JOHAN 7:1 - Kemethajüh (N) (Re-editing) Bible (BSI)

¹ Tsaseng wi Jisu na Galilee yyi wi wa; ma Judea wi nwa mvu, kepaghenanye Judah nyi kekhang kesenthu na ma pathiale bhaden.

JOHAN 7:1 Iomraidhean Croise

MATHI 10:23

Mathu na anyuti kesü wi nthu metenmesha lethu, kepawa bvülo. Hi nthu kizaden, Anyi Tsawa na npi kegho tuwi nthu na Israel nyuti tsüdi wi nthu kekuli sacen nben.

MATHI 21:38

Isala kedengathu na atsawa mukeya wi mathu khokho wi khi, ‘Hawa ha alli pvüwa tsawale. Ghalo, ikhang wa ma pathi nu ma keben tsü khuya na!’

MARK 11:18

Keqhaikedi ntsathu nu Ayenkesansithu na ha zaya nu mathu na Jisu pathiale kesa alen bha wa. Isala mathu na ma messi, kepaghenanye anyitenti maben la ma kesansi kina nu amansadha.

JOHAN 1:19

Hana Johan sheikepi kekhi: Jerusalem wi Judah nyithu na keqhaikedithu nu Levi nyithu pahan kesun pi Johan wi “No thowa nu?” isa keü thsü.

JOHAN 4:3

Tsalina Jisu na nyu tsüti khi keben tsü zakeya wi ma Judea teshi nu Galilee wi wa neng.

JOHAN 4:54

Hawa ha Jisu na Judea wina Galilee wi gho azensu kulikechi keniwa.

JOHAN 6:1

Tsaseng wi Jisu na Galilee Ghajü (nyelela Tiberia Ghajü) tsü pvüdhi wa.

JOHAN 7:11

Judah nyi kekhang kesenthu na akho witsü Jisu bha nu “Ma khiewa ben nu?” tsüti keü.

JOHAN 7:13

Isala mathu na Judah nyi kekhang kesenthu kemessi ghena thola ma cüki tsü khishi nwa.

JOHAN 7:19

Mosa ayenwa tsü pi nthu ncü kwe? Isala nthu na tsü nie nten. isathu nthu mangkesa na hi pathiale bhaten nu?”

JOHAN 7:25

Jerusalem wi anyi pahan na hati khi, “Anyi hawa ha kekhang kesenthu na ma pathiale bha ketenwa tsü nye kwe?

JOHAN 7:35

Judah nyi kekhang kesenthu na mathu jawi khi, “Anyi ha ma khiewa wale keben ghena ithu ma muya nben nu? Ma ithu nyi na wa hang keben Grik nyunutithu wi wala Grik nyithu sansi wa ben la?

JOHAN 8:37

Nthu na Abraham shicübvüghathu le kesa hi chüben. Isala nthu na hi pathiale bhaden, kepaghenanye nthu na hi kesansi jüh tsü ya nben.

JOHAN 8:40

Hi Anyiza wi zakeya atsentsawa tsüdi pi nthu kiza le sa, isala nthu na hi pathiale bhaden. Abraham na hati nsa le!

KEKULI 10:38

Anyiza na khati Kemetha Ghamu nu kekhang pi Nazareth nyiwa Jisu miwi chicü khe nthu na chüben. Anyiza na ma ssi keten ghena ayyi tsüdi wila wa nu kekuli kemehai sa nu nkemehai ghamu kekhang kekhu wi kebenthu tsüdila sa pi mehai cü.