JOHAN 7:7 - Kemethajüh (N) (Re-editing) Bible (BSI)

⁷ Ayyi nyithu na nthu nanmeghü meyacha, isala hi nanmeghü ben, kepaghenanye hi mathu kekulithu tsüna nmehai le pi kiza keten ghena.

JOHAN 7:7 Iomraidhean Croise

1 KADIMITHU 21:20

Khathansha wi Ahab na Elijah muya khe ma khi, “Ighinyiwa, no hi muyadhala?” Elijah na luneng, “Anle, hi no muyadha. No ketanla no pi Apvüwa tuwi kesazziwa tsü satha wadha.

1 KADIMITHU 22:8

Ahab na luneng, “Ciwi la kesü Imla tsa Mikaiya benle. Isala hi ma nanmeghüden, kepaghenanye ma khiela ighena kemehai atusenjüh-khi nten; tsüna keshüthangla nkemehai ketan.” Jehoshafat na khineng, “No tsüti kekhiu nyele!”

ZAKECI 109:5

Kemehaiwa mithon wi mathu na nkemehai pi hi cü, nu kaghali mithon wi nankemeghü pi hi cüden.

KEMETSAJÜH 15:12

Kedithangthu na mathu satekemeshon tsü nen nten; mathu khiela mathu miwi kemetsakiwa wi kesansijüh khie nten.

KEMETSAJÜH 8:36

Anyi hi bha nkeyawa na ma ketanla ma patena ben; thowa na hi nanmeghüten khe keshü nenden.’

ISAYA 29:21

Anyiza na nyu khisa nu ayen kepakhhithu kemeten pi kecü khen ketenthu, nu milimesa nu ketsatan nyi yala mathu kemeshon mukeya len khen ketenthu dedi aden.

ISAYA 49:7

Israel Nyiza kemethawa nu hangshawa na nyu ma nkhichitha sakea, mizzatentithu na ma nanmeghü kesa, nu kekhang kesenthu magha sa kebenwa wi khi, “Kadimithu na no lishü kechi muben, nu mathu na kenyuwakü pi no ccüca le shaghaden; kaditsathu la tsü muben, nu mathu na kukedu no kinyiben.” Apvüwa na ha saaben, kepaghenanye Apvüwa na ma maghawa kessiyadha; Israel Nyiza kemethawa na ma khishi kechi tsü nieden.

JEREMIYA 20:8

Hi khathansha wi ajühkhi shagha khe, hi magha nu jishaden, “Yasayala! Keyasa!” Apvüwa, hi no ketsijüh pi kekhi ghena matsü tsüdi wi anyithu na hi nankeqhe nu nkhichi saben le.

LEVIYEN 13:10

ma anyi tsüwa ghang kaketsü saben. Ma hyu wi bvüshen shhugho ma ssen na mekidhi sa nu anieten benla lethu,

ZEKHARIYA 11:8

Hi kepa wi anenikehiethu kecheng hi nanmeghü keten tsü n-ghang chala nu hi asha kesü jü na mathu tsüdi yasa pia.

MALAKHI 3:5

Kemisintsa Apvüwa na khiben, “Hi nthu jawi ghola ajühkaghaten den: nu hi wan kedema sa ketenthu, keqhezathu, milikemesa cüki kekhithu, mellidsa ketenthu kutimen mechu ketenthu, denyilethu, magha-maghangthu, nu asangthu miwi mathu ghena kekiyiwa saya ketenthu, nu hi kinyikü nketenthu tsüdi shunla khishiaben .

Luk Zhükechi Jühtheü Kemehaiwa 6:26

“Nyu na nthu seng kebenthu qhethiketen saben; kepaghenanye mathu bamyithu la milikemesa tusenjüh-kechüthu cüki tsü makesü khi .

JOHAN 17:14

Hi njüh pi mathu cüchidha, nu ayyi nyi na mathu nanmeghü ben, kepaghenanye hi ayyi ji nkenye tsüti mathu la ayyi ji nye.

JOHAN 3:19

Hawa hati nu ajühkekaghaten tsü saben: kewegüwa tsüna ayyi wi ghodha, isala anyithu na kewegüwa miwi kejangwa tizenki wa, kepaghenanye mathu kekuli na nmehai.

ROMNYI 8:7

Tsalina ayyi sajjü kenen kemeshen wi hang keten nyi tsüna Anyiza ghinyi kesü; kepaghenanye ma Anyiza yenwa tsü nie nten, nu ma ntsakhiwa tsü nieya nben.

GALATIANYI 4:16

Hi atsentsawa pi nthu kekiza ghena hi khili nthu ghinyi sadha kwe?

JAMES 4:4

Anyi keqhezathu! Ayyiwa ssinu apvüshang kesa tsüna Anyiza ghinyi saben le kesa tsü nthu na nchü kwe? Anyi thowa na ayyiwa ssinu apvüshang saten khe ma ketanla ma pi Anyiza ghinyi saben.

1 JOHAN 4:5

Milikemesa tusenjüh-kechü tsüthu tsüna ayyi cüki khiden, nu ayyi nyithu na mathu jühkina den, kepaghenanye mathu na ayyiwa ji.