JOHAN 4:14 - Kemethajüh (N) (Re-editing) Bible (BSI)

¹⁴ isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JOHAN 4:14 Iomraidhean Croise

ISAYA 49:10

mathu na khiela ghama nu dighe nben. Aghani nu ayyikeshü wi keyeng na mathu ghong tenaa nben, kepaghenanye mathu ghali ketenwa na mathu ssisenden. Ma mathu ssinu atssü kebvüpen wi waden.

ISAYA 55:1

Apvüwa na khiben, “Ghalo, anyi dighe kebenthu kesü le kesü lela hewi atssü na ben le! Ghalo, apisa nkemithu, asu shei pi dsalo! Ghalo! kisengtssü nu tsenitssü sheiya, tsüna nthu ghena ma men mangla sa nben!

ISAYA 58:11

Nu hi keshüthangla nthu ssi nu pala kemehai pi nthu nonkwen cüden. Hi nthu pi zükeqhe nu mehaitsü benya thsüaben. Nthu na atssü kejon keben, atssükebvüpen khiela qha nketen sanku kesü ti saaben.

JEREMIYA 2:13

kepaghenanye inyithu na kesami keni sadha: Mathu na hi atssü kemetha kebvüpenwa wina khapeghe bvü, nu mathu na atssükhang kebi atssü na benya nketen tssükhang tsü chhü.”

JEREMIYA 31:25

Hi nkhangla kebenthu sapi hhanhashu sa, nu kedsakejjü pi ghama nu nkhangla kebenthu tsüdi anonkwenya thsüaden .

EZEKIEL 47:9

Akuzawa tsüna khiewa llewa khe atssü wi keben pala ghei nu anga tsüdila hang yaden. Akuza tsüna Keshü Tssükedone tssü tsü sapi metha thsüden, nu khiewa lle wa khe kahang sengho den.

LEVIYEN 11:36

Katsüha na tsüthu keshü kamang kidhenya lethu tsüna nmetha laben, isala atssükhang nu atssü ketheng pen tsü metha ben.

MATHI 25:46

Tsaseng wi hathu ha kesun pi anuphan kemeten wi chiaben, isala ketsatanthu na anuphan kahang wi waben.”

MATHI 5:6

‘Ketsatan ghena ghama nu dighe ketenthu na kemihhi ntsa, kepaghenanye Anyiza na mathu ya anonkwenya thsüden!

JOHAN 10:10

Kaghanfü nyi na ghanfü, nyu pathi nu yasale kesalina ghoden. Isala hi tsü mathu ya kahang benya thsü nu ben ntsa saya thsüle kesalina gho.

JOHAN 11:26

nu thowa na hi nondi nu hang ten khe ma khiela shü meyacha. No ha nondi ben ma?”

JOHAN 4:10

Jisu na luneng, “Keujüla no Anyiza ju khukechi nu no wi atssü pi hi jjü thsülo khie kebenwa tsüna thowa khe chü lethu, no ma wi khie nu ma kahangtssü pi no cü kesale.”

JOHAN 4:11

Nzawa na khi, “Kediwa, no mangla pi atssü ssukeya nmi, nu atssükhang la dhuben. No khiewa kahangtssü muyaben nu?

JOHAN 4:13

Jisu na luneng, “Anyi thowa na atssü ha jjüya khe dighe neng shaben,

JOHAN 4:36

Alli kewwiwa na akutimen muyaden, nu anuphan kahang ghena asu saghu pi theng yaden; isanu anyi pi vvü kechiwa le kewwiwa lela gweghe anonghe yaden.

JOHAN 6:27

Dedia keten tsse ha bha pi ketizen nsa lalo, isala anuphan kahang ben keten tssewa ghena kuli yalo. Atsse hawa ha Anyi Tsawa na pi nthu cüden, kepaghenanye Abawa Anyiza na ma kessikeya pi ma miwi jenkidha.”

JOHAN 6:35

Jisu na mathu wi kiza, “Hi kahang mesawa tsü, thowa na hi wi gho khe ma khiela ghama meyacha; nu thowa na hi nonditen khe ma khiela dighe meyacha.

JOHAN 6:58

Tsalina amesa hawa ha tang wina kedugho, kheni nthu bamyithu na dsa nu shü kesawa tsüti nye. Thowa na amesa ha dsaya khe anuphan hang benben.”

JOHAN 7:37

Akho ghanan asakhenwa wi tsüna atsathang kemechan ntsawa, ciwi Jisu na shagha jisha nu khi, “Anyi kesü le kesü lela dighe ben lethu ma yala hi wi gha nu jjüya thsülo.

ROMNYI 5:21

Tsalina keshü ghena kesami khang kegho tsüti ketsatan ghena Anyiza nanketizen na kekhang senben, nu Apvüwa Jisu Khrista wina ithu ssi wa anuphan kahang wi chi cüden.

ROMNYI 6:23

Kepaghenanye kesami kutimen tsüna keshü, isala Anyiza na Apvüwa Jisu Khrista wina kekila khukechi ajuwa tsüna anuphan kahang.

2 KORINTHNYI 1:22

nu ma ji le kesa mechantsi pi ithu miwi chi, nu ma kiden pi ketheng tsüdila ithu ji le kesa ma Kemetha Ghamu pi ithu leben wi ithu nkhenshadha.

EFESANYI 4:30

Nu Anyiza Kemetha Ghamu tsü sa pi ahathana thsü nsala; kepaghenanye Aghamu tsüna nthu Anyiza jile kesa nkhenshadha, atsathang gho ketenwa wi Anyiza na nthu hangshaya ben kesa chütiben.

1 PITOR 1:22

Nthu na khili atsentsawa tsü kenie ghena nthu ketanla nthu satemethadha nu leben tsentsa sa nthu pvüshang kenondithu tizenden, nthu leben tsüdi sen nu khokho ketizenli tsentsa sa tenlo.

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.

CCÜCAKECHI 7:16

Mathu na khiela ghama nu dighe neng nbendha; aghani nyelela kisah na mangla mathu thsü tena nbendha.

CCÜCAKECHI 7:17

Kepaghenanye kadipen mnon wi keben Khaghanenizzawa na mathu hieya, nu mathu ssi wa kahang khuchiketen tssü kebvüpen wi chicü ben. Nu ciwi Anyiza na mathu nyontssü tsüdi nyen cüben.