesalina zeng lela chüza keni nsathu yishü.

IBRINYI 10:28

Anyi thowa na Mosa Yenwa tsü yasa khe meshu keni kecheng na kesazzi chüza sa kechi seng wi nanketizen nmila pi shü thsüden.

1 JOHAN 5:9

Ithu na anyi sheikepi nondiden; isala Anyiza sheikepi na tsü miwi khangki, nu ma ma Tsawa cüki sheikepi ha khuchidha.

CCÜCAKECHI 11:3

Hi kekhang pi hi chüza keni cü nu kesun chiden, nu manyi adhulathsü mphi nu ghanan 1260 Anyiza ketsijüh khiben.”