JOHAN 5:18 - Kemethajüh (N) (Re-editing) Bible (BSI)

¹⁸ Ha kekhi ghena Judah nyi kekhang kesenthu na ma pathiale bha, kepaghenanye Jisu na Sabbath tsathang yen kepakhhi ketan nye, isala ma Anyiza pi ma Ba le khinu ma ketanla ma pi Anyiza meceqe satenle khi.

JOHAN 5:18 Iomraidhean Croise

ZEKHARIYA 13:7

Kemisintsa Apvüwa na khiben, “Njünnu, shaghalo, nu ighena kuliketen anenikehiewa tsü ssisalo! Ma pathilo, nu khaghanenithu na bvüzigheaben. Hi inyithu ssisaden,

MATHI 12:5

Nyelela nthu na Mosa Yenwa wi Sabbath ghanan kaghapenla keqhaikedithu na Kekinyijjen wi Sabbath tsathang yen pakhhi lela mathu na nsamile kesa tsü si meya kwe?

JOHAN 1:19

Hana Johan sheikepi kekhi: Jerusalem wi Judah nyithu na keqhaikedithu nu Levi nyithu pahan kesun pi Johan wi “No thowa nu?” isa keü thsü.

JOHAN 10:30

Hi nu Abawa ishinyi kesütan.”

JOHAN 10:33

Mathu na luneng, “No kekuli kemehai ghena ikhang na alon pi no kecenthiale sa nben, isala no kethenjüh kekhi ghena le! No anyi mele kesü, isala no ketanla no sa pi Anyiza saden.”

JOHAN 14:23

Jisu na ma luneng, “Thowa na hi tizenghali ten khe hi kesansijüh nie ben. IBa na ma tizenghali ben, nu iBa ishinyi na ma wi gho ma ssinu hangben.

JOHAN 14:9

Jisu na luneng, “Hi matsü kesie nthu ssiben wadha; isala Filip, no hi nchü kwe? Thowa na hi muya khe Abawa la muyadha. Isathu, no khatinu “Abawa pi ikhang ccücalo khiten nu?

JOHAN 19:7

Mathu na ma luneng, “Ikhang na ayen kesü ben, nu tsü kenie wina ma keshü-u sadha, kepaghenanye ma ketanla ma pi Anyiza Tsawa le saden.”

JOHAN 5:15

Tsaseng wi anyi tsüwa na wala Judah nyi kekhang kesenthu wi ma sa pi mehai kecüwa tsüna Jisu le kiza.

JOHAN 5:16

Tsalina mathu na Jisu metenmesha le shagha, kepaghenanye ma Sabbath tsathang wi nyu sa pi mehai kecü ha kulichi.

JOHAN 5:17

Jisu na mathu wi kiza, “IBa na khili la kuliben, nu hi la kuli nbenthu yishü.”

JOHAN 5:23

Tsalina tsüdila Abawa kinyikü keten tsüti Atsawa la kinyiküden. Thowa na Atsawa kinyiküten khe ma kesun kechiwa Abawa la kinyiküden.

JOHAN 7:1

Tsaseng wi Jisu na Galilee yyi wi wa; ma Judea wi nwa mvu, kepaghenanye Judah nyi kekhang kesenthu na ma pathiale bhaden.

JOHAN 7:19

Mosa ayenwa tsü pi nthu ncü kwe? Isala nthu na tsü nie nten. isathu nthu mangkesa na hi pathiale bhaten nu?”

JOHAN 8:54

Jisu na luneng, “Keujüla hi ketanla inyanthang lethu, tsüna mangla nye. isala inyanthang chi ketenwa tsüna Anyiza, nthu na pi nthu ba le khi ketenwa tsüle!

JOHAN 8:58

Jisu na luneng, “Hi atsentsawa nthu kizaden: ‘Hi’ Abraham npi kepvügha wina ben ghodha.”

FILIPPINYI 2:6

Ma keshüthangla Anyiza tsiyen ben, isala ma khiela ma pi Anyiza meceqe sale nmeshen.

CCÜCAKECHI 22:1

Tangnyilowa na kahangtssü ghaku na Anyiza nu Khaghanenizzawa kadipen wina akhwetssü ti lle shhugho

CCÜCAKECHI 22:3

Anyunutiwa wi mangla sanu Anyiza kishen-keshi muya nben. Anyiza nu Khaghanenizzawa kadipen na anyunutiwa wi ben, nu ciwi ma maghathu na ma kinyiben.