JOHAN 5:4 - Kemethajüh (N) (Re-editing) Bible (BSI)

⁴ kepaghenanye matsütsü wi Apvüwa nyilo na aghajü witsü dughola atssü pakethu chiden. Kesakinaa nyi atuwa sala atssü pakethu keben wi du keyawa na ma kesakinaa katsüha lela sa pi mehaiyaden.

JOHAN 5:4 Iomraidhean Croise

2 KADIMITHU 5:10

Elisha na amagha kesü kesun pi ma wala ma ketanla Jordan Ghaku tssü witsü tagü tughu tensha yalo, isathu ma agükedsakenaa tsü mehaitha yaben na kesa ma kiza thsü.

ZAKECI 119:60

Nminula hi kaghaji nu njühkhukechithu tsü nie den.

KEMETSAJÜH 6:4

No jenwa nyelela nganwa nsala.

KEMETSAJÜH 8:17

Hi hi ghali ketenthu ghaliden; thowa hi bhaten khe hi muyaden.

Sansichhü 9:10

No kekuli katsüha kesa tsüdi wi apiketsü sa, kepaghenanye no wa keten keshü yyi witsü kekuli, kemeshen, metsa-mena, nu kemetsa nmidha.

EZEKIEL 47:8

Ma hi wi khi, “Atssü hawa ha ayyiwa wi llesen nishuwa wa, nu Jordan yyiketijü nu Keshü Tssükedone wi duben. Tsüna llesen nu Keshü Tssükedone wi duthu atssü kisheng tsü sapi atssü metha thsüden.

HOSEYA 13:13

Israel na hangya kemehai matsü kesü ben, isala pvüghaya le kebenwa meme tsüna apvü non wina nshhugho mvula keben ti, jüphon mtsü pi tsü ya meya.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

ZEKHARIYA 14:8

Tsüwa tsathang na kegho wi Jerusalem wina atssü kemetha na lle shhugho nu gishü pahan na llesen Keshü Tssükedone wi wa nu kepawa na llesen Mediterranean wi duaben. Tsüna amapi chuli pathsü nu mazu wi lela lle waben.

MATHI 11:12

Johan na ma ketsijüh pi nyu sansi kegho tsüwi na gho nansü kecu ha yasayalathu na tang Kadiyyi shun ghoben, nu anyi yasayalathu na tsü nkayale sa.

MATHI 6:33

Isala atuwa sa Anyiza kadiyyi nu ma ketsatanwa tsü bha yalo, isathu pala hathu ha tsüdi pi nthu cüaben.

Luk Zhükechi Jühtheü Kemehaiwa 13:24

“Ajenka kemanghanwa wi dule nthu piketsü salo; kepaghenanye anyi kejon na ciwi dule saben isani duya nben.

Luk Zhükechi Jühtheü Kemehaiwa 16:16

Johan Baptizwa tsü kecu Mosa Yenwa nu atusenjüh-kechüthu na kezhüchi tsüna ben gho; tsü nten na Anyiza Kadiyyi cüki Ajühkemehaiwa pi anyithu sansi kechi wi tsüdila ciwi dule apiketsü sa.

JOHAN 5:3

Acatu tsüthu wi kesakinaa, anyon nkemu, accü nkemehai, nu kecügüshü nyi kejon na pong ben. Mathu atssü na kulikeshhugho tsü hieden,

JOHAN 5:5

Ciwi amapi changha nu tazen kinaa nyi kesü na ben.

JOHAN 5:7

Kesakinaawa na luneng, “Kediwa, hi thola ikete wi ben nu atssü na pakethu shhughothu hi pi aghajü wi cüchi kecü nyi nmi. Hi ketanla dule keben wi nyu na ituwina duten le!”

1 KORINTHNYI 6:11

Kheni nthu pahan na tsüti kesa wi hang. Isala khili tsü kesami wi nthu samethayadha; nthu satemetha pi Anyiza wi chidha; Apvüwa Jisu Khrista nu Anyiza Ghamu wina nthu pi Anyiza tuwi meshonyadha.

1 JOHAN 1:7

Isala keujüla ma kewegü, wi keben tsüti ithu la kewegü wi hang ten lethu, ithu na khokho ssinu gweghe ashukesa wi ben, nu ma Tsawa, Jisu jjü na kesami tsüdi wi ithu satemetha cüben.