JOHAN 4:6 - Kemethajüh (N) (Re-editing) Bible (BSI)

⁶ Apen ciwi Jakob tssükhang na ben, nu Jisu na alentsen pi ma güccüya kesalina wa atssükhang tsü kete wi donkiben. Tsüna ghanan lapvü wi sadha.

JOHAN 4:6 Iomraidhean Croise

MATHI 27:45

Ghanan lapvü wi amighe kekihhe kecheng jü-u tsü diyyiwa maben la jang.

MATHI 4:2

Jisu na ghanan jügha nu ghaja jügha kezi seng wi ma ghamaya.

MATHI 8:24

Zuli aghajü wi caghamo na khang ntsa sa shagha nu ahun na atssü non wi duaketen ti kemessi wi ben, isala Jisu na jen ben.

Luk Zhükechi Jühtheü Kemehaiwa 2:7

Nu ma atsa tssütsewa pvüghaya, nu athsü pi ma meju pi amesü khu kesü wi jen thsü theng, kepaghenanye ciwi kijünyi jjen wi manyi keben pen nmila.

Luk Zhükechi Jühtheü Kemehaiwa 9:58

Jisu na ma wi khi, “Whewhethu na mathu ku ben, nu awathu la mathu ghacen ben, isala Anyi Tsawa tsü ma li pi keli nu mnankeya ben la nmi.”

JOHAN 11:9

Jisu na khi, “Ghanan kesü wi amighe kekihhe taghakeni nye kwe? Tsalina thowa na aghanan wi alentsenten khe ma ccümeshü nten, kepaghenanye ma ayyi wi kewegüwa tsü muben.

JOHAN 4:12

Ithu baqhai Jakob na atssükhang ha pi ithu cü, ma nu ma tsathu, nu ma mesüsithu tsüdila atssükhang hawi jjü gho. No Jakob miwi dikiben kwe?”

JOHAN 4:5

Tsalina ma alentsen sen wala Samaria nyuti kesü Sukhar kesa kheni Jakob na alli pi ma tsawa Josef kecü tsü tetsaki wi ghoya.

JOHAN 4:7

Ciwi Samaria nza kesü na atssü dele gho, nu Jisu na ma wi khi, “Atssü pi hi jjüya thsülo.”

2 KORINTHNYI 8:9

Nthu na ithu Pvüwa Jisu Khrista nanketizen tsü chüben; ma keban ntsawa lela nthu ghena ketha-u sa, tsüna ma nkemi wina nthu sa pi benya thsüle kesalina.

IBRINYI 2:17

Tsalina ma alentagha wi ma cünyuthu ti sa, nu Anyiza kekuli kesa wi mathu ghena ajühtsentsa nu nanketizen Keqhaikedi Kemisintsa sa, isanu anyithu ya kesami keteshi muya thsüle kesalina.

IBRINYI 4:15

Ithu Keqhaikedi Kemisintsa tsüna ithu nkekhang tsü nanchi meyala kesawa tsü nye. Isala ithu na Keqhaikedi Kemisintsa kesü ben tsüna ithu tu wi kesa ti alentagha pi ma mechu lela nkesamiwa tsü.