JOHAN 4:10 - Kemethajüh (N) (Re-editing) Bible (BSI)

¹⁰ Jisu na luneng, “Keujüla no Anyiza ju khukechi nu no wi atssü pi hi jjü thsülo khie kebenwa tsüna thowa khe chü lethu, no ma wi khie nu ma kahangtssü pi no cü kesale.”

JOHAN 4:10 Iomraidhean Croise

ZAKECI 10:17

O Apvüwa, no anyi ma satemeni ketenthu kekhie kina cüden; no kempvüza pi mathu cüden.

ZAKECI 46:4

Ciwi aghaku kesü anonkeghe sengho Anyiza nyunutiwa wi, Kemisintsa kemetha jjen wi tsü chiden.

BVÜKESHHU 17:6

Hi ntuwi wa Sinai Yikha wi alon miwi ngan benlaben. Alon tsü kihhechithu anyithu ya jjüya thsüle kesalina atssü na shhughoaben.” Mosa na Israel nyi ccülikesathu tuwi na tsüti sachi.

Kesaki khwi 4:15

Atssü bvükeben sanku, atssü lle wa keben kuzathu, Lebanon Yikhathu wina lle kedugho kuzathu.

ISAYA 12:3

Kedighe nyi na atssü kemetha jjüyathu anonghe keten tsüti, Anyiza na mathu hangshakeya wi mathu nonkeghe saaden.”

ISAYA 35:6

Accü nkemehaithu na kephenki, nu ajühkhi nkeya nyi na anonkeghe ghena jishaden. Aghaku tsüna ayyikeshü wi lle waden;

ISAYA 42:6

“Hi Apvüwa, hi no ciya nu kekhang pi cüdha, atsentsa saben kesa ghang thsüle kesalina. Nmiwi na hi anyi tsüdi ssinu cenkethenjüh kesü saaden; nmiwi na hi kewegü sengho mizzatentithu cüden.

ISAYA 43:20

Aghangsathu lela hi nyuwaküben; whewhe nu awaketiwa lela hi sengben, hi ayyikeshü wi aghakutssü lle pi hi kessikeya nyi kecü wi.

ISAYA 44:3

‘Hi atssü pi ayyi shangshang kesapen wi chi nu ayyi keqha wi aghakutssü na lle shhugho thsüden. Hi ighamu meyisha pi ntsangathu miwi chicüden, nu hi kemihhi pi nshicüthu miwi chiden.

ISAYA 49:10

mathu na khiela ghama nu dighe nben. Aghani nu ayyikeshü wi keyeng na mathu ghong tenaa nben, kepaghenanye mathu ghali ketenwa na mathu ssisenden. Ma mathu ssinu atssü kebvüpen wi waden.

ISAYA 9:6

Ghanyi kesü pvügha pi ithu cüdha! atsa kesü pi ithu cüdha! nu ma ithu miwi kekhang kesenwa saaden. Ma pi “Amankesa Kesansichüwa,” “Kekhang ntsawa Anyiza,” “Anuphan Bawa.” “Kecca Kaditsawa.” le ciden.

JEREMIYA 2:13

kepaghenanye inyithu na kesami keni sadha: Mathu na hi atssü kemetha kebvüpenwa wina khapeghe bvü, nu mathu na atssükhang kebi atssü na benya nketen tssükhang tsü chhü.”

EZEKIEL 16:35

Tsalina Jerusalem keqhezawa! Apvüwa na mangwa khiben khe kinalo.

ZEKHARIYA 13:1

Kemisintsa Apvüwa na khiben, “Tsü tsüna kegho wi atssükebvüpen kesü pfüsi chi pi David shicübvügha nu Jerusalem wi anyithu mathu kesami nu keqheza wina satemetha den.

ZEKHARIYA 14:8

Tsüwa tsathang na kegho wi Jerusalem wina atssü kemetha na lle shhugho nu gishü pahan na llesen Keshü Tssükedone wi wa nu kepawa na llesen Mediterranean wi duaben. Tsüna amapi chuli pathsü nu mazu wi lela lle waben.

Luk Zhükechi Jühtheü Kemehaiwa 11:13

Nthu nkemehaithu lela pala kemehai pi nthu tsangathu kecü yen chü lethu, tang wi kebenwa Abawa tsü khaju khatila Kemetha Ghamu pi ma wi khie ketenthu cüben nu!”

JOHAN 16:3

Anyithu na nthu miwi hathu ha saben, kepaghenanye mathu na Abawa nyelela hi la nchü.

JOHAN 17:3

Nu anuphan kahang ma jjügi no atsentsawa Nyiza, nu no kesun kechiwa Jisu Khrista tsü chüya thsüle kesalina.

JOHAN 3:16

Kepaghenanye Anyiza na ayyi nyi tizenghali ntsa kesalina ma Tsa ntsawa kesütan tsü lela khuchi, nu anyi thowa na ma nondiya khe dedi kesawa nyela anuphan kahang bendha.

JOHAN 4:14

isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JOHAN 6:35

Jisu na mathu wi kiza, “Hi kahang mesawa tsü, thowa na hi wi gho khe ma khiela ghama meyacha; nu thowa na hi nonditen khe ma khiela dighe meyacha.

JOHAN 6:51

Hi tang wina kedugho mesawa tsü. Anyi thowa na amesa ha dsaya khe ma anuphan hang benden. Ayyi nyi yala kahang benya thsüle kesa ghena hi khuchi ketenwa tsüna isa.”

KEKULI 9:11

Apvüwa na ma wi khi, “Shagha kidenya nu Alen Kemeshonwa wi tsü walo, nu Judah jjen wi anyi kesü Tarsa wina kegho ma nyan Saul tsü keülo. Ma kekhie saben.

ROMNYI 8:32

Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe?

1 KORINTHNYI 1:30

Isala Anyiza na nthu sa pi Jisu Khrista wi benya thsü, nu Anyiza na Khrista sa pi ithu ghena kemetsawa, ketsatanwa, satekemethawa, nu khushikeyawa sa thsüdha.

1 KORINTHNYI 10:4

nu aghamulen wi makesü jjü. Mathu na aghamulen wi alon mathu gweghe kewawa wi tsü jjü; nu alon tsüwa tsüna Khrista.

2 KORINTHNYI 9:15

Ma ju khukechi khi meyakhi kesa ghena ithu Anyiza seng nalo!

EFESANYI 2:8

Kepaghenanye kenondi ghena Anyiza nanketizen wi nthu hangsha yadha. Hawa ha nthu ketanla sa keya nye, isala Anyiza na aju khukechi.

IBRINYI 6:4

Kepaghenanye khati nu kenondi teshi kesathu ssi neng gho leben khapeghe thsüya mehai nu? Mathu na kuti Anyiza kewegü wi ben; mathu na tang wi ajuthu tsü pampi nandha, nu Kemetha Ghamu wi mathu shei muyadha;

1 JOHAN 5:20

Anyiza Tsawa na ghodha nu ithu ya atsentsawa Nyiza tsü chüya thsüle kesalina chüshikeya pi ithu cüle kesa ithu chüben. Ithu na ma Tsawa Jisu Khrista wi hang keben ghena atsentsawa Nyiza wi hangben. Hawa ha atsentsa Nyiza, nu anuphan kahang.

CCÜCAKECHI 21:6

Nu ma khi, “Tsü sacendha le! Hi Alfa nu Omega, atuwa nu asengwa, adechhüwa nu asakhenwa. Kesü le kesü lela dighe kebenwa hi kekila wina kahang tssü pi jjüya thsüden.

CCÜCAKECHI 22:17

Aghamu nu shanyiliwa na khiben, “Gholo!” Ha za keyathu tsüdila khiben, “Gholo!” Kesü le kesü lela dighe kebenwa, Gholo; kesü le kesü lela tsü yamvu kebenwa kekila wi kahang tssü tsü yayalo.

CCÜCAKECHI 7:17

Kepaghenanye kadipen mnon wi keben Khaghanenizzawa na mathu hieya, nu mathu ssi wa kahang khuchiketen tssü kebvüpen wi chicü ben. Nu ciwi Anyiza na mathu nyontssü tsüdi nyen cüben.