JOHAN 4:23 - Kemethajüh (N) (Re-editing) Bible (BSI)

²³ Isala matsü na ghoden nu tsüna khili hadha, atsentsawa wi kinyi ketenthu na Anyiza ghamu kekhang nu atsentsa wi Abawa kinyiden, kepaghenanye Abawa na hathu ti ma kinyilo kesa bhaden.

JOHAN 4:23 Iomraidhean Croise

1 KHENICÜKI 29:17

No anyi tsüdi lebenpinan nu ketsatanwa nenten kesa hi chüben. Hi lebenchi nu atsentsa wi inonkeghe sala ha tsüdi pi no cüben, nu hi khili n-nyi hewi saghu kebenthu na mathu nonghe ntsa nu sengho no cü keben muyadha.

ZAKECI 147:11

isala ma nyuwakü ketenthu miwi tsü ma nonghe den, thothu na ma ghaliki keten tsü nondi ten khe.

ZAKECI 17:1

O Apvüwa, kemeshonwa ghena hi kekhie ha kina cülo; hi kekiqa ghena kekhie ha kina cülo! Hi atsentsa kekhie kesa kina cülo.

ZAKECI 32:2

Apvüwa na mathu kesazzi ghena mathu nkemeshensathu, nu nyu kemechu wi nkebenthu kemihhi ntsa.

ZAKECI 51:6

Apinonketsü nu atsentsa tsüna no yamvu ketenwa tsüle; no kemetsa tsüpi hi pong cülo.

KEMETSAJÜH 15:8

Khathansha wi kemehai nyi na kekhie sa khe Apvüwa na tsü nenden, isala gheshighenathu na ahhansha kesa sen nu ma wi kegho tsü nanmeghü den.

Kesaki khwi 2:14

No adavü kesü na alonshiku wi kuthi keben ti kesa. Hi ya n-mmi tsikemehai tsü muya, nu no kekhou hhai zaya thsülo.

ISAYA 10:20

Israel nyi hang keyathu na mathu dedikhia le kegho mizzatentiwa tsü nondi nu nhangla keten matsü na ghoden. Mathu na mathu kenondi pi mathu Pvüwa Israel Nyiza Kemethawa miwi chi ntsa wa ben.

ISAYA 29:13

Apvüwa na khi, “Anyi hathu ha hi kinyi tenle khiden, isala mathu na khi keten tsüna ma jjügi mangla nmi, nu mathu leben na apen kepa wi ten. Mathu keccüna tsüna mangla nye, isala anyi yen nu abamyi wina khi kegho yen mathu chü pvü kebenthu le.

ISAYA 43:21

Tsüthu tsüna hi ketanla ighena sakeyathu, nu mathu na hi keseng khwithu saaben!”

ISAYA 58:2

Mathu na keshüthangla hi kinyi, mathu na ilenthu nu iyenthu chü nu nie mvu benle khiden. Mathu na hi ayenthu pi mathu cü thsü mvu nu mathu na hi kekinyi wi mathu nen tenle khiden.”

JEREMIYA 3:10

Ha tsüdi sengwi Israel jühtsentsa nkesen pvünonwa Judah na hiwi kheneng kegho ghe sa; ma atsentsa wina nsa. Hi Apvüwa, hi khidha.”

JEREMIYA 4:2

nthu na inyan wina kishenya kemehai na ben. Isathu mizzatenti tsüdila hi ya sawegü pi mathu cülo kesa khieben, nu mathu na hi sengben.”

EZEKIEL 22:30

Hi anyi kesü ya akhweti sa thsü nu bvüca keben penthu wi ngan nu hi ileben keminu pi ayyiwa yasa le kegho wi tsü khweya thsüale kesa bha, isala kesüla nmu.

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

JOHAN 12:23

Jisu na manyi wi khineng, “Anyi Tsawa nyanthang yale kesalina matsü na ghodha.

JOHAN 16:2

Sinagogthu wina nthu jügüshiaben, ntsakhiwa, thowa na nthu pathi khe ma tsüti kesa wina Anyiza kekuli sa benle kemeshen matsü na gho tendha.

JOHAN 16:32

Matsü na ghoden, nu tsüna khili ghodha, nthu tsüdila bvüzighe nu papa jjen wi wa, nu hi ketan saaben. Isala hi ketan nye, kepaghenanye Abawa na hi ssi benden.

JOHAN 4:21

Jisu na nzawa wi khi, “Nzawa, hi nondilo, anyithu na ayikha ha miwi nyelela Jerusalem wi ketan nyela Abawa kinyi keten matsü na ghoden.

JOHAN 5:25

Hi atsentsawa nthu kizaden: matsü na ghoden, nu khili ha ghodha— keshüthu na Anyiza Tsawa hhai zayaben, nu tsü zakeyathu na kahang wi ghoyaben.

JOHAN 5:28

Ha ghena nthu amansa nben lalo; matsü na ghoden keshüthu tsüdila ma hhai zaya,

ROMNYI 1:9

Hi kahang tsüdi pi ma Tsawa cüki Jühtheü Kemehaiwa kekhi ghena kuli ketenwa Anyiza na hi atsentsawa khiben kesa chüben.

ROMNYI 8:15

Kepaghenanye Anyiza na Aghamu pi nthu kecü tsüna nthu sa pi nssümaghathu sa nu nthu ya messi thsüa nben; isala Aghamu tsüna nthu pi Anyiza tsangathu sa, nu ithu na Aghamu kekhang wina Anyiza wi “Aba, iBa!” isa ci thsüden.

ROMNYI 8:26

Tsüti ithu na nkhangla keben wi Aghamu na ghola ithu kiqa cüden. Kepaghenanye ithu na khatile khieten khe nchüla keben wi Aghamu na ma ketanla gho ithu kuti wi kaghadhi jüh khishiya nkesa pi ithu ghena Anyiza wi khieden.

GALATIANYI 4:6

Nthu na ma tsangathu le kesa pi ccücale kesalina Anyiza na ma Tsawa Ghamu kesun pi ithu leben wi chicü, nu Aghamu na, “Aba, iBa.” isa ci shagha den.

EFESANYI 6:18

Kekhie wina ha tsüdila sa, nu Anyiza wi kekiqa khielo. Matsü tsüdila Aghamu lenketsütson wina kekhie salo. Ha jjügi ghena keshüthangla meghe-metsa nu nteshila Anyiza nyithu ghena kekhie salo.

FILIPPINYI 3:3

Atsentsa ahyukahan saya kesathu tsüna ikhang khe mathu nye, kepaghenanye ikhang na Anyiza Ghamu wina ma kinyi nu ikhang Khrista wi kahang ghena anonghe den. Ikhang na kenondi pi asajjü kekuli miwi chi nten.

JOSHUA 24:14

“Tsalina khili Apvüwa kinyikü nu aleben ntsa nu ajühtsentsa sala ma kekuli salo. Nthu bamyithu na Mesopotamia nu Ejipt wi kinyi kegho cenpvüthu tsü teshi nu Apvüwa kekuli ketan salo.

1 PITOR 2:9

Isala nthu na kessikeya mizza, kadimi keqhaikedithu, kemetha mizzatenti, Anyiza nyithu, Anyiza kekuli amankesathu tsü pi thangchilo kessiya, ma kejang wina nthu cishi pi ma kewegü, amankesa wi chiya kesawa tsü.

1 SAMUEL 12:24

Apvüwa jüh kina nu nthu jühtsentsa sala lebenchi nu ma kekuli salo.