JOHAN 5:10 - Kemethajüh (N) (Re-editing) Bible (BSI)

¹⁰ tsalina Judah nyi kekhang kesenthu na anyi mehai keyawa wi kiza, “Hawa ha Sabbath tsathang ghena nwekeshiphi pienu keten ayen nmile.”

JOHAN 5:10 Iomraidhean Croise

ISAYA 58:13

Apvüwa na khiben, “Keujüla nthu na Sabbath pi kemetha sa nu tsü ghanan wi nthu kenenthu nsa; keujüla nthu na itsathang kemethawa tsüpi ma men keben sa, nu tsü kenyuwakü ghena tsü ghanan wi kijünyi wa, kuli, ajüh nkejikagha khi nsala lethu,

JEREMIYA 17:21

Mathu na mathu kahang ghali ten lethu, Sabbath ghanan wi akhhi mangla npvü lalo kizalo; mathu na Sabbath ghanan wi mangla pvü nu Jerusalem khweti-jenka wi ndula,

JEREMIYA 17:27

Isala mathu na ijüh kina nu Sabbath pi atsathang kemetha sala n-niethu yishü. Mathu na tsü ghanan wi akhhi mangla pvü nu Jerusalem khweti-jenka wi shhu yishü, kepaghenanye mathu na tsüti sa lethu hi anni pi Jerusalem khweti-jenka tsü mecang cüben. Anni na Jerusalem kadijjenthu mecang shaben, nu thola tsü patenenya nben.”

MATHI 12:10

ciwi anyi kesü ma kwen kecügüshü na ben. Anyi pahan na ciwi ben nu Jisu kesazzi muthu ma kiminni cüle saben, tsalina mathu Jisu wi keü, “Sabbath ghanan wi nyu sa pi mehai kecü Ayen benla nmi nu?”

MARK 2:24

Tsalina Farisithu na Jisu wi khi, “Ghangchilo, no sansikeyathu na Sabbath tsathang yenwa tsü pakhhi ben le!”

MARK 3:4

Tsaseng wi ma anyithu wi keü, “Sabbath tsathang wi pala kemehai kulila nkemehai kuli nu? kahangli kesü hangshayala pathi kesa ayen ben nu?” Isala mathu na mangla nkhila.

Luk Zhükechi Jühtheü Kemehaiwa 13:14

Isala Sinagog wi kediwa na Jisu na Sabbath tsathang wi nyu sa pi mehai kecü ghena ma lebenminu nu anyithu wi khi, “Ciwi ithu kekuli kesa ghena ghanan tugho na ben, tsalina tsü ghanan jüwi gho nu nthu sa pi mehai yathu khe Sabbath tsathang wi ngho lalo.”

Luk Zhükechi Jühtheü Kemehaiwa 23:56

Tsaseng wi mathu na ajjen wi kheneng gho, nu sen wa akamang tsü nyenle kesa ghena hankedemvu kidenya. Ayenwa wi keben ti mathu na Sabbath tsathang wi mnanya.

Luk Zhükechi Jühtheü Kemehaiwa 6:2

Farisithu pahan na keü, “Nthu mangkesa na Sabbath tsathang yen tsü pakhhi ben nu?”

JOHAN 1:19

Hana Johan sheikepi kekhi: Jerusalem wi Judah nyithu na keqhaikedithu nu Levi nyithu pahan kesun pi Johan wi “No thowa nu?” isa keü thsü.

JOHAN 5:11

Ma luneng, “Anyi hi sa pi mehai kecüwa na hi iwekeshiphi pieya nu alentsen walo kizale!”

JOHAN 5:15

Tsaseng wi anyi tsüwa na wala Judah nyi kekhang kesenthu wi ma sa pi mehai kecüwa tsüna Jisu le kiza.

JOHAN 5:16

Tsalina mathu na Jisu metenmesha le shagha, kepaghenanye ma Sabbath tsathang wi nyu sa pi mehai kecü ha kulichi.

JOHAN 7:23

Mosa Yenwa tsü npasa le kesa ghena Sabbath tsathang wi atsa hyuhan den, isalethu, mangkesa na hi Sabbath tsathang wi anyi kesü sa pi mehai cencu kecü ghena nthu na imiwi aghepvü ten nu?

JOHAN 9:16

Farisithu pahan na khi, “Anyi ha sa pi mehai kecüwa hana Anyiza wina kegho sa nben, kepaghenanye ma Sabbath tsathang yenwa tsü nie nten.” Isala kepathu na khi, “Khati nu kesami nyi kesü amankesa hathu ha saya mehai nu?” Tsalina mathu jawi ajüh kepapa sa.