JOHAN 4:42 - Kemethajüh (N) (Re-editing) Bible (BSI)

⁴² nu mathu nzawa kiza, “Khili ikhang na no kekhi jüh ghena nye, isala ikhang ketanla ma jüh zaya, nu ikhang na ma ntsakhiwa ayyi Hangshawa le kesa chükeya ghena nondiben.”

JOHAN 4:42 Iomraidhean Croise

ISAYA 45:22

‘Khili hi wi kheneng gho hangsha yalo, ayyi tsüdi wi anyithu! Anyiza na benle kesa tsüna hi ketan.

ISAYA 52:10

Apvüwa na ma kekhang kemethawa tsü sen nu ma nyithu hangsha yaden, nu ayyi tsüdila ma muden.

MATHI 1:21

Ma atsa kesü pvüghaya ben, no ma nyan pi Jisu ciyalo — kepaghenanye ma kesami wina ma nyithu hangsha yaben.”

Luk Zhükechi Jühtheü Kemehaiwa 2:32

Kewegü kesü na no kenenwa tsü pi Judah nyi nkenyethu ccüca chi, nu anyankethang sen nu n-nyi Israel miwi gho.”

JOHAN 1:29

Dhitsüwa wi Johan na Jisu ma tetsaki gho keten muya nu khi, “Ae, Anyiza khaghanenizza ayyi kesami sen nu bvüa ketenwa tsüna ka kale!

JOHAN 11:17

Jisu na gho cukeya wi Lazar pi kevhü ghanan mejü sa kesa muya.

JOHAN 17:8

No ketsijüh pi hi kecüthu hi tsü pi mathu cü nu mathu tsü yayadha; mathu na hi ntsakhiwa no wina ghole kesa chüyadha, nu no hi kesun chile kesa nondiyadha.

JOHAN 4:29

“Nthu ghala anyi kesü ghangchilo, ma hi kekuli cüki tsüdi khi pi hi kizadha le! Hawa ha Messiya nye kwe?”

JOHAN 4:41

41 Tsü miwi ma jüh ghena anyi kejonla nondiya,

KEKULI 13:23

Anyiza na ma jüh khi kechi ti David shicübvügha wi meshu kesü Jisu pi Israel nyi Hangshawa sa thsü.

KEKULI 4:12

Ma wi ketan hangshakeya muya ben, kepaghenanye ithu hangsha meyathu keyishü Anyiza na atssan kekhu wi anyan kepa wi pi anyithu ncü.”

KEKULI 5:31

Israel nyithu yala leben khapeghe nu kesami keteshi muya thsüle kesalina Anyiza na Jisu zanki pi ma kwen ajewa chiya nu ma pi Kadimiwa nu Hangshawa sa thsüdha.

2 KORINTHNYI 5:19

Ikhang ketsijüh na Anyiza na Khrista wina anyi tsüdila pi ma pvüshangthu sayaden. Anyiza na mathu kesami cüki tsü pi theng nten, nu ma khati nu mathu pi ma pvüshangthu sayaten khe pi kizalo kesa ketsijüh pi ikhang cüdha.

1 TIMOTHI 4:10

Ikhang na agüccü ntsa nu kuli, kepaghenanye ikhang kaghangwa tsü pi hangkebenwa Anyiza, anyi tsüdi nu tsü miwi nondi kebenthu Hangshawa miwi chiden.

1 JOHAN 2:2

Ma ithu ghena kesami hhansha kesawa tsü, nu ithu kesami ghena ketan nye, isala ayyi nyi maben kesami ghena la.

1 JOHAN 4:14

Abawa na ma Tsa kesun pi ayyi Hangshawa sa thsüle kesa ithu na muyadha nu khi pi nyu kepa kizaden.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.