JOHAN 6:2 - Kemethajüh (N) (Re-editing) Bible (BSI)

² Anyitenti keti na ma nie wa, kepaghenanye mathu na ma kesakinaathu sa pi mehai kecü azensu tsü muyadha.

JOHAN 6:2 Iomraidhean Croise

MATHI 12:15

Jisu na nyu ma pathiale kiden keben chükeya seng wi apen ciwi na bvüa; nu anyitenti na ma nieden. Ma kesakinaathu tsüdi sa pi mehai cü,

MATHI 13:2

Anyitenti ma vüsen keben tsüna di ntsa sa kesalina ma ahun kesü wi duya nu anyitenti na aghüsa wi ngan.

MATHI 14:14

Jisu na ahun wina shhugho anyitenti muya nu mathu ghena ma leben güccüya, nu mathu kesakinaa sa pi mehai cü.

MATHI 8:1

Jisu na ayikha wina kedugho wi anyitenti na ma nieden.

MARK 1:45

Isala anyi tsüwa na wala Jisu cüki khi pi apen tsüdila kepong sa kesalina Jisu na nyu kemu anyuti kesü wi la du meyala. Isala ma kecaghang pen wi ben wa nu anyithu na apen tsüdi wina ma wi gho.

MARK 6:33

Isala anyi kejon na mathu wa keten tsü mu nu mathu chüben; tsalina mathu anyuti tsüdi wina bvü wa Jisu nu ma sansikeyathu tuwi na apen tsü cuya.

JOHAN 11:47

Tsalina keqhaikedi ntsathu nu Farisithu na keccünengli nu khi, “Ikhang khati sa nu? Anyi hawa ha azensuthu ha tsüdi sabendha le!

JOHAN 12:18

Tsalina anyitenti na ma azensuthu ha sachile kesa zakeya wi ma metule wa.

JOHAN 12:37

Ma mathu jawi azensuthu ha tsüdi sachi lela mathu na ma nondi meya,

JOHAN 2:11

Jisu na Galilee yyi Kana nyuti wi amankesa kulikechi hawa ha atuwa nu ma ciwi ma nyankethang pi ccücachi nu ma sansikeyathu na ma nondiya.

JOHAN 2:23

Jisu na Jerusalem wi Shhukeya Kho tsü wi azensuthu kulikechi ghena anyi kejonla tsü muya nu ma nondiya.

JOHAN 20:30

Jisu na sansikeyathu tuwi na amankesa kejon sa kechi pi lesüshen hawi zhü ntheng.

JOHAN 3:2

Ma aghaja wi Jisu wi gho nu ma kiza, “Kesansiwa, no Anyiza wina kegho kesansi le kesa ikhang na chüben. Kepaghenanye anyi thola Anyiza na ma ssi nketen tsü no kuliketen azensuthu ha saya nben.”

JOHAN 6:14

Anyithu na Jisu amankesa kulikechithu tsü muya nu khi, “Ntsakhiwa, hawa ha atusenjüh-kechüwa ayyi wi ghoten le kesawa tsü le!”

JOHAN 6:22

Dhitsüwa wi anyitenti aghajü na khakawa ben wa kesathu na ciwi ahun kesütan keben muya. Mathu Jisu na ma sansikeyathu gweghe ahun wi ndu, isala ma sansikeyathu ketan wa kesa chüya.

JOHAN 6:26

Jisu luneng, “Hi atsentsawa nthu kizaden: nthu na hi azensuthu sa kechi tsü jjügi chükeya ghena nyela amesa dsa pi nthu pvü nmakeya ghena hi bhaden.

JOHAN 6:30

Mathu na luneng, “Ikhang na muya nu no nondiyale kesalina no azensu mangwa sachiten nu? No khati kuliten nu?