JOHAN 8:12 - Kemethajüh (N) (Re-editing) Bible (BSI)

¹² Jisu na Farisithu wi khineng, “Hi ayyi kewegüwa. Anyi thowa na hi nie ten khe ma kahang kewegüwa wi tsü bendha, nu khiela kejang wi lentsen meyacha.”

JOHAN 8:12 Iomraidhean Croise

Job Lesüshen 33:28

Ma hi keshü yyiwi wa keten wi hi noncca cü, nu hi khili kecu hangben.”

ZAKECI 18:28

Apvüwa, no kewegü pi hi cü; no hi wi kejang kesun pi bvü thsü.

ZAKECI 49:19

ma la keshü wi ma bamyithu gweghe ben wa ben, kejang na anuphan ben keten witsü.

ZAKECI 97:11

Kewegü na ketsatanthu miwi wegü ben den, nu anonkeghe na kemehaithu miwi ben den.

ISAYA 49:6

Apvüwa na hi wi khi, “Hi no ghena kekuli ketiki kesü benle, imaghawa. No hang keya Israel nyithu tsü ssigho dikeya thsü ketan sa nben, isala hi no pi mizzatentithu ghena kewegüwa la sa cüden, isanu ayyi tsüdi hangshaya thsüle kesalina.”

ISAYA 50:10

Apvüwa kinyikü nu ma magha jüh nie ketenthu tsüdi, nthu na ton keten len tsüna ntsakhiwa jang benlaya mehai, isala Apvüwa nondi nu nthu Nyiza miwi ma maghaki tenlo.

ISAYA 9:2

Kejang wi alentsen ketenthu na kewegü keti muyadha. Mathu na ayyi kejang wi hang keten, isala khili tsü kewegüwa na mathu miwi wegü bendha.

HOSEYA 6:3

Ithu Apvüwa chüyale sa nalo! Tsantheghi shagha metsi nu pathsü tsangho pi ayyi tencü metsi keten ti ma ithu wi ghoaben .”

MALAKHI 4:2

Isala nthu ijühkina ketenthu tsü hi hangshakeya kekhang na aghani ti nthu miwi shhugho nu aghani kewegü ti sapi mehai kecü sen ghoben. Nthu na amesü zzathu ma jjen wina lisha kechi ti anonghe pi kephenki ben.

MATHI 5:14

“Nthu na ayyi maben ghena kewegüwa ti kesa. Ayikha kesü miwi anyunuti sa ketheng tsüna kuthiya nten.

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

JOHAN 12:35

Jisu na luneng, “Kewegüwa na matsü keu nthu jawi benden. Kejangwa na nthu wi ngho thsüle kesalina kewegüwa keben jü ciwi alentsen tenlo; kepaghenanye kejang wi alentsen ketenwa na ma khiewa wa ten khe chü nten.

JOHAN 12:36

Kewegüwa na nthu jawi keben jü tsü nondiyalo, isathu nthu na kewegü tsangathu sayaben.” Jisu na ha khichi nu mathu kuthi bvüa.

JOHAN 12:46

Hi kewegüwa sa nu ayyi wi gho, isanu thowa na hi nondi ten khe kejang wi ben meyacha.

JOHAN 14:6

Jisu na ma luneng, “Hi alenwa, atsentsawa, nu kahangwa; anyi thola hi wina nkenye tsü Abawa wi waya nben.

JOHAN 3:19

Hawa hati nu ajühkekaghaten tsü saben: kewegüwa tsüna ayyi wi ghodha, isala anyithu na kewegüwa miwi kejangwa tizenki wa, kepaghenanye mathu kekuli na nmehai.

JOHAN 7:17

Keujüla anyi kesü le kesü lela Anyiza kenenwa tsü sa mvu ten lethu, ma hi kesansi jühwa hana Anyiza wina ghola hi ketanla hi kekhang wina khiben khe chüya ben.

JOHAN 9:5

Hi ayyi ha wi keben chu, ‘Hi ayyi kewegüwa.’ ”

KEKULI 13:47

Kepaghenanye Apvüwa na ayenkhukechi ha pi ishinyi cütheng: ‘Hi no pi Judah nyi nkenyethu kewegüwa sa thsüdha, isanu ayyi nyi tsüdila hangshaya thsüle kesalina.’ ”

KEKULI 26:23

tsüna Khrista na ketizen nsathu yishü nu ma keshü wina hangneng-keshagha atuwa sa nu hangshakeya kewegüwa pi Judah nyithu nu Judah nyi nkenyethu tsüdi wi kiza.”

2 PITOR 2:17

Anyi hathu na awen atssü keqha nu caghamo na mo pi keten akulukeshü ti kesa; Anyiza na kejang ntsa non wi mathu ben kiden pi thengdha.

2 PITOR 2:4

Anyiza na tangnyilo sami kesathu la ntepaghala pi annighajü wi khalachia nu mathu bhen pi kejang wi ajühkekaghaten tsathangwa tsü hieben.

1 JOHAN 1:6

Keujüla ithu na ma gweghe ashukesa wi benten le khi nu kejang wi hang ten lethu, ithu na milimesa nu atsentsawa tsü sa nben.

JUDE 1:13

Mathu na atssükedone tssükuli nu menugha keshhugho tsüti mathu nkemejüghe kekuli pi nyu ccücaden. Mathu na ghotsithu ma len cühzzi ketenthu tsüti, Anyiza na anuphanla kejang ntsa pen wi tsüthu ghena apen kiden theng.

JUDE 1:6

Tangnyilothu na mathu cü ketheng pen wi nbenla, isala mathu penwa tsü teshi kesa tsü meshen chilo: amighe ssüli pi mathu bhen pvü nu anuphan kejang wi ben, ciwi Anyiza na mathu meshensa keten tsathang ketiwa tsü ghena theng.

CCÜCAKECHI 21:24

Ayyi wi anyithu na tsü kewegü wi kugoe, nu ayyi wi kadimithu na mathu keben-keyeng sen nu ciwi ghoben.