JOHAN 5:44 - Kemethajüh (N) (Re-editing) Bible (BSI)

⁴⁴ Nthu na khokho wi nyankethang tsü ya mvu, isala nthu na Anyiza wina kegho nyankethangwa tsü bha mvu nten, isathu nthu na khati nu hi nondiya mehai nu?

JOHAN 5:44 Iomraidhean Croise

2 KHENICÜKI 6:8

isala Apvüwa na ma wi khi, ‘No ighena kekinyijjen kesü sa mvu keben tsüna meshonle,

JEREMIYA 13:23

Kenimugho nyi kesü na ma hyu tsi kemiliya mehai kwe, nyelela shenkitemi kesü na ma keshenqhe tsü khuya mehai kwe? Keujüla mathu na tsüti saya lethu, nthu mangla nye isala nkemehai ketan sa ketenthu kemeshonwa kesa yen chü kesa le.

MATHI 23:5

Mathu kekuli tsüdi wi anyithu ya mathu muya thsüle saden. Ghangchilo, mathu na Ntsawajüh zhüghu pi mathu tie nu ahacü wi chipvü, nu tsüna di ntsawa muben! Mathu thsümeni miwi athsü kizzakeu tsü la khatila sie nu!

Luk Zhükechi Jühtheü Kemehaiwa 19:17

Ma pvüwa na ma wi kiza, ‘Mehaidha, no amagha kemehaiwa. No pala kizzakeu wi jühtsentsa kesalina hi no pi anyunutithu tagha kenonccawa sa thsüden.’

JOHAN 12:43

Kepaghenanye mathu na Anyiza miwi anyi kesengwa tsü nen kesalina.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 3:20

Anyi thowa na ma kekuli nmehai khe kewegüwa tsü nanmeghüden, nu ma kekuli chüyathu kemessi ghena kewegüwa wi gho nten.

JOHAN 5:41

“Hi anyithu wi anyankethang pvü mvu nben.

JOHAN 8:43

Nthu mangkesa na hi kekhi jüh tsü chüshi meya nu? Tsüna nthu hi ketsijüh tsü nkina mvutha kesa ghena.

ROMNYI 2:10

Isala Anyiza na anyankethang, kenyuwakü, nu kecca pi kemehai sa ketenthu tsüdi cüben, tsüna Judah nyi atuwa nu Judah nyi nkenyethu ghena la.

ROMNYI 2:29

Isala Judah nyi atsentsawa tsüna anon wi ma leben wi ahyukahanwa tsü, tsüna Anyiza Ghamu kekuli khe zhüketheng Yenwa ghena nye. Anyi tsüwa tsüna Anyiza wina khe anyi wi keseng pvüya nten.

ROMNYI 2:7

Anyi pahan na kemehai kuli, nu anyankethang, kenyuwakü, nu anuphan kahang bha keten tsüti Anyiza na anuphan kahang pi mathu cüben.

1 KORINTHNYI 4:5

Tsalina matsü npi kegho tuwi nthu thola ghan-nanle nsa lalo. Ghan-nan keten sakhenwa tsüna Apvüwa kegho hie nbenthu yishü; ma kejang wi kekuthithu sengho kewegü wi chicüden nu anyi leben wi kekuthi kemeshen tsü sa pi chüya thsüaben. Isanu anyi tsüdila Anyiza wi ma keseng kemu-u wina muyaden.

2 KORINTHNYI 10:18

Kepaghenanye Apvüwa na anyi kesü khi pi mehai lethu, ma ntsakhiwa mehaiben khe anyi ma ketanla ma khi pi mehai ketenwa tsüna mangla nye.

FILIPPINYI 2:3

Apvükemene nyelela kapvü-kashü wina mangla nsa lalo, isala khokho tu wi satemeni nu keshüthangla nyu kepathu na nthu miwi mehai le salo.

1 THESSALONIKANYI 2:6

Ikhang na nthu wi nyelela anyi kepa wi lela keseng tsü muya le sa nten,

1 TIMOTHI 1:17

Anuphan Kadimiwa, shü nketen nu mu nketenwa, ma ketan Anyiza, anuphan nu anuphanla kinyikü nu anyankethangwa salo! Amen.

IBRINYI 3:12

Ipvüshang kenondithu, nthu jawi anyi thola nkemehai nu nkenondi leben pvü nu hangkeben Nyiza wina ma ssi bvü thsü nsale kesalina kiden-kesha yalo.

JAMES 2:1

Icünyuthu, nthu na ithu Pvüwa Jisu Khrista, Apvüwa nyankethangwa tsü kenondithu sa nu khiela anyi tsi ghang nu nankepapa sa yishü.

1 PITOR 1:7

Tsüna nthu kenondi tsü atsentsawa chüyale kesalina anni pi mecang lela mehai pfüpfü sa ketenwa suna miwi ma men benki kesa nthu kenondiwa tsü ya benya thsüle kesalina ghan-nan ben. Isanu Jisu Khrista pi ccücakechi tsathang wi nthu na keseng, anyankethang, nu kinyikü tsü muyaben.

JUDE 1:25

ithu Pvüwa Jisu Khrista wina ithu Hangshawa Anyiza ketan ya kheni abvüye tsüdi, khili, nu anuphan nu anuphanla anyankethang, ajenkeben, kekhang, nu kekhangkedi kebenwa salo! Amen.

1 SAMUEL 15:30

Saul na khineng, “Hi samidha le. Isala khili ccülikesathu nu Israel nyithu tuwi hi nyuwakü nu hi gweghe walo, isanu hi ya Apvüwa n-Nyiza kinyiya thsülo.”

1 SAMUEL 2:30

Hi, Apvüwa Israel Nyizawa na kheni ntheghi nu ngei yala anuphanla keqhaikedithu sa thsü tenle khishidha. Isala hi khili tsüti tsü nsadha le khiben! Tsü mithon wi, ‘Hi hi kinyikü ketenthu tsü nyuwakü den, nu hi nkhichila sa ketenthu tsüpi ma men nkemi saden.’